Yobkwi 14:3 - NTSHOB NSI

³ Njoṅ yub fa fàn manze, bo ke' bèn njwimte sàm ju. Ngaghù numebwô ke bwe, mba nda' ta' i ntshù'.

Yobkwi 14:3 Iomraidhean Croise

Neto'te 6:12

Nsi lôte tsha'a, njen ndù nukebwô dun bwe; nummbe njoṅ benntùn fa lo ghù à be nzin kebwô num nsitsha'a.

ṄWA'NI YOB 14:4

We z'a ghù nesô ju nelàn ntùm ze kelàn à? Sàm mènntùn ke bwe.

ṄWA'NI YOB 15:16

Kà njôg mbe se' mènntùn, mèn kebwô z'a bag neshu là! Mènntùn ke mi mfàn nu à ndaṅndaṅ mb'a num mi ntse là!

Yobkwi 119:176

Me b'a tshakendà mba njùmbwe z'a bi là, diag ngafa' o. Nummbe me ke' be lagte ntshù' mu.

Yobkwi 14:1

Ntshagte yobkwi. Se David. Nkagni be ntshob ntùm ntù i ndù: Nsi ke bwe. Kagni bagte fa, bo ghù tshu ts'a bag neshu là; sàm ngaghù numebwô ke bwe.

Yobkwi 143:2

A ke' bwô ndù o tsho'te ntsha ngafa' o, nummbe sàm mènntùn ke' be netsin mbwe o.

Yobkwi 38:5

Nummbe mfànnu màm nèn tù kà ntôg tu àm. Mfànnu màm lèl àm neshu ntshùa ntsha' ntshwèn.

Yobkwi 58:3

Nga, bin be mfàn nu ntùm ntù tsine, mbu min b'a mi nefètte lem ntùm ngô, mbu min mi lem be nkag zwentù mum ngô.

Netume 12:30

Faraon lo nsi tèttswe' mba ghafa' tse boa njoṅ ba Egipto fa. Mo' tshu'te ndùb be Egipto, nummbe sàm ndà mba ntshù' lo ke be ze fe mén ke' be bwe là.

Nzenu 7:20

Nummbe sàm mèn netsin mba ntshù' ke num nsitsha'a z'a ku'ni neke ngù be mebwô ke to' fàn nu là.

Nzenu 7:29

Nda' ndù, o lèn ju ze me yen ké? Me yen mbe Nsi nabte benntùn bo tsin, nda' ndù bo num nke ndiag ntun yàme.

Esaya 53:6

Be na' mb'a tshakendà mba njùmbwe là. Mba we lo na' nke mbwe à ze manze. Tshùaben lo ghù mfànnu njoṅ be fa tsho tu i.

Esaya 64:6

Sàm mèn ke bwe num netsiaṅ lén so, neghom wul i, nso wul i num o, nummb'o lem yag se o, mfaṅ bag nke ntù' bwe à be njam nukebwô tshage.

Yérémia 2:13

Nummbe yàm nzwit mèn ghù nukebwô nze tse bàa: Bo ghua' àm, me ze me b'a tôntse yôg là, nke ntswe' ntôntse, ntôntse mi a bagte là, ntôntse mi ntse ke' be la' bwe là.

Ezékia 36:25

Me nsi naṅ ntse nelàn num bin, men ntse là nsi lànte zin num njoṅ ṅu' min fa mba njoṅ tshùaya'nu tsin fa.

Roma 3:23

Nummbe njoṅ benntùn fa lo ghù nukebwô, ke ghù nkuni Nsi.

1 Korintô 6:5

Me tshob à ndù tuswe ko zine. Ndùlala sàm ngazenu ke netèt bin z'a ku'ni netsin netèt fètfèt ntsho'te yub là!

2 Korintô 7:1

Fèt tshàm tse nkôni, mba bag à bin ghù lèn men nka'ni li là, bag à bin lànte njoṅ ṅu' mbàb wut fa mba njoṅ ṅu' ntù fa num be, miagte ze be nelànte ntùm nebwôg Nsi.

Efésô 2:3

mba bag yag lo be netèt tshen ben nà, njoṅ yag fa lo ke njôg ngelaṅ mbwe ntùm ba ghe'te mbàb wut yag, nke ngù tshu tse mbàb wut mba nkwate nukebwô kô là, ntùm neyene, mba bag yag na' mb'a bon yantù mba tsemo' ben nà.

Nebwôgte 1:35

Sàm mèn netèt yen zwiaṅ ben kebwô li ke nsi yen mbwô ngô ze me na' nu ngu tà tsin ndù m'a' fà bo là.