Yobkwi 139:2 - NTSHOB NSI

² O lèn ngelaṅ me tswe nsi là, mba ngelaṅ me tsin tù là. O be ndèn nkwatenu màm tà ngùanesà,

Yobkwi 139:2 Iomraidhean Croise

Neto'te 16:13

Agar yab lén Tshùaben z'a na' ntshob nu yi là ndù: O b'a Nsi z'a be njen nà. Nummb'a lo tshob ndù: A b'a kua' nsen ni ze me yen ntshùa mèn z'a ke njen àm nà ké?

2 Fenfen 19:27

Me lèn ngelaṅ z'o be ntswe nsi là ndèn ngelaṅ z'o be ntum nà, ndèn ngelaṅ z'o be mbèn njam nà; me lèn tshùagntù z'o ghù num àm nà.

2 Fenfen 6:12

Ngafa' bùnte ndù: Mfen àm, sàm lèn yen mèn nà ke netèt bag. A b'a Elisa, ngatshob ntshob Nsi z'a Israél là bèn nke nsoṅ mfen Israél ntshob mi o tshob ntùm to'ndà z'o be nzi bwe là.

Yobkwi 44:22

mba Nsi ke' lèn ké, yi z'a lèn njoṅ ntsham fa mi a ntù mènntùn n'à?

Yobkwi 56:8

Be bo ke tum ntshu vù num mfànnu mube. O Nsi, tshùa njam yantù o ma' ba tum nsi!

Yobkwi 94:11

Tshùaben lèn mi nkwate mènntùn, ndèn ndù men nà b'a banban.

Tànkùt 15:3

Miag Mbom be mbe njoṅ dù' fa, nke ndôte ghatshùagntù boa ben kebwô.

Esaya 37:28

Là, me lèn ndùs'o be ntswe nsi là, ndèn ndùs'o be ntum nà, mbèn ndèn ndùs'o bèn njam nà, mba ndùs'o ghù tshùagntù num àm nà.

Ezékia 11:5

Ywèt Tshùaben vù num àm, ntshob me ndù: Tshob ndù: Tshù mba Tshùaben tshob li: Tunndà Israél, a mba bin tshwèt ntshob là ké? Me lèn ju z'a tshwèt nse' ntùm nkwatenu min nà.

Ezékia 38:17

Tshù ju ze Tshùaben Nsi tshob li: A kua' wù ze me na' ntshùa num ntshu ghafa' tshàm, tse ghatshob ntshob Nsi Israél ntshob tà mbwe ndù me nsi ghù o lo nsi num bo là. A lo be num tshen lé'njù là, tshen ngu'njù là bo yà tshob yen nu là.

Sakaria 4:10

Nummbe ben tse bo ke ngwag bontsit neto'te là nsi tsiaṅte ndùse bo nsi yen ju nelo' mfi' ba' a tsin bu Zorobabél là. Tshen nka' sammbàa là b'a miag Tshùaben mi a be nzinte num njoṅ nsitsha' fa là.

Matio 9:4

Yésu lèn nkwatenu mube, ntshob ndù: Numke bin ngù men nkwate nukebwô là ntùm ntù tsin à?

Lukas 9:47

Là Yésu lèn nkwatenu mi a be ntù bo là, ndo' metsit ménfi, nte mbaṅ i, ntshob bo ndù:

1 Korintô 4:5

A ndùlala, kà bin tsho'te ke ngelaṅ yoṅ nku'u, bin béb ngelaṅ Tshùaben nsi se' là; a nsi ké'te tshu ts'a lem ntùm njam nà, a nsi la'te nkwatenu mi a be ntùm ntù là; Nsi nsi nyàmte mba we lo.

Nebwôgte 31:21

ndùse nge' boa ngùtni yàm nsi tsho i là, mba sen kwi li nsi be kwénta num yen nzwit mèn ni, nummb'a ke nsi lagte sen kwi li s'a nsi ke be ntshu nzwil i là. M'a lèn mba ntù i be là, ndèn mba ju z'a be ntù i là fe ndonni, kà njôg ndo' i ntsho yi ntùm ngô me na' ntshob nsaṅlaṅ num bwe nefà yi là.