Yobkwi 137:3 - NTSHOB NSI

³ Ghatô be lo ke mbètte be njobkwi, ghaghùtni be nke mbètte yobkwi tsiaṅte bwe ntshob ndù: Bin yob ta' yobkwi Sion bag.

Yobkwi 137:3 Iomraidhean Croise

1 Kronika 15:27

David na' nket kummbaṅ, nzwe mebwô mba ben Lévi tse bo ket Koṅ Kàn nà, ghayobkwi bo Kenania mfen ju nebu' netèt ghayobkwi na' be yub à be mba David là; David lo ghù kum nesag se bo ke nket à num ngelaṅ fa' le'te là num i ndù bo lo' à nzwe nefùag ntam yi.

1 Kronika 16:7

A num sen lé'njù là ze David bètte Asaf boa fèt tse mbwe yoṅ i ndù bo ke njobe, ngamte Tshùaben nà.

Néhémi 4:2

A tshabte ba Yuda, ntshob mbwe fèt tse boa soyé, Samaria ndù: tshen fenyu' ba Yuda li ke mfa' à ke? Bo a' faṅ bo nke mfa' ké? Bo kwate mb'a' tshùa njam tshule'te kà bo nzin nkum ké? Bo nsi sô ndoṅ ntùn mi mbwôg kù i là bam men mfèt mbab li ké?

Yobkwi 65:1

Ntshagte yobkwi. Se David. Yobkwi.

Yobkwi 79:1

Yobkwi Asaf. O Nsi! Ba tum lo' ntsi' mu. Bo bagte ndà o ze nelàne. Bo lo' Yérusalém ngù fèt ndoṅ yi.

Yobkwi 80:6

O be nkém yub bàn ntsenyà. O be ngù bo nu ntsenyà k'a tshùa yube.

Yobkwi 9:14

Tshùaben, ko ndèn màm, tam lag so num nge' àm, sô àm ntshu vù,

Tànkùt 25:20

Mèn z'a be njob kwi ntù z'a be ntùm ngùtni là b'a mba mèn z'a sô nzwe mfùag ndùse mfùag tshwèt nko là, b'a mba ndu' netshùag mi bo be naṅ num mfaṅ nà.

Esaya 35:10

Ben Tshùaben ts'a tshu' là nsi bèn njam. Bo nsi nèn Sion, be nèn ke yob nkwi ngu'u. Tsiaṅte ke mi, ze matmat nsi lo' tu yube. Ṅwate bo tsiaṅte nsi ghebte dù' ntshù', ya bo netsham zwe kù nène.

Esaya 51:11

A ndùlala, ben Tshùaben ts'a tshu' yub là nsi bèn njam. Bo nsi be nèn Sion ke yob ngu'u; tsiaṅte z'a tswe matmat là nsi kabte tu yube. Ṅwate bo tsiaṅte nsi ghebte, ya bo netsham zwe kù nène.

Yérémia 26:18

Mika ze Moréshet lo ke ntshob ntshob Nsi num ze ngelaṅ Ezékia, mfen Yuda, nke ntshob ngô Yuda ndù: Tshù mba Tshùaben tàndà ntsho tshob li: Bo nsi dù' Sion mba ta' nà là. Yérusalém nsi tù' à ta' fèt ndoṅ. Mbat ndà Tshùaben nsi tù' neta fèn.

Yérémia 9:11

Yérémia bètte ndù: Nzenu mènntùn z'a ju' tshen tshu li là b'a yà? A bwô ndù mèn ze Tshùaben tshob yi là tote là! Numke ngô nsat'à? Numke ngô nkù mba kônkwa, mènntùn ke bèn netshùa bwe à?

Mika 3:12

Là, a nsi tshùa num tu bin Sion tù' nà ze bo dù' là, Yérusalém tù' fam, mbat ndà Tshùaben nsi tù' fèn.

Lukas 21:6

Ju ze bin tshwèt njen nà, tsemo' lé'njù nsi se'e, tse bo ke nsi faṅ loṅ num loṅ ke sate là.