Yobkwi 137:1 - NTSHOB NSI

¹ Num kaṅ nta'ntse mà Babilon, be lo tswe bwe, mbe kwimte Sion nke nkua'a.

Yobkwi 137:1 Iomraidhean Croise

Esdra 8:21

Me ghù bag tswe nziku' mbaṅ ta'ntse Ahava, ndùlala ndù bag fà wut nsi mbwe Nsi yag, ndù a ghù yag nkatte tôg kua' mebwô num bag, num bon tshage, mba num njoṅ tshu tshag fa.

Esdra 8:31

Bag lo mbaṅ ta'ntse Ahava nenèn Yérusalém num lé'njù ntshob bàa gham ntùm mbwe maṅwù. Bu Mbom yag kabte yage, njôg yag mum mbu ghakeban mba num nkù tse bo bùn yag yi num manze là.

Néhémi 2:3

me bùnte mfen ndù: mfen tswe matmat! M'a' be ke nyamte se àm à ndùke ndùse tusô se ntufi tà tshàm be bwe sate, nzendà tse bèn nkù mbwôg fa l'à?

Yobkwi 42:4

Ntsenyà màm b'a yàm jujù; mbwôgtshù mba tèttswe'. Ngelaṅ bo be ntshob me njoṅ ndù fa ndù: Nsi o b'a yà là.

Esaya 66:10

Njoṅ zin fa bin be nkô Yérusalém, bin à bo tsiaṅte, bin fon zin tsiaṅte bwe. Njoṅ zin fa tse bin be nsivù num i là, bin ṅwate ntùm tsiaṅte bin à bo.

Yérémia 13:4

Lo' kob s'o lo njune, s'a be tun o là, lo nsi nèn nze Efrat, ntsho bwe ndem kob là ntùm fé' ta' gholoṅ.

Yérémia 15:17

Me ke' be tswe netèt ghatshabte, nke ṅwate bag à bo. Bu o num ntshagt'àm, nte àm njam, nummb'o lo ghù zwe dun ntù àm.

Yérémia 51:13

Wù Babilon z'o tswe mbaṅ ntse ndùbndùb, ngù tshunkàb yàm nà, yu ngelaṅ te nsi, ngelaṅ tshô mi wù ndonni.

Yérémia 8:19

Ju' nkua' yàm nzwit mèn n'a tshwèt mfe num tsha' tà ngùanesà nse' là: Tshùaben ke' bèn nebe Sion ké? Ze mfen Sion ke' bèn mbe netèl i ké? Numke bo na' ndo' neto nekom nkamte yantù àm yi, ndo' neto ba tum nkamte yantù àm yi à?

Nsindàvù 1:16

A ndùlala ghù kà me nke nkua'a, kà ntsenyà nke nswe' tu àm. Nummbe mèn z'a lo mbe mb'a fite ntù àm nà b'a ngùanesà mbaṅ àm. A yi z'a lo mbe mb'a bù't'àm nà. Nshumnshum tshàm b'a ntùm nenywine, nummbe ngakeban yob ngu'u.

Nsindàvù 2:18

Ntù yub tshwèt nkua' ntsiaṅ Tshùaben nke ntshob ndù: Kumba' ngon Sion, faṅ koṅ ntsenyà swe' tu mbwôgtshù bo tèttswe'. Kà bam nefite, kà bam ndù nyilag o fite.

Nsindàvù 3:48

Ba koṅntse tshwèt nswe' miag àm, num mba ngon yàm nzwit mèn b'a fam nà.

Nsindàvù 3:51

Lag sàm tshwèt nja àm, mb'a num njoṅ ngonngon sàm tusô.

Ezékia 1:1

A lo be mbatte ngu'njù ṅam ntat, mum lé'njù tàn mum ṅwù kuà mba me be netèt kuan tse bo be mbaṅ ta'ntse Kebar là, kamànyam gha' nte nge, me yen njem ts'a fe Nsi là.

Ezékia 1:3

ntshob Tshùaben se' Ezékia nshum Buzi, ngale'te Nsi, mum ngô Kaldéa, mbaṅ ta'ntse Kebar; a bwe ze bu Tshùaben yab num àm, me Ezékia là.

Ezékia 3:15

Me kum Tel-Abib mbaṅ ba kuan (ghakùla') tse bo tete mbaṅ ta'ntse Kebar, dù' ze bo be là; me tswe bwe lé'njù sammbàa, netèt bo, ke lèn dù' ze me be là.

Daniel 9:3

Me kaṅ wul àm ndôte Tshùaben Nsi, ndù me le't'é, ma' mbu yi ntùm netswe nziku'u, netôg nke'bàm bo nese' bwembwôge.

Lukas 19:41

Ngelaṅ z'a ke ngebte là, a yen ngô, nkua' num i, ntshob ndù:

Apokalipse 11:3

Me nsi fà ghakwénta màm bàa, bo nsi ket nke'bàm, tshob ntshob Nsi mum lé'njù bon ntôg ntshob bàa ntsha' mbùm.