Yobkwi 136:11 - NTSHOB NSI

¹¹ A lo ghù Israél tum la' bo, nummbe kondèn i be ntswe matmat,

Yobkwi 136:11 Iomraidhean Croise

Yobkwi 105:37

Nsi ghù ba Israél tum, ndù bo ket nkàb mba gol, sàm mèn netèt bo, netèt njoṅ nzwit yub fa ke ghô njam.

Yobkwi 78:52

A lo ghù ben tse nèn mba njùmbwe là. A lo tshagte yub mba bwoṅ nyàm nà num kônkwa.

Netume 12:41

Tshen ngu'njù 430 là lo be tôg njoṅ ntshu ntsho Tshùaben fa tum Egipto.

Netume 12:42

Yen nà na' mb'a tèttswe' Tshùaben zi tshùalo, nsô yub Egipto là. Yen tèttswe' là b'a ze tshùalo z'a bwô ndù ba Israél ke nkwimte ngu'ngu', ndo' nke ngamte Tshùaben yi ngu'ngu' là.

Netume 12:51

Tshùaben sô bon Israél Egipto be kua' sen lé'njù là, njab yub nka mba ntshu ntsho là.

Netume 13:14

A be ze nshum o be mo' lé'njù mbètte tote yen nu li là, mb'o nsi bùnte yi ndù: Tshùaben lo tshùa njam bu i ze neta nsô yag Egipto, ndà kuan.

Netume 13:16

Tshùaben na' ntshùa njam bu i ze neta kà nsô yag Egipto. A nsi be wù a mba keki là bu o, be ju nekwimte num miag mu.

Netume 13:17

A be ndùse Faraon faṅ Israél ndù bo tum nà, Nsi ke lo' i ntshùa yi nze z'a be ntshùa ngô Filistia là, mba mb'a na' mbe nze ndaṅndaṅ nà. Nsi lo tshob tu wul i ndù: A be ze bo kum mo' dù' nke nde' ntsho là, mba nu nsi bag yub mba bo tum Egipto là, bo bèn mbèn bwe.

Netume 13:3

Mosé tshob ngô ndù: A bwô neke nkwimte sen lé'njù li se bin tum Egipto, ndà kuan nà. Nummbe Tshùaben lo' à bu i ze neta nsô zin yi bwe. A ke' bwô bin jù bàn ze bo te ywibte se là.

Netume 13:9

A nsi be wù à mba keki là bu o, be ju nekwimte num miag mu, ndùlala ndù o ghù kàn Tshùaben ntshu o. Nummb'a na' ndo' à bu i ze neta nsô o yi Egipto.