Yobkwi 135:6 - NTSHOB NSI

⁶ Tshùaben be ngù njoṅ tshu fa ts'a kô là, mfe kamànyam mba num nsitsha'a, ntùm ba dibantse mba ntùm njoṅ ngem fa.

Yobkwi 135:6 Iomraidhean Croise

ṄWA'NI YOB 42:2

Tshùaben, me lèn ndù o ghù mba' neghù njoṅ i fa, mba ndù o ku'ni neghù mba ke lo z'o kô là.

Yobkwi 115:3

Nsi yag b'a mfe kamànyam, a be ngù ju z'a kô là.

Yobkwi 33:11

Nkwatenu Tshùaben be ntswe matmat. Njabnu ntù i nke ntswe ngu'ngu'.

Yobkwi 33:9

Nummb'a be ntsiaṅe, ju ṅwag, ntshobe, ju be.

Esaya 46:10

Me num ntshob ju z'a nsi se' là fe neto'te; ntshob mb'a nsi bumte là k'a njôg mbumte. Me tshob ndù ntàmtenu màm nsi bumte, me zwiagte njoṅ yàm nekô fa.

Daniel 4:32

Bo nsi yoṅ o netèt benntùn, yu dù'ntswe tù' b'a netèt nyàm tshwèt. Bo nsi kém o nenà mba ba nyàmna' là; zwiaṅ njù sammbàa nsi tôg num o tà nkum ndùs'o lèn ndù Nsi z'a be tà mfe tù bèn nke ntô nufen benntùn, mbèn nke mfà i mèn z'a kô là.

Daniel 4:35

Njoṅ benntùn fa ntùm njù ke b'a sàm ju num miag mi. A be ngù à mb'a bwô i là boa ntshu ntsho kamànyam, ngù à mb'a bwô i là boa benntùn ntùm njù. Sàm mènntùn ke bwe z'a ku'ni neta tu yi, ke netshob ndù: O ghù à ke là.

Amos 4:13

Nummbe mèn z'a nabte ba mbat mba fetmbaṅ, nke ngù mènntùn lèn nkwatenu mi là, lén se b'a Tshùaben tàndà ntsho. A yi nke ndo' mfôgnjù nkaṅ njam yi, nke nzin num dù' tsha' ts'a ṅate là.

Amos 9:6

Tshùaben b'a lén mèn z'a be nkut dù'ntswe mfe kamànyam, nte nta i num nsitsha' là. A be ntsiaṅ ntse mi a dibantse là, nsa yub num nsitsha'a.

Matio 14:25

A na' mb'a ngelaṅ njù tù' nelàn nà, a zin num dibantse, nse' mbaṅ bo.

Matio 28:18

Là Yésu se' mbaṅ bo ntshob men ntshob li bo ndù: Nsi fà njoṅ ngù' fa me fe kamànyam mba num nsitsha'a.