Yobkwi 133:3 - NTSHOB NSI

³ A b'a mba meme' mi a fe Hermon, mi a be nswe' num ba mbat Sion nà; nummb'a b'a bwe là ze Tshùaben tsin ntum kàn be, mba yôg s'a tswe matmat là.

Yobkwi 133:3 Iomraidhean Croise

Yobkwi 16:11

O nsi ghù me lèn manze yôg. Tsiaṅte gha' mbu mbwe o. Yôg mebwô z'a tswe matmat là num num bag bu o ze zwim.

Yobkwi 21:4

Nummb'o lo yà soṅ i njam mbotni kondèn o. O te tshe' gol nelàn tu i.

Yobkwi 21:5

A lo ke mbètt'o yôg, o fà yi, yôg s'a tswe yàme, ntswe matmat là.

Yobkwi 42:8

Mo' mba' ntse be nse' ngwù num mo' mba' ntse. Njoṅ ntu'ntse fa mba njoṅ mba' ntse fa be ntamte nja' num àm.

Tànkùt 19:12

Yantù mfen b'a mba ntshu' ngwayit là, bwôntù mfen b'a mba meme' mi a num nenà là.

Lévitiko 25:21

Mba m'a' tam tse bin num mbatte ngu'njù ntôge, yen ngu'njù là fà jujù bin num ngu' tat.

Mika 5:7

Tshé' bon Yakob nsi be netèt ngô nzenze, netèt nzwit nzenze mba ngwayit be mbe netèt nyàm tshwèt là, mba mén ngwayit be mbe netèt njùmbwe là; a be mbe ndùs'a tshùa, nyiaṅte nku, nsé'te là, sàm mèn kekwé ju z'a ghom nà yi.

Yohané 4:14

là mèn z'a nsi nu ntse mi me nsi fà yi là, ntù i ke nsi bèn kù mo' yoṅ i, là ntse mi me nsi fà yi là nsi tù' lagntse num i, se ntse nsi tum bwe num yôg matmat là.

Yohané 5:24

Kua' nenùne, kua' nenùne, me tshob bin ndù: Mèn z'a num nju' ntshob màm mbam mèn z'a tum àm nà ghù yôg matmat; mbe ndù a ke bèn nese' mbwe netsho'te ntsha, là, a tum ntùm vù nèn ntùm yôg.

Yohané 5:29

Ben tse bo ghù numebwô là nsi lo num vù num yôg, ben tse bo ghù nukebwô là nsi lo num vù num netsho'te ntsha.

Yohané 6:68

Simon Pétro bùnte yi ndù: Tshùaben, bag nèn tèl à we? O ghù ntshob yôg matmat;

Roma 5:21

ndùlala ndù mba nukebwô na' ntô njù ntùm vù là, be ndaṅndaṅ mba kondèn nsi tô njù njam nunetsin num yôg matmat, ntshùa njam Yésu Kristô, Tshùaben be.

Roma 6:23

Nummbe nkàbfa' nukebwô b'a vù, là ju kondèn Nsi b'a yôg matmat njam Kristô Yésu Tshùaben be.

Nebwôgte 28:8

Tshùaben nsi ghù bin mbotni ke mbe ku ntshù' ntùm nkandà mu, mba ntùm mit mfa' lo mi o to'te là. A nsi tam ntse wù ntùm ngô ze yi Tshùaben Nsi o fà wù là.

Nebwôgte 4:48

Yub ngô ke nto' a fe Aroer num nkaṅ Arnon nèn nkum num mbat Sion z'a b'a Hermon nà,

Yoshua 13:11

Galad, ngô Guershon, bo ze Maaka, njoṅ mbat Hermon fa, njoṅ Basan fa tà nkum Salka;

1 Yohané 2:25

Nka'ni mi a na' nka' be là b'a yôg matmat.

1 Yohané 5:11

Yen kwénta là b'a ndù Nsi lo fà yôg matmat be, mba ndù sen yôg là b'a num Mén i.

Apokalipse 1:18

me b'a ntùn; me lo kwù, tshù me b'a ntùn num ngu'ngu', me ghù fùn vù mba fùn ngô fe ben.