Yobkwi 133:1 - NTSHOB NSI

¹ Yobkwi ko'ko'. Se David. Ah! Mi' a bwô neshu, mi' a fite neshu mb'a be fètfèt tamte ntswe bwoṅ nà!

Yobkwi 133:1 Iomraidhean Croise

Neto'te 13:8

Ndùlala Abram tshob Lot ndù: Me le't'o, a ke' bwô ndù ntanta be netèt be, ke netèt tshàm ghabéb mbwe boa tsho lo; nummbe be b'a fèle.

Neto'te 45:24

A lé'te fèt tse bo nèn, a tshob bo ndù: Kà bin kam ntanta num manze.

Yobkwi 122:1

Yobkwi ko'ko'. Se David. Me num tsiaṅte ngelaṅ bo tshob me ndù: Be nèn mà ndà Tshùaben nà!

Yobkwi 124:1

Yobkwi ko'ko'. Se David. A ke b'a Tshùaben mba we lo tshètte be à? A bwô ndù Israél tshob ndùlala.

Yobkwi 131:1

Yobkwi ko'ko'. Se David. Tshùaben ntù àm ke' be ka'te, miag màm ke be ko'tewut. Me ke' tam tshàm num manze màmà, ke be tam njam tshu netshàm ts'a tshùa àm nà.

Esaya 11:13

Là, ghe'te Efraim nsi bèn nsi, ghakeban Yuda bi nsi; Efraim ke nsi bèn ghù ghe'te num Yuda, Yuda be ke bèn mbe ngakeban Efraim.

Esaya 11:6

Mbù tshwèt nsi tam dù'ntswe bo njùmbwe, nzwimàntô bo mén mbwe ke nô dù' ntshù'. Mén mfô, mén ngwayit boa nyàm tse bo kag yub là nsi tam dù'ntswe, metsit ménfi ke ntshagte yube.

Esaya 11:9

Mo' kebwô ke bintàn no ke nsi be, num njoṅ yàm mbat ze nelàn fa. Nummbe nelèn Tshùaben nsi dun num nsitsha', ndaṅndaṅ mba ntse be ndun dibantse là.

Yérémia 32:39

Me nsi fà ntù ntshù' bo nze ntshù' bo. A nsi tshùa ndùlala bo ke mbwôg àm njoṅ ndù fa, num sob fu' mba se bon tshobe.

Marko 3:25

A be ze tunndà ghabte wul i là, mba yen tunndà là ke' ku' netswe.

Yohané 13:35

A num yen nà ze njoṅ benntùn fa nsi lèn ndù bin b'a ghazi'te nu àm nà, a be ze bin ghù nkôni bin bin nà.

Yohané 17:21

ndùlala ndù njoṅ yub fa be ntshù', ndaṅndaṅ mba wù Tà be num àm, mba me be num o là, mba bo yub be num be, ndùlala ndù njù bam ndù a b'a wù bèn ntum àm.

1 Korintô 1:10

Fèt tshàm, me tsiaṅ zin num lén Tshùaben be Yésu Kristô; bin be ntshu ntshù', kà fagte be netèt bin, là bin tamte ntùm ta' ywèt ntshù' mba ntùm ta' nkwate ntshù'.

Héber 13:1

A bwô ndù nkôni fètfèt ghô.

1 Pétro 3:8

Miagtenu b'a ndù bin ghù nkwate ntshù', ntamte njen nge', ndun nkôni fètfèt mba kondèn, ntùm nefà wut nsi,