Yobkwi 132:12 - NTSHOB NSI

¹² A be ze bon tsho tse bandum tshùb kàn sàm, mba ntshù' mi me nsi zi'te yub yi là, mba bon tshob tse bandum mba yub tu wut nsi tswe num ko'fen so matmat.

Yobkwi 132:12 Iomraidhean Croise

1 Fenfen 2:4

Tshùaben nsi zwiagte nka'ni mi a na' nka' me là wù. Tshù nka'ni mbit li: A be ze bon tsho tse bandum zete num nzin mube, nke nzin mbwe àm mb'a tsine, num njoṅ ntù yub fa, num njoṅ zwiag sob fa là, mb'o ke zi bwoṅ njùndà num diaṅkwa ba Israél.

1 Fenfen 8:25

Tshùaben Nsi Israél, lôte mba mo' nka'ni mi o na' nka' tàa David, ngafa' o là ndonni. O lo tshob yi ndù: B'o ke zi mbwoṅ njùndà o num màm miag, njùndà z'a nsi tswe diaṅkwa ngô Israél là. A b'a nda' ndù bon tsho tse bandum zete num nzin mube, nke nzin mbwe àm ndaṅndaṅ mba tu wul o na' nzin mbwe àm nà.

2 Kronika 7:18

mba me nsi ghù diaṅkwa so ghume, so fen taṅ nga, mba me na' nka' tàan David là, nummbe me lo tshob yi ndù: O ke nsi bwoṅ ta' njùndà z'a tô Israél là.

Yobkwi 102:28

Là tu wul o, o ke mba be mal i. Ngu'njù tsho ke nsi mi tse.

Yobkwi 115:14

A bwô ndù Tshùaben kwi'te zine ngù bin yàme, bin mba bon tsine.

Esaya 59:21

Tshùaben tshob ndù: Tshù kàn sàm se bag à bo wat li: Ywèt tshàm tse me so num o, boa ntshob màm mi me yab ntshu o là, ke nsi lo num nkub ntshu mu, mi bon tsho, ke mi bon bon tsho lo, ndùlala num njoṅ ndù fa. Tshùaben bèn ntshobe.

Esaya 9:7

Tshùaben tshob ta' ntshob num Yakob, mbe ndù men ntshob là nsi vù num Israél.

Yérémia 33:17

Tshù mba Tshùaben tshob li: David ke nsi bwoṅ ta' njùndà num diaṅkwa tunndà Israél.

Mfa' Ghantum 2:30

Là, a na' mb'a ngatshob ntshob Nsi, ndèn ndù Nsi lo ka' yi, ntshob nsaṅlaṅ bwe ndù mo' mèn ntùm nzwil i nsi tswe num diaṅfen se,