Yobkwi 131:1 - NTSHOB NSI

¹ Yobkwi ko'ko'. Se David. Tshùaben ntù àm ke' be ka'te, miag màm ke be ko'tewut. Me ke' tam tshàm num manze màmà, ke be tam njam tshu netshàm ts'a tshùa àm nà.

Yobkwi 131:1 Iomraidhean Croise

2 Samuél 6:22

M'a' bèn nda'te wul àm mba mèn banban nà ntshùate, ndù me tù' ju banban mba kua' num màm miag, mba tà ndùlala ghafa' tse bènnzwi ts'o tshwèt ntshob là nsi ke mfà be nku'ni me.

ṄWA'NI YOB 42:3

Wù Tshùaben lo bètte ndù: A we z'a be mbabun nke nkag njam num ntàmtenu màm ndù à? Tshù, a b'a me Yob bèn mbe nkagni. A mba wù Tshùaben bètte là. A b'a kua' nenùn mbe zenu ke me. Tshen tshu là kuni mbwe àm neshu. Me lo ke lèn yub tshàm.

Yobkwi 101:5

Mèn z'a be ngù ndàm num mèn z'a ghebte mbaṅ i njam tsham nà, me nsi biagt'é. Me ke nsi fènte mèn z'a ghù ntshù ka'te mba ntù ko'tewut là.

Yobkwi 122:1

Yobkwi ko'ko'. Se David. Me num tsiaṅte ngelaṅ bo tshob me ndù: Be nèn mà ndà Tshùaben nà!

Yobkwi 124:1

Yobkwi ko'ko'. Se David. A ke b'a Tshùaben mba we lo tshètte be à? A bwô ndù Israél tshob ndùlala.

Yobkwi 133:1

Yobkwi ko'ko'. Se David. Ah! Mi' a bwô neshu, mi' a fite neshu mb'a be fètfèt tamte ntswe bwoṅ nà!

Yobkwi 139:6

Zenu z'a b'a mesim me, ntshùa àm nà, a nèn tà tù neshu, me ke' ku'ni nenyi' mba nku nkum bwe.

Tànkùt 21:4

Miag ka'te bo ko'tewut, sen lambo ghatshùagntù là b'a nukebwô;

Yérémia 17:16

Mba me là, me lo ju' ntshu o, ke gha nebe ngalôte yube. Tu wul àm ke na' mbèn mbètte lé'njù nge', tu wul o lèn ndùlala. Mo' ju lo ke tum ntshu àm ke be ndù tu wul o lène.

Yérémia 45:5

Mba wù là, b'o bèn ndiag màmà tshu ké? A ke' bwô ndù o diage. Nummbe m'a' ghù nge' tsho num njoṅ benntùn fa; me nsi fà yôg so wù a be yu ntsha' ntsho njoṅ dù' fa ts'o nsi nèn bwe là. Tshùaben bèn ntshob ndùlala.

Nesiaṅe 12:3

Mosé na' mb'a ngafà wut nsi ntshùa njoṅ benntùn fa num nsitsha'a.

Matio 11:29

Bin ket sàm kele'e, nzi'te yàm nu; me b'a mèn nefite mbèn mbe ngafà wut nsi ntùm ntù, bin nsi fon fite mum ntù tsine.

Mfa' Ghantum 20:19

me lo ke mfa' Tshùaben ntùm nefà wut nsi, ntùm ntsenyà mba ntùm nge' tse ba Yuda ke mbùn àm yi là.

Roma 11:33

Wé! Mi' fu' zenu mba ze nelèn Nsi ghu' neshu! Be mèn ke tswe' ntun ze nekeb ntsha Nsi, be mèn ke yen manze tse.

Roma 12:16

Bin ghù be nkwate ntshù' bin bin; kà bin ko'te nkwatenu mine, là bin ghù ndù nefà wut nsi tshagte zine. Kà bin yen wut tsin mba ghazenu là.

Nebwôgte 17:20

A nsi tshùa ndùlala ntù i be ke ka'te mbwe fèt tse, a be ke bèn nsô ku i nèn bu zwim ke ze kwéb lo. A nsi tshùa ndùlala lé'njù tse tènte mum ze nufen, yi mba bon tse netèt bon Israél.

1 Tésalônikà 2:10

Bin b'a ghakwénta, mba Nsi, ndù bag lo be nelàne, netsine, ke lo', netèt bin, bin tse bin na' mbam nà;

1 Samuél 16:13

Samuél lo' ndô mfèt, njo' i yi netèt fèt tse. Ywèt tsho num David fe num sen lé'njù là, mba ndù mànjam.

1 Samuél 16:18

Mo' ngafa' i tshob ndù: Me yen mo' nshum Isaï ze Bétléhém ndù a lèn nebu' loṅe; a b'a neta mèn, mbe neta nduku, ngama' ntsho, ndù a num ntshob kua' mebwô, se i bèn mbwô neshu, mbe ndù bo Tshùaben bèn mbe.

1 Samuél 16:22

Saulo tum bo tshob Isaï ndù: Me le't'o ndù o faṅ David ntùm yàm ntshufa', nummb'a tum mènfen num miag màm.

1 Samuél 17:15

tu wul i David nke nèn Bétléhém, num neke mbéb mbwe tàab.

1 Samuél 18:23

Ghafa' mfen tshob men ntshob là mum ntoṅ David kua' ndaṅndaṅ. David bùnte ndù: Bin kwate mb'a fùag nebe ntse mfen ké? Tu wul àm, me b'a mbwoṅ, ndù me fùage.