Yobkwi 13:4 - NTSHOB NSI

⁴ Tshùaben Nsi àm, lôt'àm, mbùnte me. Ghù ndù miag màm ké'é, ndùlala ndù kà me bèn nzi miaglo vù.

Yobkwi 13:4 Iomraidhean Croise

Esdra 9:8

Mba tà ndùlala, a ke' ghubte mba Tshùaben Nsi be la'te kondèn i num be ngù metshé' mèn ke' netèt be, mbèn mbam nefà ndàlem be ntùm dù'ntswe i ze nelàn nà. Nsi be na' nke nkô neké' à nelàn i num miag be, mbèn mba' yôg be ndà kuan dù' be be là.

Yobkwi 10:11

A tshob ntùm ntù i ndù: Nsi lagte. A lem se i, a ke zi mbèn ndôte.

Yobkwi 112:6

nummb'a ke nsi vètte; nekwimte mèn netsin nsi be njoṅ ndù fa.

Yobkwi 25:2

Nsi àm, me ke njab ntù àm à num o, kà bam ndù tuswe ko àm. Kà bam ndù ghakeban tshàm tsiaṅte num àm.

Yobkwi 35:19

Kà ben tse bo be mbàn àm banban nà tsiaṅte tshob num àm. Kà ben tse bo be mbàn àm ke ntun nà lo' mvèn miag mub ntshabt'àm yi!

Yobkwi 35:25

A ke' bwô bo tshob ntù bo ndù: Ah! Ah! Tshù ju ze be kô là. A ke' bwô bo tshob ndù: Bag biagt'é.

Yobkwi 38:16

Tshùaben, me ke nywinte yàm à num o; Tshùaben Nsi àm, o nsi bùnte me.

Yobkwi 55:22

Ntshu i dùmte ntshùa ṅwa'a, là ntsho be ntùm ntù i; ntshob mi be mbotte ntshùa mfèt, là njôg mba mbi netshùag mi mo' ju ke' bomt'é là.

Yobkwi 62:2

Ṅ, ntù àm ke njab à num Nsi, ze yôg sàm fe à yi là.

Yobkwi 62:6

Ṅ, ntù àm, so wul o nda' num Nsi. Nummbe yàm nenywinte ke mfe à yi.

Yobkwi 9:19

Nummbe Nsi ke nsi lagte mbwoṅ tà nèn miagte, ze nenywinte ghayennge' ke nsi bi yoṅ ntshù'.

Tànkùt 12:3

Mènntùn ke' be lo' tshùagntù ngum wul i yi, là nga ben netsin ke nsi nyi'te.

Yérémia 1:19

Bo nsi ma' o ntsho, là bo ke nsi tshùa o; nummbe bag wù bèn mbe, ndù me nsi yôg o. Tshùaben bèn ntshobe.

Nsindàvù 1:16

A ndùlala ghù kà me nke nkua'a, kà ntsenyà nke nswe' tu àm. Nummbe mèn z'a lo mbe mb'a fite ntù àm nà b'a ngùanesà mbaṅ àm. A yi z'a lo mbe mb'a bù't'àm nà. Nshumnshum tshàm b'a ntùm nenywine, nummbe ngakeban yob ngu'u.

Yoshua 7:9

Njoṅ ba Kanaan fa boa ba ntùm ngô nsi ju' yen nu là; bo a' lam yag mbume, mbiagte lén sag num nsitsha'a. A be ndùlala mb'o nsi ghù à ndùke num lén so se ndùb à?