Yobkwi 13:2 - NTSHOB NSI

² Tshùaben, o nsi lagt'àm njoṅ ndù fa tà nèn kum à ndùke? O nsi lem àm se o tà nèn kum à ndùke?

Yobkwi 13:2 Iomraidhean Croise

Néhémi 2:2

Mfen tshob me ndù: Numk'o ntshù kebwô à? O ke tshwèt ne ngone. A tù' nya ke b'a ndù nu ke ngùtni o à ntù o! Mo' mà bwôg ghom àm,

Esta 7:6

Esta bùnte ndù: Ngafétte, ngakeban b'a Haman, tshùagkèt mandum nà! Bwôg ghom Haman mbwe mfen bo màbwengub.

ṄWA'NI YOB 10:15

Me b'a njennge', a be ze me vù ntsha là! A be ze me b'a mbu' là, mba me ke bù' tu àm nsi. Nummbe me ywèt tuswe, nge' àm bèn nkôg àm fa.

Yobkwi 10:18

ndù o ghù nunetsin ménntse bo mèn bo fétt'é là, ndùlala ndù mènntùn ze bo sô i à ntùm tsha' là mèn nyiaṅtu tsine, ke bèn nekag bwôg.

Yobkwi 116:3

Nkù vù lo lam àm mbume, nge' ts'a mum fi là lo ghom àm, me nke njen nge', mbe ntùm ngùtni.

Yobkwi 17:9

Num ben kebwô tse bo tshwèt ntsho' nku màm kebàn nà, num ghakeban tshàm tse bo lam àm mbum nà.

Yobkwi 31:18

Tshùaben, kà bam ndù tuswe ko àm ngelaṅ me tsiaṅ o là. A bwô ndù tuswe ko ghatshùagntù. A bwô ndù bo swe' nèn ngô fe ben à ntshu mi'i.

Yobkwi 38:17

Nummbe me be ntshob ndù: Kà bam ndù bo tsiaṅte num àm, ke bam ndù bo bù' tu nsi num àm, a be ze mba ku àm tiag là.

Yobkwi 42:4

Ntsenyà màm b'a yàm jujù; mbwôgtshù mba tèttswe'. Ngelaṅ bo be ntshob me njoṅ ndù fa ndù: Nsi o b'a yà là.

Yobkwi 6:4

ntù àm tum. Tshùaben! A nsi be ndùlala tà nkum à ndùke?

Yobkwi 7:2

Tshùaben Nsi àm, o bèn mbe yàm ndàlem, kwé àm bu ben bo tshwèt ntsho' nku màm kebàn nà, tshu' àm.

Yobkwi 74:10

O Nsi, ngaghùtni nsi tshabte, ngakeban wag lén so ke tsin tà nèn kum à ngelaṅ ndùke?

Yobkwi 74:18

Kwimte ndù ngakeban be ntshabte Tshùaben, mba ndù nzwit kagni be ngwag lén so!

Yobkwi 8:2

Tshùaben Nsi yag, lén so b'a se nekuni num njoṅ nsitsha'a fa! O yab nkuni mu mfe kamànyam.

Yobkwi 9:6

O yab mbu num ghakelèn Nsi, mbiagte ghatshùagntù, o bwete lén sob yoṅ ntshù';

Tànkùt 15:13

Ntù o be mebwô mb'a tum num se o, là ngùtni be ntù o mba wul o ke kwi.

Nzenu 5:17

Tshù ju ze me yen yàm mba ze kebwô là li: A bwô ndù mèn ke njù mbèn nu, nzwi'te fu' se fa' mènntùn num mfa' tun bam kamànyam num bon lé'njù tse Nsi fà yi là, nummbe yen nà bèn mbe ze bag i.

Yérémia 15:18

Numke yàm nge' mbe ke ghù ndù i, keko' sàm be se ke tùn, nke nga fu negha à? Ndù o nsi be m'a mba ntse tatte, ntse mi be mèn ke yab ntù i num bwe là ké?

Yérémia 45:3

O be ntshob ndù: Njennge' mba me là! Nummbe Tshùaben kwi'te zwentù num yàm nge'. Me be mbe zwiag yàm nke mfame, ke fon dù' nefite bwe.

Yérémia 8:18

Yérémia bètte ndù: Me yen tswe'tentù à yà ntùm nge' àm à? Me tshwèt njen nge' ntùm ntù àm.

Nsindàvù 1:5

Ghafétt'é tshwèt njob ngu'u, tse ghakeban b'a ntùm fite; a b'a nummbe Tshùaben kôg i mfà nsi, mbe ndùlal'a num nukebwô tse ts'a yàm neshu là. Bon tse zin mba kuan nà mbwe ngafétte yube.

Nsindàvù 1:9

Nesagte lo be num tun kun se, a ke ke nkwate mb'a nsi lo' miagte yi là. A vù kua' num mat netshàme, sàm mèn ke tum num nefite ntù i. Wù Tshùaben, yen nge' àm njene! A ke lèn ka'te li ze ngakeban ghù ntù i à?

Nsindàvù 5:20

B'o lagte yag matmat à numke, b'o ghua' yag ngu'njù yàm à numke?

Matio 26:38

A tshob bo ndù: Ntù àm tshwèt nywin tà ntù' b'a ze vù. Bin tswe nsen ni, bag à bin zi tshùalo.

Lukas 22:53

Njoṅ lé'njù fa, bag à bin lo ke mbe ntùm Ndà Nsi, bin ke nyit mbu num àm, là, a zin nyam ni, mba neta njame.

Yohané 16:6

Là mba me na' ntshob tshen tshu là bin nà, ntù tsin dun zwe.

Roma 9:2

me ghù nenywin ndùb num àm, mbèn ngù nge' ke mi ntùm ntù àm.

Filipi 2:27

A lo ke ngon kua' nenùne, ngon tà ngebte mbaṅ vù. Là Nsi lo ko ndèn mi, ke b'a nda' yi, là mba me yàm, ndùlala ndù kà me kwi'te ngùtni num ngùtni.

1 Samuél 18:29

Saulo bwôg David njoṅ ngelaṅ fa z'a be ntùn nà, mbe ngakeban i njoṅ yen ngelaṅ nà fa.

1 Samuél 24:19

O la'te bwôntù z'o ghù num àm nà sènni, nummbe Tshùaben swèn àm mum mbu mu, o ke zwi àm.