Yobkwi 128:2 - NTSHOB NSI

² Fa' mbu mu nsi kém o, o b'a mènfen, o b'a ngafu'.

Yobkwi 128:2 Iomraidhean Croise

Neto'te 3:19

O nsi ke kwiaṅ ze'ni se o kà ghù ju z'o jù là, ndùlala tà nkum ndùs'o bèn njam mum tsha' là, nummb'a dù' ze bo lo' o bwe là. Tshù, o b'a mbabe, mbe ndù o nsi bèn tù' mbabe.

Yobkwi 1:3

A be ndaṅndaṅ à mba tù se bo bwe kaṅntse, a nke njam ntàm mi num ngelaṅ i; mfu mi ke be tsho' là. Mba ke lo ze mènfen num ngù là be ngwù lag.

Yobkwi 109:11

A bwô ndù ze nganjo lo' tshu tse fa, ghùn lagte njoṅ tshu fa ts'a tum num fa' mbu mi là.

Nzenu 8:12

Mba mba ngafànnu tshwèt nke' mfàn nu nguan yoṅ nkù mbèn nke nàn nsaṅlaṅ be nefàn nà, me lèn ndù fen b'a ju njoṅ ghabwôg Nsi fa, nummbe bo num mvètte mbwe Nsi.

Esaya 3:10

Mènfen b'a mèn netsine, nummb'a nsi jù ntàm fa' mi,

Esaya 62:8

Tshùaben lo' bu i ze zwim, bu i ze neta ntshob nsaṅlaṅ bwe ntshob ndù: Me ke nsi bèn fà nsa mu ghakeban bo jù, nshumnshum mfàm ke nsi bèn nu ndu' mu, mi o yen nge' bwe k'a tum nà.

Esaya 65:13

A ndùlala Tshùaben Nsi tshob ndù: Ghafa' tshàm nsi jù, bin tswe nziku'u, bo nsi nu, ntù tsin ke nkù. Ghafa' tshàm nsi tsiaṅte, tuswe ke nko zine.

Yérémia 22:15

O kwate mb'o be mfen à nummb'o kô sédra ntshùate là ké? Mba tàan lo ke njù mbèn nu, là nke ngù nunetsin bo nu ndaṅndaṅ, ndùlala mba ze ke lo nke ngwù lag.

1 Korintô 15:58

Fèt tshàm tse nkôni, ndùlala kà bin magte, kà bin nyi'te, bin dun nkôni nefa' fa' Tshùaben njoṅ ngelaṅ fa, ndèn ndù fa' sin ke b'a banban num Tshùaben.

Efésô 6:3

ndùlala ndù o tswe mebwô, mbèn njôg num tsha' ngelaṅ yàme.

Nebwôgte 28:11

Tshùaben nsi fà bon wù yàme, fà nyàm wù yàme, fà jujù wù yàm ntùm ngô z'a mbam wù num bwe tà tsho ndù a' fà wù là.

Nebwôgte 28:39

O nsi bwe nkùa, nabte, be ke nu ndu' mi, nummb'o ke' diaṅ nkùa mba tàn nkùa jù nkùa fa là.

Nebwôgte 28:4

Tshùaben nsi tam ntse wù bin à bon tsho, naṅ mbotni num tshu ts'o tsho' fèn nà, num nyàm tsho tse ndùb boa tse nke'e.

Nebwôgte 28:51

Yen ngô là nsi fèt nyàm tsho, jù tshu tse tsha' tsho fà là, tà nkum ndùs'a biagt'o là; a ke nsi faṅ sàm ju wù, ke ngefele, ndu', mfèt, nyàm tsho tse ndùb ke tse nke' lo, tà nkum ndùs'a biagt'o fa là.

Nebwôgte 28:8

Tshùaben nsi ghù bin mbotni ke mbe ku ntshù' ntùm nkandà mu, mba ntùm mit mfa' lo mi o to'te là. A nsi tam ntse wù ntùm ngô ze yi Tshùaben Nsi o fà wù là.