Yobkwi 124:3 - NTSHOB NSI

³ nke ndiag nemi be ntùn ntùm tonkèt yantù num be là!

Yobkwi 124:3 Iomraidhean Croise

Esta 3:6

A wag nekab mbu nda' num Mardokai tù' i, nummbe bo lo soṅ nzwit mèn ze Mardokai tum bwe là. Ndùlal'a jù' mb'a nsi biagte nzwit ze Mardokai tum bwe là, mbiagte njoṅ ba Yuda fa tse bo be ntùm ze nufen Asuérus là.

Yobkwi 27:2

Ngelaṅ ghatshùagntù lo nsi nke nse' num àm, num nesé'te mbàb àm nà, mb'a b'a ghatsho' nku màm kebàn mba ghakeban bèn vù nsi.

Yobkwi 35:25

A ke' bwô bo tshob ntù bo ndù: Ah! Ah! Tshù ju ze be kô là. A ke' bwô bo tshob ndù: Bag biagt'é.

Yobkwi 57:3

Me be nkua' ntsiaṅ Nsi z'a tà mfe tù là, Nsi z'a be ngù njoṅ i fa à num yàm ywimte là.

Yobkwi 74:8

Bo tshob ntù bo ndù: Be sate njoṅ i fa ngelaṅ ntshù'. Bo ton njoṅ dù' nelàn fa ntùm ngô.

Yobkwi 76:10

Ngelaṅ Nsi lo nsi neghù nunetsine, neyôg njoṅ ghayennge' fa num nsitsha' là,

Yobkwi 83:4

Bo tsin tsham kebwô num yu nzwit mèn, ngù nkwate kebwô num ben ts'o be ntomte là.

Yobkwi 83:5

Nke ntshob ndù: Bin se' be biagte yub netèt ngôngô. Ndù kà bo bèn neju' lén Israél!

Tànkùt 1:12

be mi i ntùn mba ngô fe ben nà, a nswe' mba ben bo nèn ntùm ghem nà.

Yérémia 51:34

Yérusalém tshob ndù: Nébukanetsar mfen Babilon lo fél àm nsat'àm. A lo lo' àm ngù kab ze ju ke ntùm bwe là yi. A lo mi àm mba ta' ngamnyu là a lo ghù ju tanjoṅ ze me ghù là dun bam i. A lo ta' àm.

Daniel 3:19

Ndùlala yantù dun ntù Nébukanetsar, ntshù mi kaṅ num Sadrak, Mésak mba Abed-Négo. A tshob ndù bo kwé'te mbwôg ndà mbwôg mba bo be nto' nkwé'te là yoṅ tse sammbàa.

Matio 2:16

Là Hèrodé be yen ndù ghalèn nsa fùt'é, nja ntù neshu; ntum benntùn ndù bo nèn nzwite njoṅ bonfi fa tse bo be Bétléhém mba ntùm dù' ts'a ghebte mbaṅ Bétléhém nà, nto' num tse bo ghù ngu' bàa mba tse bo ke' ghù ngu' bàa là, ndaṅndaṅ mba ghalèn nsa soṅ i ngelaṅ nà.

Mfa' Ghantum 9:2

mbètt'é ṅwa'ni nenèn yi ntùm sinagogue ts'a be Damas là, ndù a be z'a yen ben tse bo tshwèt mbwe manze Yésu, bandum ke bènnzwi lo là, a kut yub nse' yi Yérusalém.