Yobkwi 123:1 - NTSHOB NSI

¹ Yobkwi ko'ko'. Me bù' miag màm ndôt'o, ndôt'o z'o tswe num ko'fen so mfe kamànyam nà.

Yobkwi 123:1 Iomraidhean Croise

1 Fenfen 8:30

Netsho'o, bam ze nema' mbu ngafa' o bo ze yu nzwit mèn Israél ndùse bo nsi tswe num yen dù' li le't'o là! Ju' nze yub tà mfe tù, mum dù'ntswe o mfe kamànyam, ju' nze yub ndagte mfà bo.

Yobkwi 11:4

Tshùaben b'a ntùm ndà i ze nelàne, ko'fen Tshùaben b'a mfe kamànyam. miag mi be ntsha' dù', miag mi nke ndaṅte bon mèn nyiaṅtu.

Yobkwi 115:3

Nsi yag b'a mfe kamànyam, a be ngù ju z'a kô là.

Yobkwi 120:1

Yobkwi ko'ko'. Me tshag nz'àm tù ntsiaṅ Tshùaben ntùm nge'. Me tsiaṅ, a bùnte me.

Yobkwi 121:1

Yobkwi ko'ko'. Me be mbù' miag màm ndôte ba mbale, dù' ze ywimte nsi fe me bwe là b'a yà?

Yobkwi 122:1

Yobkwi ko'ko'. Se David. Me num tsiaṅte ngelaṅ bo tshob me ndù: Be nèn mà ndà Tshùaben nà!

Yobkwi 124:1

Yobkwi ko'ko'. Se David. A ke b'a Tshùaben mba we lo tshètte be à? A bwô ndù Israél tshob ndùlala.

Yobkwi 125:1

Yobkwi ko'ko'. Ben tse bo yab ntù num Tshùaben nà b'a mba mbat Sion ze ju ke' ghù nenyi't'é, z'a tswe matmat là.

Yobkwi 126:1

Yobkwi ko'ko'. Ngelaṅ Tshùaben ke ndo' bon Sion tse bo be kuan mbèn yi Sion nà, bag tswe à mba ben tse bo tshwèt njen njem nà;

Yobkwi 127:1

Yobkwi ko'ko'. Se Salomon. A be ze Tshùaben ke' kut ba' là, mba ghabomndà ghùtni wut yub à banban; Tshùaben be ke béb ngô, mba ngabéb ngô zi tshùalo à banban.

Yobkwi 128:1

Yobkwi ko'ko'. Ghafen b'a ben tse bo be mbwôg Tshùaben, nke nzin mum manze tse là.

Yobkwi 129:1

Yobkwi ko'ko'. Bo be nkamt'àm fe mum lé'njù nshum tshàm. A bwô ndù Israél tshob ndùlala.

Yobkwi 130:1

Yobkwi ko'ko'. Tshùaben, me be ntsin mà ntùm ghem nkua' ntsiaṅ o.

Yobkwi 131:1

Yobkwi ko'ko'. Se David. Tshùaben ntù àm ke' be ka'te, miag màm ke be ko'tewut. Me ke' tam tshàm num manze màmà, ke be tam njam tshu netshàm ts'a tshùa àm nà.

Yobkwi 132:1

Yobkwi ko'ko'. Tshùaben, kwimte David, mba njoṅ ze ju' ntshu fa.

Yobkwi 133:1

Yobkwi ko'ko'. Se David. Ah! Mi' a bwô neshu, mi' a fite neshu mb'a be fètfèt tamte ntswe bwoṅ nà!

Yobkwi 134:1

Yobkwi ko'ko'. Be nène! Bin ghamte Tshùaben, njoṅ zin fa tse bin be ghafa' Tshùaben nà, bin tse bin be ntsinte ntùm ndà Tshùaben, ntùm bam ntshundà ts'a be tse Ndà Nsi be là.

Yobkwi 141:8

Tshùaben, Tshùaben, miag màm kaṅ nte à nze dù' o be là. Me be ndiag ndàlem à mbaṅ o. Kà ghua' yôg sàm!

Yobkwi 2:4

Mèn z'a tswe num ko'fen mfe kamànyam nà zwi tse. Tshùaben tshabte yube.

Yobkwi 25:15

Me be nte miag màm njoṅ ndù fa num Tshùaben, nummb'a nsi sô nku màm ntùm nkù.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Esaya 66:1

Tshùaben tshob ndù: Kamànyam b'a ko'fen sàm, tsha' be kamnko' dù' ze me be nte nku màm bwe là. A kua' zit ba' ze be bin kut m'à?

Matio 6:9

Bin ke nde'te Nsi ndù: Tà yag z'a be mfe kamànyam nà, ghù lén so be nelàne;

Lukas 18:13

Là ngakwéfé' tsin ze tà ngùanesà, ke ku'ni nebù' miag mi ndôte mfe kamànyam. A tù' lab be ntù i ntshob ndù: Nsi àm, ko ndèn màm ze me be mèn kebwô là.