Yobkwi 12:6 - NTSHOB NSI

⁶ Tshùaben tshob ndù: Mba bo tshwèt mfétte ghayennge', bwoṅbwoṅ nke mfam nà, me lo nsi ndonni neywimte mèn ze bo tshwèt mfétte là.

Yobkwi 12:6 Iomraidhean Croise

2 Samuél 22:31

Tse manze Nsi bwô neshu, ntshob Tshùaben tsho nyàm; a ke mb'a tshètntsho num njoṅ benntùn fa tse bo num njab ntù num i là.

ṄWA'NI YOB 20:19

Nummb'a lo fétte bwoṅbwoṅ ngua' yube. A lo yi ba' ze tu wul i na' mbe ke bèn nkut là.

ṄWA'NI YOB 28:1

Silba ghù tô se bo num ntswe' i bwe là. Gol ghù dù' ze bo num sô i kà ntswite là.

Yobkwi 119:140

Ntshob mu làn neshu, là ngafa' o num nkô ntshob mu.

Yobkwi 18:30

Me be ntsho' ngwù num bwoṅ ben bo ghù tshuntshùag là ngelaṅ bag wù bèn mbe là. Me be ndut mà kàbngô ndùb, ngelaṅ bag Nsi àm bèn mbe là.

Yobkwi 19:8

Ntshù' Tshùaben bwô neshu, a be ntswe'te ntù, nkàn Tshùaben b'a mi nenùne, nkàn Tshùaben be ngù nkagni tù' nzenu.

Yobkwi 66:10

Kua' nenùne, Nsi lo laṅte be. A lo ghù be tshùa ntùm mbwôg ndàn mba tùn nkàb là.

Yobkwi 76:10

Ngelaṅ Nsi lo nsi neghù nunetsine, neyôg njoṅ ghayennge' fa num nsitsha' là,

Yobkwi 9:13

Yi z'a be njagte mba' lem nà, be nkwimte yube, a ke' be lagte nkua' ghayennge'.

Netume 3:7

Tshùaben tshob ndù: Me yen nge' yàm nzwit mèn be ntùm bwe Egipto là, nju' kua' tse ghaghùtni yub be nke ngù bo nkua' là. Me lèn kua' nge' a be ntùm bwe là.

Netume 3:8

Ndùlala me swe' num netshu' yub bu ngô Egipto, mba ndù bo ko' ntùm yen ngô li nèn ntùm mbwô ngô nezi, ntùm ngô ze mbùn nyàm be nswe' bwe bo ṅwa' là, ntùm dù' ze ba Kanaan, ba Hétia, ba Amor, ba Férésia, ba Hévia boa ba Yébusia be ntswe là.

Netume 6:1

Tshùaben tshob Mosé ndù: Ndonni, tu wul o nsi yen ju ze me nsi ghù Faraon nà. Bu neta nsi nànt'é a faṅ yub bo nène, bu neta nsi nànt'é a ta' yub ntùm ze ngô.

Tànkùt 22:23

Nummbe Tshùaben nsi tshètte njam yub, biagte yôg ben tse bo na' ndag ntsha' yub là.

Tànkùt 30:5

Ntshob Nsi fa tôg ntùm laṅte. A b'a tshètntsho ben tshen nà tse bo num ndiag ndàlem num i là.

Esaya 14:22

Tshùaben tàndà ntsho tshob ndù: Me nsi lo nsi num bo. Me nsi biagte lén Babilon bo ntshùa mi, biagte nzwil i bo tunndà i. Tshùaben bèn ntshob ndùlala.

Esaya 33:10

Ndonni m'a' lo nsi, ndonni bo a' nyàmt'àm, ndonni bo a' bù'te lén sàm tù, Tshùaben bèn ntshob ndùlala.