Yobkwi 119:3 - NTSHOB NSI

³ ghafen b'a ben tse bo ke' be ghù nukebwô, là, nke nzin num manze Tshùaben nà.

Yobkwi 119:3 Iomraidhean Croise

ṄWA'NI YOB 36:11

A be ze bo ju'u, nju' ntshu Nsi là, mba bo a' miagte lé'njù tshob à ntùm fite, mbe ntùm fu' num miagte ngu'njù tshobe.

Yérémia 7:23

Là, tshù nu ze me na' ntshob bo li: Bin ju' nz'àm mba me nsi be Nsi zin, tu wut tsin be yàm nzwit mèn. Bin zin num tshàm manze tse me na' ntshob bin nà, ndùlala ndù bin be ghafen.

Ezékia 18:17

ke be ba' kam njam ntshù', ke be ngakubte, ke be fo nkwé bin. A ke nzin à mb'a be ntùm ntshù' màm nà, nke nze ntag màm mba me kô là. Yen mén ni ke nsi kwù num nukebwô tàab. A nsi yôge.

1 Yohané 3:9

Mba we lo ze Nsi bèn mbwe i là ke' be ghù nukebwô, nummbe nzwit Nsi ghô num i; a ke' ku'ni neghù nukebwô, nummbe Nsi bèn mbwe i.

1 Yohané 5:18

Bag à bin lèn ndù mba we lo ze Nsi bèn mbwe i là ke' be ghù nukebwô, là mèn ze Nsi na' mbwe i là, be ndé' i, mèn kebwô ke kwag i.