Yobkwi 119:1 - NTSHOB NSI

¹ Ghafen b'a ben tse manze yub mbwô, ben tse bo be nzin mb'a be mum ntshù' là!

Yobkwi 119:1 Iomraidhean Croise

2 Samuél 22:22

Me lo ze ntshù' Tshùaben, ke ta tu mbwe Nsi àm.

2 Fenfen 20:3

Wù Tshùaben, kwimte ndù me lo zin num miag mu ntùm neju' ntshu, ntùm nefà wut nsi ntùm ntù. Bèn nkwimte ndù me lo ghù numebwô num miag mu! Ezékia fètte ntsenyà kua' yàme.

ṄWA'NI YOB 1:1

Mo' mandum lo be ntùm ngô Uts, lén se Yob, mandum nà na' mb'a mèn netsine, mbe mèn ndaṅndaṅ. A lo ke mbwôg Nsi, nke ndo' mvèn i ntam nukebwô yi.

ṄWA'NI YOB 1:8

Tshùaben bètte Satan ndù: o yen ngafa' àm Yob ké? Mfuni mi ke tse num nsitsha'a. A b'a mèn ndaṅndaṅ, nke mbwôg Nsi, mbèn nke ndo' mvèn i ntam nukebwô yi.

Yobkwi 101:2

Me nsi zete num manze ndaṅndaṅ. O nsi se' m'à ndùke? Me nsi zin ntùm nenùn ntù àm, ntùm ndà àm.

Yobkwi 101:6

Me nsi te miag num ben nenùn tse bo ntùm ngô là. Ndù bo tswe mbaṅ àm. Mèn z'a zin num manze nenùn nà nsi be yàm ngafa'.

Yobkwi 112:1

Aléluya! Ghamte be Tshùaben. Mènfen b'a mèn z'a be mbwôg Tshùaben nà, ze ntshù' mi be mbwô i neshu là!

Yobkwi 128:1

Yobkwi ko'ko'. Ghafen b'a ben tse bo be mbwôg Tshùaben, nke nzin mum manze tse là.

Tànkùt 11:20

Ben tse bo ghù ntù kebwô là nu tshob be mbag Tshùaben, là ben tse manze tshob b'a nenùn nà be mbwô i.

Tànkùt 13:6

Nunetsin be mbéb mèn ze manz'é b'a ze nenùn nà, là tshùagntù nke mbiagte mèn kebwô nebiagte.

Tànkùt 29:18

Ngô ke nèn à ke ghom wut ndùse ba ghatshob ntshob Nsi ke' bem mèn nà. Là mènfen b'a mèn z'a ze ntshù' là!

Ezékia 11:20

ndùlala ndù bo tshùb nkàn màm, nju' ntshù' màm mbèn nke nze; bo nsi be yàm nzwit mèn, tu wul àm be Nsi yub.

ṄWA'NI OSÉ 14:9

Ke ze Efraim bèn nke' ngù bo neto à? Tu wul àm me be mbùnte yi, nke ndôt'é. Me be yi à mba tshom s'a te' là. O ghù neyen ndô tshom num àm.

Lukas 1:6

Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

Lukas 11:28

Là Yésu tshob ndù: Là ghafen bèn mbe ben tse bo num nju' ntshob Nsi, mbèn nke nze là.

Yohané 1:47

Yésu be yen Natanaél mb'a tshwèt nse' yi là, ntshob num i ndù: Tshù kua' mén Israél ze nenùn ze nkùnkù ke' be ntùm ntù i là.

Yohané 13:17

Bin nsi b'a ghafen, a be ze bin lèn tshen tshu li mbèn nke nze là.

Mfa' Ghantum 24:16

Ndùlala me num nkagtùn njoṅ ngelaṅ fa neghù à be ntù z'a ke' fàn nu mbwe Nsi mba mbwe benntùn nà.

2 Korintô 1:12

Nta'nsoṅ mag b'a kwénta mi nzentù tshag num mfà bag, ndù bag tshwèt njôg ntùm njù ntùm nelàn mba nenùn Nsi, njôg mbe mbwe bin, ke b'a ntùm zenu mbàb wut, là ntùm kondèn Nsi là.

Yakobo 1:25

Mèn z'a be mfà wul i num ntshù' z'a bwô miagte, ntshù' netum kuan nà, mèn z'a ghô ntùm ntshù', nke nju' ke lagte, là nke nze i ntùm mfa' là, yen mèn nà nsi be mènfen ntùm neze ntshù'.

Apokalipse 22:14

Ghafen b'a ben tse bo sôg nkum mub là, bo ghù ngù' num tù yôg, nku'ni netshùa num ba nzendà ntsho ntùm ngô.