Yobkwi 118:6 - NTSHOB NSI

⁶ Tshùaben b'a num yàm njam, me ke bwôge, ke ze mènntùn ku'ni neghù m'à?

Yobkwi 118:6 Iomraidhean Croise

Yobkwi 112:8

A ghù tànntù ntù i, a ke' be bwôg tà nkum ndùs'a nsi tshùa ghamaṅt'é là.

Yobkwi 146:5

Mènfen b'a mèn ze ngaywimt'é b'a Nsi Yakob, ze ze nenywinte b'a num Tshùaben Nsi i là,

Yobkwi 23:4

Ngelaṅ me tshwèt nzin ntùm bu'to' nesènte là, me ke bwôg sàm nukebwô, nummbe bag wù bèn mbe. Shua' so mba kôg so be ntswe'te ntù àm.

Yobkwi 46:1

Ntshagte yobkwi. Se bon Koré. Ntùm medub màndô. Yobkwi.

Yobkwi 46:11

Bin tsine, ndèn ndù me b'a Nsi, me be ntô ngôngô, nke ntô njù.

Yobkwi 56:10

Ghakeban tshàm be mbènte njam njam lé'njù ze me kua' là; me lèn ndù Nsi b'a yàm njam.

Yobkwi 56:11

Me nsi ghamte Nsi, me nsi ghamte ntshob mi. Me nsi ghamte Tshùaben, me nsi ghamte ntshob mi.

Yobkwi 56:12

Me yab ntù àm num Nsi, me ke bwôg sàm ju. Ke ze be benntùn ghù m'à?

Yobkwi 56:4

Ngelaṅ me be ntùm bwôg là, mba m'a' yab ntù àm num o.

Yobkwi 56:5

Me nsi ghamte Nsi, me nsi ghamte ntshob mi. Me yab ntù àm num Nsi, me ke bwôg sàm ju. Ke ze be benntùn ghù m'à?

Yobkwi 56:9

O siaṅte njoṅ nge' tshàm fa. Bo ke' kite njoṅ i fa ntùm ṅwa'ni ké? Lette njoṅ ntsenyà màm fa ntùm ntu' o.

Yobkwi 94:16

We z'a nsi lo nsi num ben kebwô à? We z'a nsi tomt'àm num ghatshùagntù à?

Esaya 51:12

A b'a me, a kua' me bèn nke mfite ntù tsine. O b'a we kà nke mbwôg mènntùn z'a be nkwù, mén mènntùn z'a be mba nenà l'à?

Yérémia 20:11

Nda' ndù Tshùaben ze bag yi be là b'a kua' neta sa'nde'e. A ndùlala, ghatsho' nku màm kebàn ke nsi tshùa àm, bo nsi tiag vù nsi. Yub nevù nsi ma' yub ntùm tuswe. Yen nà nsi b'a tuswe matmat, ze ke lagte.

Roma 8:31

Bag à bin nsi tshob à ndùke num tshen nu l'à? A be ze bag à bin Nsi bèn mbe là, mba we z'a ku' nelaṅte be à?

Héber 13:6

A ndùlala, be ghù nefèn ntù ntshob ndù: Tshùaben b'a ngaywimt'àm, me ke nsi bwôge. Mènntùn ku'ni neghù ke m'à?

1 Samuél 17:11

Saulo boa ba Israél fa ju' men ntshob ze Filistia là, wut yub fét, mà bwôg ndùb ghom yube.

1 Samuél 17:37

David bèn ntshob ndù: Tshùaben z'a na' ntshu' àm num nkib ngwayit mba num ku mbù tshwèt là nsi bèn tshu' àm mba bu yen ze Filistia là. Saulo tshob David ndù: Nène, a bwô ndù bin Tshùaben bèn mbe.