Yobkwi 115:4 - NTSHOB NSI

⁴ Neto tshob ts'a be tshob nsi là b'a tùn nkàb mba gol, fa' mbu mènntùn;

Yobkwi 115:4 Iomraidhean Croise

1 Fenfen 18:26

Bo lo' yub mfô, bo fà bo, bo nabt'é. Bo tsiaṅ lén Baal neto' nkebnjù nkum mbwôgtshù nke ntshob ndù: Baal, bùnte bag. Là bo ke ju' nze mèn, mbùn ntshob ke be. Bo nke ntsho' mfe tù mbwe tômbwôg se bo bom nà.

1 Fenfen 18:29

Ndùse nyam jag là, bo tshob ntshob ghatshob ntshob Nsi tà nkum ngelaṅ z'a bwô ndù bo fà jule'te là. Là, mba ndùlala bo ke ju' nze mèn, mbùn ntshob ke be, mo' nekù' ntoṅ ke be.

2 Fenfen 19:18

ma' nsi tshob ntùm mbwôge; là bo na' ke b'a ba nsi, a na' mb'a mbufa' mènntùn, mb'a tù bo loṅ; tshù tshu tse bo na' mbiagte là.

2 Kronika 32:19

Bo tshob nu num Nsi Yérusalém à mb'a b'a ba nsi ngôngô tse bo nsitsha' là, tshen nsi là ts'a b'a fa' mbu mènntùn nà.

Yobkwi 97:7

Tuswe ghom ghafa' ba nsi neto. Bo tse bo be nka'te banban nà, njoṅ ba nsi fa be ngwù nsi mbwe i.

Esaya 37:19

mba ndù bo lo ma' nsi tshob ntùm mbwôge; là tshen nà ke na' mb'a nsi, a na' mb'a mfa' mbu mènntùn, mbe ntshwèn bo loṅ; bo lo biagte yube.

Esaya 42:17

Bo nsi bèn tuntun, tuswe ko yube. Me tshob à ben tse bo num njab ntù num neto tse bo kome, nke ntshob neto ts'a b'a tse tùn ndù: Bin b'a tshag nsi là.

Esaya 44:10

We z'a b'a nabte ta' nsi, ke nekom ta' neto ke be ndù a nsi jù bin i à?

Esaya 44:20

A be ntshàm ntù num bwembwôge, ntù i z'a fàn nze là bi. A ke nsi yôg tu wul i tshob ndù: A ke tatte li ze me tshùb bu àm ké?

Esaya 44:9

Ben tse bo num nabte ba neto là njoṅ yub fa ke mi neka'te tshobe; mbwô mbwô mfa' mbu mi mbe tse; mba mfa' mbit be nkwé nta tu wut tshobe. Bo ke' be yen, ke ghù nkwate, ndùlala ndù bo tsho ntùm tuswe.

Daniel 3:5

Ndùse bin nsi ju' nze nta, mandô, loṅ nse'e, medub, loṅ nsa, ndô boa njoṅ nzenze tshu nebu' sa yi là, bin vù nsi kabkab ngamte neto gol ze mfen Nébukanetsar te tù là.

Daniel 5:23

O lo nsi num Tshùaben kamànyam. O lo ghù bo lo' ntu' ts'a be ntùm ndà i là nse' yi mbwe o, wù, ben tsho tse ndùbndùb, zwi tsho boa màndà tsho, bin à bo nu ndu' ntùm bwe, ba nsi tùn nkàb, tse gol, tse tùn fôgtab, tse tùne, tse ntù mba tse ndoṅ, tse bo ke' be yen ke be ju', ke bèn ndèn sàm ju là, o lo nyàmte yube. Là mbe se' mba Nsi z'a mem zwiag so bu i, njoṅ tsho manze fa b'a mum mbu mi là, o ke ghamt'é tsho.

ṄWA'NI OSÉ 8:6

Israél a b'a ngave bèn nabte mfô Samaria, a ke' b'a Nsi. A ndùlala bo nsi be't'é mfémfé.

Mfa' Ghantum 19:26

Bin yen ndù ke b'a nda' Efésô, là ntùm ngô Asia fa, Paulo tshwèt ntswite, mbèn nke mbagte tu benntùn ntshob ndù: Ba nsi tse benntùn nabte mbu mub là ke' b'a ba nsi.

Mfa' Ghantum 19:35

Là ngakite ṅwa'ni ngô ghù bwoṅ benntùn mi', a tshob ndù: Ba Efésô, we z'a netèt benntùn ndù a ke' lèn ndù ngô ba Efésô bèn nke ndé' tèmpèl Artémis ze ndùb mba neto i z'a swe' mfe kamànyam n'à?

Nebwôgte 4:28

Bin nsi tsho bwe ke fa' ba nsi, tshen nà ts'a b'a mfa' mbu mènntùn, mb'a ntshwèn bo ndoṅ nà. Bo ke' ku'ni neyene, ke ju', ke jù ju, ke bèn nju' njwèt ju là.