Yobkwi 115:3 - NTSHOB NSI

³ Nsi yag b'a mfe kamànyam, a be ngù ju z'a kô là.

Yobkwi 115:3 Iomraidhean Croise

1 Kronika 16:25

nummbe Tshùaben b'a mèn ndùb, nku'ni ndù bo ghamt'é. A b'a ngafét wut, ntshùa njoṅ nsi fa;

ṄWA'NI YOB 23:13

A yà ju' ze nu k'a ku', we z'a ghù nebù' tu i nsi num bwe à? Ntù i be nkô mba ke lo a ghù.

Yobkwi 103:19

Tshùaben te ko'fen se mfe kamànyam, nufen i nke ntô njoṅ i fa.

Yobkwi 123:1

Yobkwi ko'ko'. Me bù' miag màm ndôt'o, ndôt'o z'o tswe num ko'fen so mfe kamànyam nà.

Yobkwi 135:6

Tshùaben be ngù njoṅ tshu fa ts'a kô là, mfe kamànyam mba num nsitsha'a, ntùm ba dibantse mba ntùm njoṅ ngem fa.

Yobkwi 2:4

Mèn z'a tswe num ko'fen mfe kamànyam nà zwi tse. Tshùaben tshabte yube.

Yobkwi 68:4

Là, ben netsin be ntsiaṅte, nke ntshùa ntsho mbwe Nsi, ṅwate nke ndo' yub nèn yi.

Esaya 46:10

Me num ntshob ju z'a nsi se' là fe neto'te; ntshob mb'a nsi bumte là k'a njôg mbumte. Me tshob ndù ntàmtenu màm nsi bumte, me zwiagte njoṅ yàm nekô fa.

Daniel 4:32

Bo nsi yoṅ o netèt benntùn, yu dù'ntswe tù' b'a netèt nyàm tshwèt. Bo nsi kém o nenà mba ba nyàmna' là; zwiaṅ njù sammbàa nsi tôg num o tà nkum ndùs'o lèn ndù Nsi z'a be tà mfe tù bèn nke ntô nufen benntùn, mbèn nke mfà i mèn z'a kô là.

Daniel 4:35

Njoṅ benntùn fa ntùm njù ke b'a sàm ju num miag mi. A be ngù à mb'a bwô i là boa ntshu ntsho kamànyam, ngù à mb'a bwô i là boa benntùn ntùm njù. Sàm mènntùn ke bwe z'a ku'ni neta tu yi, ke netshob ndù: O ghù à ke là.

Matio 6:9

Bin ke nde'te Nsi ndù: Tà yag z'a be mfe kamànyam nà, ghù lén so be nelàne;

Roma 9:19

O nsi tshob me ndù: K'a bèn nke nja ntù numke? We z'a ku' neta tu mbwe ze nekô à?

Efésô 1:11

Bag à bin lo tù' jùndà num i, ndù Nsi lo à tsho' be, ndaṅndaṅ mb'a be ntùm nkwatenu mi là, yi z'a be ngù njoṅ i fa ntùm ko' ze nekô,