Yobkwi 113:5 - NTSHOB NSI

⁵ We z'a be mba Tshùaben Nsi yag, yi z'a tswe tà mfe tù à?

Yobkwi 113:5 Iomraidhean Croise

Yobkwi 103:19

Tshùaben te ko'fen se mfe kamànyam, nufen i nke ntô njoṅ i fa.

Yobkwi 11:4

Tshùaben b'a ntùm ndà i ze nelàne, ko'fen Tshùaben b'a mfe kamànyam. miag mi be ntsha' dù', miag mi nke ndaṅte bon mèn nyiaṅtu.

Yobkwi 35:10

Njoṅ nkam wut màm fa nsi tshob ndù: Tshùaben! We z'a ku'ni netshu' ngayennge' mba mbwoṅ, mbu mèn z'a tshwèt mfétt'é mba wù à?

Yobkwi 89:6

O Tshùaben, kamànyam be ngamte mfa' mu mi nekuni! Ngamte nenùn o ntùm mbumte ben nelàne.

Yobkwi 89:7

We z'a ku'ni mfe kamànyam nefi'te ze nu bo Tshùaben à? We z'a fut'o netèt bon Nsi à?

Yobkwi 89:8

Nsi b'a ngafétwut ntùm mbumte ben nelàne. Nsi b'a mèn nekuni num ben tse bo diaṅ i mbum nà.

Yobkwi 89:9

Tshùaben, Nsi tàndà ntsho! We z'a be mèn neta mba wù Tshùaben. Nenùn o diaṅ o mbume.

Netume 15:11

Tshùaben, we z'a be mba wù, netèt ba nsi à? We z'a be mba wù, mbe mèn nelàn à? O be nkuni nenyàmt'o, O bèn nke ngù nsà.

Esaya 16:5

Diaṅkwa nsi ta nsi njam bwôntù. Mo' ngatsho'te, nshun nu ndaṅndaṅ, ngakô nunetsin nsi tswe num diaṅkwa là yàme, ntùm ndà David.

Esaya 40:18

Bin ke ndiag fi' Nsi à num zit ju à? Bin nsi tshob mb'a b'a njoṅ zit ju nekom à?

Esaya 40:25

Bin nsi lo' mfi' àm à num we kà me fu i à? A Mèn Nelàn bèn mbètte.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Yérémia 10:6

Tshùaben, sàm mènntùn z'a be mba wù là ke' be. O b'a ndùb, lén so tshùa njam neta o mbe se ndùb.

Nebwôgte 33:26

Sàm mèn ke bwe z'a fute Nsi Israél là. A tshwèt ntsho' nde mfe kamànyam nse' ywimt'o. A tshwèt nkuni ntùm ndot z'a kel i nke nse' yi là.