Yobkwi 112:9 - NTSHOB NSI

⁹ A be nyit bu, a be mfà tshu ghayennge', ze nunetsin be ntswe matmat, neta i be nku' ntùm ghamte.

Yobkwi 112:9 Iomraidhean Croise

Yobkwi 111:3

Mfa' mbu Tshùaben b'a ghamte mba nekuni. Nunetsin i tswe matmat.

Yobkwi 112:3

Tshu mebwô mba fu' num ntùm ndà i, ze nunetsin be ntswe matmat.

Yobkwi 75:10

Me nsi soṅ tshen tshu là njoṅ ndù fa; me nsi yob kwi ghù nku'ni yi Nsi Yakob.

Yobkwi 92:10

O Tshùaben, tshù ghakeban tsho, tshù ghakeban tsho li bo tshwèt mbite là. Njoṅ benntùn fa tse bo be ngù nukebwô là, bo sate yube.

Yobkwi 92:11

O be mfà neta nyatnyàm me. O zwi' àm mfèt nswe.

Tànkùt 14:24

Nkàb be ghazenu à mba ta' kétmbùm nà, bà be nkagni à be bà njoṅ ndù fa.

Tànkùt 19:17

Mèn z'a ko ndèn mbwoṅ nà ke mfà ju à Tshùaben, a nsi ba' numebwô i yi num ju z'a ghù là.

Tànkùt 21:26

A be nzwi njoṅ ze ngelaṅ fa neke ntshob tshu ts'a kô là, là mèn netsin ke mfà ke bèn mbèn bu i njam.

Nzenu 11:6

Ke njwit nzwit ju o nkebnjù, ke bèn mbam ndù bu o tswe banban mfetnjù, nummb'o ke' lèn bag i z'o nsi ju' mebwô bwe là. Mbèn mbe, a nèn num men mfa' mbàa là, o ke' lèn a be z'a tamte fa mb'a mfa' mebwô là.

Nzenu 3:6

Ngelaṅ nediage mba ngelaṅ nefaṅ a bi. Ngelaṅ nelé'é mba ngelaṅ neghua'a.

Esaya 32:8

Là nkum mèn ke ntàmt'a nu ndùbndùb, nke nkagtùn à be ntùm men ntàmtenu là.

Esaya 58:10

A be z'o be mfà yu jujù neyôg yi mèn nziku' ya i là. A be z'o be nkém bwoṅbwoṅ nà, mba nelàn o nsi tum mum njame, yu njam tswe à mba nka' mbwôgtshù là.

Esaya 58:7

A b'a ndù mèn ghabte ze jujù bo mèn nziku' ya i là, njab njennge' z'a ke' ghù dù' nezi là ndà, ma' nzwe num mèn z'a be tunntôg là, ke lo' mvèn o ntam mfèl o yi.

Matio 6:4

ndù yu ju neywimte ghayennge' là tôg à ntùm tsham; Tàan z'a be njen ntùm tsham nà nsi ba' wù.

Marko 14:7

Bin à bwoṅbwoṅ ke mbe njoṅ ngelaṅ fa; mba zit ngelaṅ no ze bin kô là, bin ku'ni neywimte yube, là bag à bin ke ke mbe njoṅ ngelaṅ fa.

Lukas 11:41

Bin bwôgmbwe mfà tshu ts'a be ntùm bwe là num ywimte, mba bin nsi tù' kua' ben nelàne.

Lukas 12:33

Bin swèn njoṅ tshu tsin fa, njwimte bwoṅbwoṅ yi. Bin ghù mbàm mi a ke' be ywèn nà, ngù nkàb tanjoṅ z'a ke' be mi là mfe kamànyam, dù' ze tshô ke' ku'ni neyi, dù' ze mbé' ke' ku' nebagte là.

Lukas 16:9

Tu wul àm, me tshob bin ndù: Bin lo' nkàb z'a ke' tsin nà nka shun yi ndù ngelaṅ z'a nsi bwoṅ bin nà, bo lo' zin ntùm ndà ts'a num ntswe yoṅ ntshù' là.

Lukas 18:22

Yésu be ju' mb'a tshob là, ntshob yi ndù: Ta' ju bèn mbwoṅ wù ntshù'. Swèn njoṅ tshu fa ts'o ghù là, mfà nkàb bwoṅbwoṅ, o nsi se' ghù junkàb tanjoṅ mfe kamànyam; mbèn nse' ntam njam àm.

Yohané 13:29

Nummbe tsemo' lo ke nkwate ndù mba Yuda na' mbèn nke ndé' mfe' là, Yésu ke ntshob yi à ndù: Jun ju z'a bwoṅ ben mum lé'njù jùa là ke ndù a fà ju bwoṅbwoṅ lo.

Mfa' Ghantum 20:35

Num njoṅ i fa, me lo ke ntswite ben nebole, nke nkwimte ntshob Tshùaben Yésu, nummbe tu wul i lo tshob ndù: Fen num ntùm nefà ntshùa nekwé.

Mfa' Ghantum 4:35

njab mbaṅ nku ghantum. Bo nke ngabte netèt bo, mfà mba we lo be mb'a ku'ni num i là.

Roma 12:13

Bin tomte ben nelàn ntùm bwoṅ; bin ke nkù ntù nelo' ba ghùn.

2 Korintô 8:9

Nummbe bin lèn kondèn Tshùaben be Yésu Kristô, yi ngankàb lo tù' mbwoṅ num bin, ndùlala ndù bin tù' ghankàb njam bwoṅ i.

Nebwôgte 15:11

Bwoṅbwoṅ nsi ke be ze be ntùm ngô; a ndùlala ze me fà sen kàn ni wù là: O a' ke nyit bu o mfèl o, z'a ke' ghù ju, mbe mbwoṅ ntùm yu ngô là.

Nebwôgte 15:14

O nsi fà ju yi num nyàm tsho, fà ju yi num nsa mi o tsham nà, fà ju yi num tshu ts'o tshab là, fà ze ju num tshu tse Tshùaben Nsi o tam ntse wù, o ghù là.

Nebwôgte 24:13

a bwô neba' yi ndùse nyam tshwèt mbi là, ndùlala ndù a zi bo nzwe i num i, nke nyàmt'o; Tshùaben Nsi o nsi siaṅte yen nà wù mba nunetsin nà.

1 Timôtio 6:18

tshob bo ndù bo ghù numebwô, ntù' ghankàb ntùm mfa' mebwô, ndèn neghabte tshu boa tsemo' ntùm ntù mebwô,

Héber 13:16

Kà bin lagte neghù numebwô mba ywimte, nummbe lèn tshen tshule'te Nsi là num mbwô Nsi.

Héber 6:10

Nummbe Nsi ke' b'a mèn ketsin, a ke nsi lagte mfa' mine, mba nkôni ze bin tswite num lén se, bin tse bin na' mfa' ben nelàne, mbèn nke mfa' bo là.

Apokalipse 22:11

A bwô ndù ngaghù nukebwô bèn ngù nukebwô, mèn nesagte bèn nsagte wul i, a bwô ndù mèn netsin bèn ngù nunetsine, mèn nelàn bèn ndànte wul i.

1 Samuél 2:1

Ana le'te Tshùaben ntshob ndù: Ntù àm tshwèt ntsiaṅte num Tshùaben, Tshùaben lo ghù me bù' tu àm tù me lo gha' ntshu àm num ghakeban tshàm, nummbe me tshwèt ntsiaṅte num ywimte Tshùaben.

1 Samuél 2:30

Ndùlala Tshùaben, Nsi Israél tshob ndù: Me lo tshob mbe tunndà o bo ze tàan nsi fa' me matmat. Là, ndonni yen nu là mi. M'a' ghù nku'ni ben tse bo ghamt'àm nà; ngwag ben tse bo wag àm nà, Tshùaben bèn ntshob ndùlala.