Yobkwi 112:1 - NTSHOB NSI

¹ Aléluya! Ghamte be Tshùaben. Mènfen b'a mèn z'a be mbwôg Tshùaben nà, ze ntshù' mi be mbwô i neshu là!

Yobkwi 112:1 Iomraidhean Croise

1 Fenfen 18:3

Akab ghù bo tsiaṅ Abdia, ze tàndà. Abdia lo ke mbwôg Tshùaben neshu.

Yobkwi 111:1

Aléluya! Ghamte be Tshùaben. Me nsi nyàmte Tshùaben njoṅ ngô ntù àm fa ntùm mbumte benntùn mba ntùm ntse'te.

Yobkwi 111:10

Nebwôg Tshùaben b'a neto'te zenu. Ben tse bo be ngù ndùlala là ghù nkwate nelàne. Ghamt'é be ntswe matmat.

Yobkwi 119:14

Me b'a ntùm tsiaṅte num manze kwénta o, mbe ntùm bwe mebwô ntshùa ntùm fu'.

Yobkwi 119:143

Nge' bo ngùtni yab mbu num àm, là, nda' ntshù' mu bèn mbe yàm ju tanjoṅ.

Yobkwi 119:16

Me ke ngù yôg mebwô à ntùm ntshù' mu, me ke nsi lagte ntshob mu.

Yobkwi 119:35

Tshagt'àm num manze ntshù' mu, nummbe me be nju' mebwô num bwe.

Yobkwi 119:97

Tshù mba me be nkô ntshù' mu njene! Me be nkwate nu bwe njoṅ lé'njù fa.

Yobkwi 128:1

Yobkwi ko'ko'. Ghafen b'a ben tse bo be mbwôg Tshùaben, nke nzin mum manze tse là.

Yobkwi 145:19

A be ngù ju ze ghabwôg i kô là, a be nju' mba bo tsiaṅ i là, njôg yube.

Yobkwi 147:1

Aléluya! Ghamte Tshùaben, nummb'a b'a mèn mebwô, bin yob kwi Nsi be, nummb'a b'a fitemèn, ghamte ku'ni num i.

Yobkwi 150:1

Aléluya! Bin ghamte Nsi num ndà i ze nelàne. Bin ghamt'é mfe kamànyam dù' ze neta i be nda'te wul i là.

Yobkwi 40:8

Ndùlala me tshob ndù: Tshù, me se'e. Ntùm ṅwa'ni nebote bo kite nu num àm bwe ndù:

Netume 1:21

A tshùa mba ghakwé bon na' mbwôg Nsi là, Nsi ghù bo ghù tunndà.

Nzenu 8:12

Mba mba ngafànnu tshwèt nke' mfàn nu nguan yoṅ nkù mbèn nke nàn nsaṅlaṅ be nefàn nà, me lèn ndù fen b'a ju njoṅ ghabwôg Nsi fa, nummbe bo num mvètte mbwe Nsi.

Esaya 50:10

Mba we lo netèt bin z'a tshwèt mbwôg Tshùaben nà ju' nze ngafa' i! Mba we lo z'a tshwèt nzin ntùm njame, nelàn bwoṅ yi là yab ntù i num lén Tshùaben, nke njé'te num lén Nsi i.

Lukas 1:50

kondèn i bèn nke ntswe ngu'ngu' num ben tse bo num mbwôg i là.

Roma 7:22

Nummbe me num ntsiaṅte num ntshù' Nsi, kua' ntùm ntù àm,

Roma 8:6

Ze nekô mbàb wut b'a vù, là, ze nekô Ywèt b'a yôg mba fite,

Nebwôgte 28:3

Tshùaben nsi naṅ mbotni ntùm ntusô mo, naṅ mbotni num tsho nà fa.