Yobkwi 110:2 - NTSHOB NSI

² Tshùaben nsi tsin Sion nyit kôg fen neta o: Tô netèt ghakeban tsho!

Yobkwi 110:2 Iomraidhean Croise

Yobkwi 72:8

A ke ntô njù neto' num mo' dibantse nèn nkum num mo', to' num Efrat nèn nkum num dù' ze nsitsha' miagte bwe là.

Netume 7:19

Tshùaben tshob Mosé ndù: Tshob Aron ndù a lo' kôg nshù bu i num ntse ba Egipto, num bon ntse, num bon netsha' ntse, num ntam ntse mub boa njoṅ ntô ntse mub fa. Njoṅ i fa nsi kaṅ tù' lem; lem nsi be ntùm njoṅ ngô Egipto fa, ntùm nkab ntù boa nkab ndoṅ.

Netume 8:5

Mosé tshob Faraon ndù: A bwô ndù o bèn njab ngelaṅ ze me nsi le'te Nsi num tu o, num ghafa' tsho bo num tu ngô o là. A nsi tshùa ndùlala ba metu' mi ntùm ndà o, ntùm mba' mu, kà ntù' b'a nda' ntùm ta'ntse.

Esaya 2:3

Ntumntum nsi nèn bwe bwoṅ, ke ntshob ndù: Bin se' be ko' nèn num mbat Tshùaben, ntùm ndà Nsi Yakob, ndù a la'te be tse manze, be ke nzin num tse ntshagnze. Nummbe ntshù' nsi tum Sion, ntshob Tshùaben tum Yérusalém.

Yérémia 48:17

Bin tse ba ndùla', tse bin lèn lén se là làn i, nke ntshob ndù: Bo be' sen kôg fen neta li, sen kôg fen nekuni li à ndùke?

Ezékia 19:14

Mbwôg tum mum nkaṅ mi, nkù ntàm mi. A ke' bèn ngù kaṅ se s'a ta num nekom kôg mfen yi là. Yen ni b'a nsivù ze bo lo' yob nsivù yi là.

Ezékia 47:1

Mèn nà bèn ndo' àm mbèn yi nzendà. Me yen ntse nke ntum tun nkù'ndà nze bag ntumnyam; nummbe ba' na' ntshag se i à bag ntumnyam. Ntse ke nswe' a num bag ba' ze zwim, nèn bag tômbwôg le'te Nsi z'a be mà ntèn nà.

Mika 4:2

Ntumntum nsi tèn bwoṅ nèn bwe, ke tshob ndù: Bin se' bag bin ko' nèn num mbat Tshùaben, mfe ndà Nsi Yakob, ndù a tswite ben tse manze, be ke nzin num tse ntshagnze. Nummbe kàn nsi tum à Sion, ntshob Tshùaben tum Yérusalém.

Mika 7:14

Lo' shua' so ntshagte yu nzwit mèn yi, bwoṅ nyàm z'a be yu ju ntsi' là, a ke ntswe à tù' i mum fèn netèt Karmél! A bwô ndù bo fèt nenà num Basan mba Galad, mb'a na' mbe num mo' ngelaṅ njù là.

Roma 1:16

Nummbe me ke' ko tuswe nkùn mebwô, nummbe a b'a neta Nsi num yôg mba we lo z'a bam nà, nto' num ze Yuda, mbatte ze Grikia.

1 Tésalônikà 2:13

A ndùlala, mba bag num ndabte Nsi ke tsin, mba bin na' nkwé ntshob Nsi mi bag na' ntshob netèt bin nà; bin lo kwé i, ke b'a mba ntshob benntùn nà, là ndaṅndaṅ mb'a be là, ndaṅndaṅ mba ntshob Nsi mi a tshwèt mfa' num bin tse bin bam nà.

1 Pétro 1:12

Nsi lo ghù bo lèn ndù a ke b'a num tu wut tshob tse bo tshwèt mfa' ntùm tshen tshu là là, là num bin; ben tse bo tshob nkùn mebwô bin njam Ywèt Nelàn ts'a swe' kamànyam nà, soṅ zin tshen tshu là ndonni, tshen tshu là b'a tse ba Angél kù ntù nema' miag mub ntùm bwe là.