Yobkwi 110:1 - NTSHOB NSI

¹ Yobkwi David. Tshù, Tshùaben Nsi tshob Tshùaben àm mfen ndù: Tswe num bag bu àm ze zwim, tà nkum ngelaṅ ze me nsi yab ghakeban tsho tun nku mu ndù bo be nko' nku mu là.

Yobkwi 110:1 Iomraidhean Croise

1 Kronika 28:2

Mfen David lo ntsin tù num nku mi ntshob ndù: Fèt tshàm, ngô àm, bin ju' àm! Me lo jù' nekut ba' nete Koṅ Kàn Tshùaben bwe a fite, mba nekut nko' nku Nsi be; ndùlala me nke nabte wut kut yen ba' là.

Yobkwi 109:20

Tshù mb'a nsi tshùa njam Tshùaben be ntsho'fa' ghabot'àm tse bo be ntshob nukebwô num àm nà!

Yobkwi 8:1

Ntshagte yobkwi. Num loṅe. Yobkwi David.

Yobkwi 8:6

O lo nabt'é, a nèn nebe mba ba Angél là; là nso ghamte mba nkuni num i;

Sakaria 6:13

a nsi ket lèn ts'a be tse keki fen nà; a nsi tswe nsi, tswe num diaṅkwa se sa'a, ngale'te Nsi nsi tsin num bag bu i ze zwim, ntshu ntshù' ze ndùb nsi ke tô yub njamnjam.

Matio 26:64

Yésu tshob yi ndù: Mb'o tshob là. Là me tshob bin ndù: Fe ndonni, bin nsi yen Mén mèn ndù a tswe num bag bu neta ze zwim, a nsi se' num ndot kamànyam.

Marko 16:19

Tshùaben Yésu be miagte netshob bo, nko' mfe kamànyam, ntswe num bag bu Nsi ze zwim.

Lukas 22:41

Tu wul i kù'te mbaṅ bo, nèn nguan ma' loṅ, nkwim ntunkekwi' mi nsi, nde'te Nsi,

1 Korintô 15:25

nummbe a nsi bwôgmbwe be mfen tà kum ngelaṅ z'a nsi ma' njoṅ ghakeban tse fa tun nku mi là.

Kolosé 3:1

Ndùlala, a be ze bin à Kristô bam num vù là, bin diag tshu mfe tù dù' ze Kristô tswe nsi num bag bu Nsi ze zwim nà.

Héber 1:13

A zit Angél z'a to' tshob yi ndù: Tswe num bag bu àm ze zwim tà nkum ngelaṅ me nsi ma' ghakeban tsho nsi, bo tù' nko'nku mu l'à?

Héber 1:3

a b'a nkô nkuni Nsi mba mfuni tu wut Nsi, a num nket njoṅ tshu fa ntshob mi mi neta; a lo be miagte nelànte nukebwô, ntswe num bag bu Nsi ze zwim mfe tù;

Héber 12:2

nte miag num Yésu z'a be neto'te mba nemiagte bamntù là, yi z'a na' nga tsiaṅte ze be la'te yi, njen nge' fanta'tù, ngwag tuswe, ntswe nsi num bag ko'fen Nsi ze zwim nà.

Héber 8:1

Tunu ze be lo netshob là b'a ndù: Be ghù lèn yen ngale'te Nsi ze ndùb là: A tswe num bag bu zwim mbaṅ ko'fen Nsi ndùb mfe kamànyam,

1 Pétro 3:22

yi z'a nèn kamànyam, ntswe num bag bu Nsi ze zwim, ba Angél, ba ngù' mba ba neta fà wut nsi mbwe i là.