Yobkwi 11:5 - NTSHOB NSI

⁵ Tshùaben be ndaṅte mèn netsine. A be mban tshùagkèt mèn mba mèn ze nefétte lem be mbwô i là.

Yobkwi 11:5 Iomraidhean Croise

Neto'te 22:1

Tshen nu là lo be tôge, Nsi ghù lo' nzenu num Abraham, ntshob yi ndù: Abraham, Abraham bùnte ndù: Tshù me li.

Yobkwi 10:3

Nummbe tshùagkèt mèn num nyàmte wul i num ju z'a num nge'te là. Nke ntshob ndù: Nsi ke bwe, tshù mi nkwate là.

Yobkwi 139:1

Ntshagte yobkwi. Yobkwi David. Tshùaben, o be nzwi't'àm.

Yobkwi 17:3

A be z'o lôte ntù àm, a be z'o nèn tshù i tèttswe' là, a be z'o laṅt'àm nà, mb'o ke yen sàm ju. Nkwat'àm ke b'a ze ghua, ntshob mi a num ntum ntshu àm nà ke be mi ghua.

Yobkwi 21:8

Mfen be njab ntù i num Tshùaben. A be ntshùa num kondèn Nsi z'a tà mfe tù là, a ke tiag.

Yobkwi 26:2

Tshùaben, momt'àm, Tshùaben laṅt'àm. Momte zwe' àm mba ntù àm.

Yobkwi 5:6

nga, kagni ke' ghù netsin mbwe o; o num mban ghatshùagntù,

Yobkwi 7:9

Wù Tshùaben ngatsho'te ntsha ngôngô. Tshùaben! Tshùa njam yàm nunetsin mba yàm nebe mbu'u ntsho'te ntsha àm.

Yérémia 12:8

Ntsi' màm na' ntù' m'a mba ta' ngwayit z'a ntùm fèn nà. A lo lo nsi, nke ntshu' àm tse. A ndùlala ze me ghù nkembàn num i là.

Yérémia 20:12

Tshùaben tàndà ntsho, wù z'o be ndiag ntun num mèn netsine, wù z'o be ntswe' ntun, ndèn bam mèn bo ntù i là, be me yen yagte mba' z'o ghù num bo là ké? Nummbe me yab yàm nu à ntùm mbu mu.

Sakaria 11:8

Me lo biagte ghabéb mbwe tat num ta' maṅwù; ntù àm lo ke fènte num bo, yub tu wut nke ngwag àm yub.

Sakaria 13:9

Me nsi ma' yen bag i ntshù' num bag tse tat là ntùm mbwôge, lànt'é mba bo be ndànte nkàb là. Me nsi lànt'é mba bo be ndànte gol là. A nsi tsiaṅ lén sàm, me ju' nz'é mbame; me nsi tshob ndù: A b'a yàm nzwit mèm, tu wul i tshob ndù: Tshùaben b'a Nsi àm.

Malashi 3:3

A nsi tswe nsi, tone, lànte nkàb; a nsi lànte nshumnshum Lévi. A nsi lànte yube, tswite yub mba bo be ndànte gol bo nkàb là, ndù bo ke mfà nda' Tshùaben ntùm nunetsine.

Yakobo 1:12

Mènfen b'a mèn z'a be mfènte laṅte là, nummbe ngelaṅ a nsi tshùa laṅte là, a nsi kwé tshe' yôg se Tshùaben ka' ben tse bo kô i là.

1 Pétro 1:7

Nummbe a bwô ndù laṅte bamntù zin z'a tanjoṅ ntshùa gol nebi ze bo laṅt'é mbwôg là, fà nyàmte, nkuni mba ghamte bin, ngelaṅ Yésu Kristô nsi tswite wul i là.

1 Pétro 4:12

Fèt tshàm tse nkôni, kà bin tshàm num ndum mbwôg z'a se' netèt bin num nelaṅte zin nà, kà bin lo' i mba nu nswe là.