Yobkwi 109:7 - NTSHOB NSI

⁷ Bo tsho'te ntsha a vù ntsha, lo' ze le'te mba nukebwô là!

Yobkwi 109:7 Iomraidhean Croise

Tànkùt 15:8

Jule'te ghatshùagntù num mbag Tshùaben. Là, ze nele'te ben netsin be mbwô i neshu.

Tànkùt 21:27

Jule'te ghatshùagntù b'a tshùaya'nu ndù a bag neshu, là, mebwô mebwô, ndùse bo be fà ngù nkwate kebwô là.

Tànkùt 28:9

A be ze mèn mem ntoṅ mi ndù k'a ju' ntshu'te là, mba mba ze le'te nsi b'a tshùaya'nu.

Esaya 1:15

A num mbe ndùse bin shù mbu min me là, me kaṅ se àm. Bin le't'àm a yàm be ndùke lo mba me ke nsi ju'u. Lem gha' mbu ntùm mbu mine.

Esaya 66:3

Mèn z'a tshwèt ngwat nyàmna' là b'a mba mèn z'a wal à mènntùn nà. Mèn z'a fà ta' njùmbwe num jule'te là b'a mba mèn z'a dù' à tô ta' mbù là. Mèn z'a fà ju bwôntù là b'a mba mèn z'a sa à lem ngùnyàm nà. Mèn z'a ton tshu nelamte là b'a mba mèn z'a ghamt'â ba neto là. Njoṅ tshen ben nà fa be ntsiaṅte num tshob manze tse bo tshùb là, ntù tshob nke ṅwate num tshùaya'nu tshobe.

Matio 23:13

Nge' num bin ghalèn ṅwa'ni Nsi mba ba Férésia ghamfùm, nummbe bin fùn nze nufen kamànyam mbwe benntùn, ke tsho bwe zin tu, ke bèn mbam ben tse bo kô netsho bwe là ndù bo tsho bwe. [

Roma 3:19

Là be lèn ndù njoṅ tshu fa tse ntshù' num ntshob là, a ke ntshob à ben tse bo be ntùm ntshù' là, ndùlala ndù njoṅ ntshu fa meme, mba ndù njoṅ njù fa be ghavù ntsha mbwe Nsi.

Galatia 3:10

Là ben tse yub nenywinte b'a num mfa' ntshù' là, b'a tun ndon, nummbe bo kite ndù: Ndon tu mèn z'a ke' be ghô ntùm njoṅ tshu fa tse bo kite ntùm ṅwa'ni ntshù', ndù a ze yub là.