Yobkwi 104:1 - NTSHOB NSI

¹ Ntù àm, ghamte Tshùaben! Tshùaben, Nsi àm, o b'a mèn ndùb neshu! O ma' nkuni mba ghamte num o,

Yobkwi 104:1 Iomraidhean Croise

Yobkwi 103:22

Bin ghamte Tshùaben, bin tse bin b'a mfa' mi, mum njoṅ dù' fa tse ze netô kum bwe là. Ntù àm, ghamte Tshùaben!

Yobkwi 104:35

A bwô ndù ben kebwô bite fafa num nsitsha'a, kà ben kebwô bèn nebe! Ntù àm, ghamte Tshùaben! Aléluya!

Yobkwi 145:3

Tshùaben b'a mèn ndùb, a ku'ni mb'a be bo nyàmt'é là, ze ghu' ke' ghù mfi' i.

Yobkwi 7:1

Nsindàvù ze David yob Tshùaben num Kush mèn Benjamin là.

Yobkwi 93:1

Tshùaben be nsa' njù, ndù a ma' nkuni num i, Tshùaben ma' ngù' num i, ntaṅ i tun i. Ndùlala njù féb nsi, ke bèn nke nyi'te.

Yobkwi 95:3

Nummbe Tshùaben b'a Nsi ndùb, a b'a mfen ndùb num njoṅ nsi fa.

Yobkwi 96:6

Nku'ni mba nkuni num mbwe i, ngù mba ghamte be mum ndà i ze nelàne.

Esaya 59:17

A ke nket nunetsin a mba nzwe tùn nà, nte yôg tu i mba tshe' là; neyagte mba' be yi à mba nzwe z'a ke nket là. Lànghe' be yi à mba kummbaṅ s'a be nkabte wul i yi là.

Yérémia 23:24

Tshùaben tshob ndù: Be mènntùn lem ntùm ndàlem, kà me ke yen i ké? Yàm neke mbe be nsi ke' dun mfe kamànyam mba num nsitsha' ké? Tshùaben bèn ntshobe.

Daniel 7:9

Me nke ndôte ndùse bo ke nte ndiaṅkwa là. Mbwe mèn mum ntswe'njù mi tswe nsi mbwe njwèn mèn. Nzwe i fôg mba nywinmbaṅ nà, nyiaṅtu tse làn mba ndeb là. Diaṅkwa se be mba ngwat mbwôg là, nku mi be mba mbwôg z'a tshwèt nkù nge' là.

Daniel 9:4

Me lo ke nde'te Tshùaben Nsi àm, nke ntshob yi ndù: Tshùaben Nsi ndùb bo ze nekuni, wù z'o be ndé' kàn so, nke nko ndèn ben tse bo be nkô o mbèn nke nze ntshù' mu là;

Habakuk 1:12

A ke b'a wù bèn mbe Tshùaben, Nsi àm mba yàm Nsi Nelàn fe tà ndùke lo, fe mbwembwe ké? Be bag ke kwù! Ô Tshùaben! O yab yen nzwit mèn n'a ndù a tsho'te tsho ntsha. Ô gholoṅ sàm! O tènt'é à ndù a yab nge' num yu tu.