Yobkwi 103:18 - NTSHOB NSI

¹⁸ num ben tse bo be nze kàn se, nke nkwimte ntag mi, nke ngù njoṅ i fa bumte là.

Yobkwi 103:18 Iomraidhean Croise

2 Kronika 34:31

Mfen tsin num dù' i bo bom nà, ngwat kàn bo Tshùaben. A bam mb'a nsi ke tam njam Tshùaben, ke ze ntag mi, nkàn mi boa ntshù' mi njoṅ ngô ntù i fa bo njoṅ zwiag se fa, ndù a tshùa ndùlal'a lé' njoṅ ntshob sen kàn ni bo kite ntùm yen ṅwa'ni là là.

Yobkwi 132:12

A be ze bon tsho tse bandum tshùb kàn sàm, mba ntshù' mi me nsi zi'te yub yi là, mba bon tshob tse bandum mba yub tu wut nsi tswe num ko'fen so matmat.

Yobkwi 25:10

Kondèn mba fite num njoṅ tse manze Tshùaben fa, num ben tse bo be ndé' ntshù' mi mba nkàn mi là.

Netume 19:5

Ndonni, a be ze bin ju' ntshu àm ndé' kàn sàm nà, mba bin nsi be yàm nzwit mèn netèt njoṅ ngôngô fa, nummbe njoṅ njù nsitsha' fa b'a yàm.

Netume 24:8

Mosé lo' lem miag num ngô, ntshob ndù: Tshù lem kàn se bin à Tshùaben wat njam men ntshob li là.

Tànkùt 3:1

Nshum àm, kà lag tshu tse me na' nzi't'o yi là, a bwô ndù o tshùb ntag màm.

Esaya 64:4

O be nse' mbwe ben tse bo num ngù nunetsin nà, ben tse bo num nzin num manze tsho, nke nkwimt'o là. Là, o na' nja ntù à nummbe bag lo ghù nukebwô. Bag a' yen nge' num bwe neshu, tà nkum ndùse tu wul o nsi yôg yag là.

Nesiaṅe 15:40

Ndùlala bin nsi kwate neze njoṅ ntshù' màm fa, mbe ben nelàne num Nsi zin.

Matio 28:20

bin tswite yub neze njoṅ tshu fa tse me na' ntshob bin nà. Tshù, bag à bin bèn ke be njoṅ lé'njù fa, tà kum miagte njù.

Lukas 1:6

Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

Mfa' Ghantum 24:16

Ndùlala me num nkagtùn njoṅ ngelaṅ fa neghù à be ntù z'a ke' fàn nu mbwe Nsi mba mbwe benntùn nà.

Nebwôgte 4:23

Bin zete num ntù tsine, ndùlala ndù kà bin lag kàn se bin à Tshùaben Nsi zin na' ngwat là, mba ndù k'o ghù mfute ju nekome, ke sàm ju lo z'a fute ju ze Tshùaben Nsi o na' ntshù' o là me Israél.

Nebwôgte 7:12

A be ze bin ju' ntag men nà, a be ze bin tshùb men ntag là mbèn nke nze njoṅ i fa là, mba Tshùaben Nsi o nsi tshùb kàn se bo kondèn z'a na' nsaṅlaṅ bwe tà tsho num o là me Israél.

Nebwôgte 7:9

Lèn kua' mebwô ndù Tshùaben Nsi o bèn mbe Nsi nenùn z'a be ngakondèn nà num ntshùb kàn se num zwiaṅ ntsha' mbùm, num ben tse bo be nkô i, mbèn nke nze nkàn mi là.

1 Tésalônikà 4:1

Fèt tshag, ndonni bag le'te zine, ntsiaṅ zin num lén Tshùaben Yésu: Me lo tswite zin mb'a bwô ndù bin zine, kà mbwô Nsi là, a ndaṅndaṅ mba bin tshwèt nzin nà, bin ghù ntshùate.