Yobkwi 103:12 - NTSHOB NSI

¹² Ndaṅndaṅ mba ntumnyam nèn ngùanesà num bag mbinyam nà, a be ntshag mi be mfànnu ngùanesà be ndaṅndaṅ.

Yobkwi 103:12 Iomraidhean Croise

2 Samuél 12:13

David tshob Natan ndù: Me ghù nukebwô num Tshùaben! Natan tshob David ndù: Tshùaben lagte nukebwô o, o ke nsi kwù.

Yobkwi 113:3

Neto' fe ngelaṅ nyam tum tà nkum ngelaṅ a bi là, lén Tshùaben be neghamte.

Yobkwi 50:1

Yobkwi. Se Asaf. Nsi neta, Nsi, Tshùaben tshob nu: A tsiaṅ njù, benntùn neto' fe bag ntumnyam nèn nkum bag mbinyam.

Esaya 38:17

Mba kua' nge' tse me yen nà bèn mbèn mfà yôg me. Ntù o bwô o bam nesô zwiag sàm ntùm gheme, dù' banban. Nummb'o ma' nukebwô tshàm njam mvèn o.

Esaya 43:25

A b'a me, a kua' me bèn nke mbwete nukebwô tsho, num nkôni lén sàm. Me ke nsi bèn kwimte nukebwô tsho.

Esaya 44:22

Bèn njam ntèl àm nummbe me tshu' o. Me nsi bwete nukebwô tsho ts'a be mba ṅam nà.

Esaya 45:6

ndùlala ndù bo lèn ntumnyam mba mbinyam ndù sàm ju ke' ghù nebe ke fe à me. Me b'a Tshùaben, ndù mo' ke' be mba me là.

Yérémia 31:34

Yen mèn ni ke nsi bèn tswite yen mèn nà, yen nà ke bèn ntswite mfèl i! Nummbe njoṅ yub fa nsi lèn àm, neto' num tse nke' tà nkum num tse ndùb, Tshùaben bèn ntshobe. Tshù, me nsi lagte mfànnu mube, ke bèn nekwimte nukebwô yub.

Yérémia 50:20

Num tshen lé'njù là, num yen ngelaṅ nà, bo nsi diag mfànnu Israél be ke yen, diag nukebwô Yuda, a be ke bèn mbe. Nummbe me nsi lagte tshé' i ze me nsi faṅ nà. Tshùaben bèn ntshobe.

Ezékia 18:22

Nsi a' lagte njoṅ mfànnu mi fa. A nsi tshùa njam nunetsin z'a be ngù là yôge.

Mika 7:18

Zit Nsi z'a fut'o à? Zit Nsi z'a be ndagte mfànnu, ke ke nte lag num nukebwô tshé' ntsi' mu à? A ke' be lé' yantù i matmat, nummb'a be ṅwate num kondèn.

Mika 7:19

A bwô ndù o bèn nko ndèn mage, ma' mfànnu mag nsi te ku o bwe. Ma' nukebwô tshag fa ntùm dibantse.

Héber 10:2

A lo mbe ndù a ku'ni, mba bo ke' tsin nefà tshule'te Nsi ké? A lo mbe ndù bo lànte tshen ghafa' fa' Nsi là, mb'a be nzentù yub bèn ntshob bo ndù bo ghù nukebwô ké?

1 Yohané 1:7

Là, a be ze bag à bin zin ntùm nka', mba tu wul i be ntùm nka' là, mba bag à bin tamte be be, lem Yésu Mén i lànte be num njoṅ nukebwô fa.