Yobkwi 102:25 - NTSHOB NSI

²⁵ Me tshob ndù: Nsi àm, kà sô àm netèt lé'njù tshàm! Ngu'njù tsho ke ntswe à matmat!

Yobkwi 102:25 Iomraidhean Croise

Neto'te 1:1

Neto'te, Nsi nabte kamànyam bo tsha'a.

Neto'te 2:1

Tshù mba Nsi miagte nenabte kamànyam, tsha'a, boa tshu ts'a mfe kamànyam nà.

Yobkwi 90:2

Ba mbat lo be be, o lo be nabte tsha' mba njù, ndù o yà be Nsi fe ngu'ngu'.

Yobkwi 92:9

Là tu wul o, o b'a Nsi z'a tà mfe tù là. O Tshùaben, o tswe matmat!

Yobkwi 96:5

Nummbe njoṅ tse nsi ba tum fa b'a neto. Là Tshùaben bèn nabte kamànyam.

Netume 20:11

Nummbe Tshùaben na' nabte kamànyam bo tsha'a, dibantse boa tshu ts'a ntùm bwe l'a num lé'njù ntôge; là mfite wul i num mbatte lé'njù sammbàa. A ndùlala, Tshùaben lo naṅ mbotni num lé'njù Sabbat, ndo' ngù lé'njù nze se yi.

Esaya 38:10

Me lo ke ntshob ndù: Ndùlala, a bwô me nène, ndùse lé'njù yôg sàm nsi tènte là. Bo nsi fùn àm njam nzendà ngô fe ben, num ngu'njù yôg ts'a tù' me là.

Yérémia 32:17

Ah! Tshùaben Nsi, a b'a wù bèn nabte kamànyam bo tsha'a, ntshùa à njam ngù' o ze ndùb bo bu o z'o nyit là. Mo' nu netshàm ke tse num yu bag i.