Yobkwi 102:18 - NTSHOB NSI

¹⁸ A nsi kaṅ wul i ju' le'te ben tse bo ghua' yub là, ke bèn newag le'te yub.

Yobkwi 102:18 Iomraidhean Croise

Yobkwi 48:13

Bin lam ntùm Sion mbume, bin lam njoṅ dù' fa mbume, nsiaṅte njoṅ ndà nebéb ngô tse fa.

Yobkwi 69:34

Nummbe Tshùaben be nju' nze bwoṅbwoṅ, ke be wag bu' tse.

Yobkwi 71:18

O Nsi, kà ghua' àm! Mba ngelaṅ me nsi ywèn kom fôg là, ndùlala ndù me soṅ neta o yen zwiaṅ benntùn ni, nsoṅ ngù' o zwiaṅ benntùn z'a nsi se' là.

Netume 17:14

Tshùaben tshob Mosé ndù: Kite yen nu là ntùm ta' ṅwa'ni neke nkwimte, ntshob Yoshua ndù me nsi biagte Amalék, bwete lén se tun bam kamànyam.

Esaya 43:21

Nzwit ze me na' nabte là nsi soṅ nkuni màm.

Esaya 43:7

Me tshob à ben tse bo be ntsiaṅ yub lén sàm nà, ben tse me na' nabte yub num nkuni màm, mbom yube, ntsiagte yub là.

Daniel 9:2

a be mbwe ngu' mb'a be num fen nà, tu wul àm Daniel, me nke nsiaṅe, nke ntswe' ntun num Ṅwa'ni Nsi, njen ndù Yérusalém z'a vù là nsi tswe ngu'njù ṅam sammbàa, ndaṅndaṅ mba Tshùaben tshùa num ntshu ngatshob ntshob Nsi i Yérémia ntshob là.

Yohané 20:31

là bo na' nkite tshen tshu li à ndù bin bam ndù Yésu b'a Kristô, Mén Nsi, mba ndù bin be bam i, ngù yôg num lén se.

Roma 15:4

Nummbe njoṅ i fa tse bo kite tà fe mbwe là, bo na' nkit'a num netswite be, ndùlala ndù be ghù nenywinte njam nefènte mba njam nefite ntù z'a fe ṅwa'ni Nsi là.

1 Korintô 10:11

Tshen nu li fa lo se' num bo mba mfi' là; bo kite njoṅ i fa ndù a tagte be tse be b'a netèt miagte njù là.

Efésô 2:10

nummbe bag à bin b'a ju ze Nsi nabte là, ndù a lo nabte be à num Kristô Yésu num mfa' mebwô mi a nabte tà fe mbwe, ndù bag à bin ke nzin ntùm bwe là.

2 Pétro 1:15

Me nsi ke kagtùn ndù bin ke nkwimte tshen tshu là njoṅ ndù fa mba me nsi nèn nà.