Yobkwi 102:15 - NTSHOB NSI

¹⁵ Nummbe ghafa' tsho be nkô ndoṅ mi, nke nko ndèn mbab mi.

Yobkwi 102:15 Iomraidhean Croise

1 Fenfen 8:43

mb'a bwô ndù o tsin mfe kamànyam, ntùm dù'ntswe o, mfà ju ze yen ngùn nà nsi lon wù là yi. A nsi tshùa ndùlala njoṅ nzwit benntùn fa nsitsha' lèn lén so, nke mbwôg i, ndaṅndaṅ mba yu nzwit mèn Israél là. Bo nsi lèn ndù bo be ntsiaṅ lén so mum yen ba' li ze me kut là.

Néhémi 1:4

Ndùse me ju' tshen tshu li là, me tam tun àm nsi, ndàne, ntswe lé'njù yàm ntùm nenywine. Me tswe nziku'u, ntsin mbwe Nsi z'a ghù kamànyam nà nde't'é,

Néhémi 2:17

Ndùlala me tshob bo ndù: Bin yen dù' ze bag bin be à! Bo sate Yérusalém, nton nzendà tse. Bin se' bag bin bèn nkut kàbngô Yérusalém ndù kà tuswe bèn neko be.

Néhémi 2:3

me bùnte mfen ndù: mfen tswe matmat! M'a' be ke nyamte se àm à ndùke ndùse tusô se ntufi tà tshàm be bwe sate, nzendà tse bèn nkù mbwôg fa l'à?

Yobkwi 138:4

Tshùaben, fenfen nsitsha' nsi ghamt'o ngelaṅ bo ju' ntshob mi a tum ntshu o là;

Yobkwi 72:11

Njoṅ fenfen fa nsi vù nsi mbwe i. Njoṅ ngôngô fa nsi fa' yi.

Yobkwi 86:9

Njoṅ ngôngô fa ts'o na' nabte là nsi se'e; vù nsi mbwe o me Tshùaben. Bo nsi fà ghamte num lén so.

Esaya 55:5

Yen mb'o nsi tsiaṅ ngôngô ts'o ke' lèn yub là; ngôngô tse bo ke' lèn o là nsi kù nde se' mbaṅ o, mbe ndùlal'a num Tshùaben Nsi o, num Mèn Nelàn Israél z'a tshwèt nyàmt'o là.

Apokalipse 11:15

Mbatte Angél sammbàa tô nta: Ba nze ndùbndùb tshob mfe kamànyam ndù: Nufen njù tù' se Tshùaben be mba Kristô i, a nsi be mfen num ngu'ngu'.

Apokalipse 21:24

Ngôngô nsi zin ntùm nka' i, fenfen nsitsha' se' mfà nkuni mub yi.