Yobkwi 102:14 - NTSHOB NSI

¹⁴ O nsi lo nsi, o nsi ko ndèn Sion, nummb'a b'a ngelaṅ neko ndèn mi, ngelaṅ ze bo na' njab là ku'u.

Yobkwi 102:14 Iomraidhean Croise

Esdra 1:5

Fenfen tunndà Yuda boa tse Benjamin, ghale'te boa ben Lévi, njoṅ tshen ben nà fa tse Nsi kamte ywèt tshob là lo nsi num nenèn nkut ba' Tshùaben Yérusalém.

Esdra 7:27

Esdra tshob ndù: Ghamte be Tshùaben Nsi tà tshage. A ghù ntù mfen bwô, a ghamte Ndà Tshùaben z'a be Yérusalém nà.

Néhémi 1:3

Bo bùnte me ndù: Ben tse bo fe ndà kuan nà b'a ntùm ta' taṅ ngô, ntùm nge' ndùb mba ntùm tuswe; kàbngô ts'a Yérusalém nà vùte nsi fa, bo bèn nton nzendà tse fa.

Néhémi 2:17

Ndùlala me tshob bo ndù: Bin yen dù' ze bag bin be à! Bo sate Yérusalém, nton nzendà tse. Bin se' bag bin bèn nkut kàbngô Yérusalém ndù kà tuswe bèn neko be.

Néhémi 2:3

me bùnte mfen ndù: mfen tswe matmat! M'a' be ke nyamte se àm à ndùke ndùse tusô se ntufi tà tshàm be bwe sate, nzendà tse bèn nkù mbwôg fa l'à?

Néhémi 4:10

Mba tà ndùlala, Yuda nke ntshob ndù: Neta ke' be ben tse bo ket lèt là, fam z'a nsi là ke' kua' yàm yàme; be be ke ku'ni nekut kàbngô.

Néhémi 4:2

A tshabte ba Yuda, ntshob mbwe fèt tse boa soyé, Samaria ndù: tshen fenyu' ba Yuda li ke mfa' à ke? Bo a' faṅ bo nke mfa' ké? Bo kwate mb'a' tshùa njam tshule'te kà bo nzin nkum ké? Bo nsi sô ndoṅ ntùn mi mbwôg kù i là bam men mfèt mbab li ké?

Néhémi 4:6

Bag bèn nkut kàbngô, nkut t'a ntù' à nemiagte, nesag nèn tù b'a nda' kam i num mb'a lo mbwô ndù a nèn yi tù là. Ngô fa' sen fa' l'a kua' ntùm ntù ntshù'.

Yobkwi 119:126

Tshùaben, a ngelaṅ nelo nsi li. Bo tshwèt mfàn ntshù' o.

Yobkwi 79:1

Yobkwi Asaf. O Nsi! Ba tum lo' ntsi' mu. Bo bagte ndà o ze nelàne. Bo lo' Yérusalém ngù fèt ndoṅ yi.

Esaya 14:1

Nummbe Tshùaben nsi ko ndèn Yakob. A nsi bèn tsho' Israél. A nsi bèn te yub ntùm ngô yube; Ba ghùn nsi tsho num bo, boa bo tamte num tunndà Yakob.

Esaya 40:2

Bin lo' nku'ni ntshob nu yi Yérusalém, nkua' neta ntshob yi ndù ze ngelaṅ sobni mi mba di, bin tshob yi mbe mfànnu mi mi mba di! Bin tshob yi ndù a lo kwé nevù ntsha mum mbu Tshùaben yoṅ tse bàa, mbe ndùlal'a num nukebwô tse.

Esaya 51:3

A ndùlala, Tshùaben nsi fite ntù Sion, a nsi fite ntù i mum dù' tse ts'a tù' fam nà. A nsi lo' ze kônkwa kaṅ ta' Edèn yi, lo' fam i ghù ta' nka' Tshùaben yi. Bo nsi ju' tshu'te tsiaṅte bo ṅwate netèl i, ju' nkwi nyàmte boa nkwi mi a tum ntùm njobnkwi là.

Yérémia 29:10

Tshù mba me Tshùaben tshob li: Ndùse ngu'njù ṅam sammbàa nsi ku' num ze tu Babilon nà, me nsi se' lôte zine, zwiagte nka'ni mebwô mi me na' ngù bin, ndù me nsi lo' zin bèn yi nsen ni là.

Yérémia 30:18

Tshù mba Tshùaben tshob li: Me nsi lo' kuan tse bo ntùm ntàb Yakob là bèn yi njam. Me ghù kondèn num tse dù'ntswe. Bo nsi bèn kut tusô num tse fam. Bo nsi bèn kut ntshwèl à kua' mb'a na' mbe mbwe là.

Daniel 9:16

Tshùaben, tshùa njam kondèn o ze ndùb, nsô yantù o bo tshùagntù o mum ngô Yérusalém, mba num mbal o ze nelàne. Nummb'a tshùa njam nukebwô mba mfànnu tà tshag Yérusalém bo yu nzwit mèn tù' ju tuswe num miag ben tse bo diaṅ yag mbum nà.

ṄWA'NI RUT 1:6

Ndùlala a lo nsi boa zwi bon tse ntum ntùm ngô Moab, nummb'a lo tswe Moab nju' ndù Tshùaben lo nèn ndôte nzwit yub, mfà jujù bo.