Yobkwi 101:8 - NTSHOB NSI

⁸ Me nsi ke biagte ben kebwô mum ngô njoṅ nkebnjù fa. Ndùlala ndù me miagte ben tse bo be ngù nukebwô là mum ngô Tshùaben.

Yobkwi 101:8 Iomraidhean Croise

Yobkwi 46:4

Mba ngelaṅ fet dibantse tshwèt ntshu'u, nke nkag nswe mi, k'a nke nko' tà nèn nke ngù ba mbat nke mvètte là.

Yobkwi 48:2

Tshùaben b'a mèn ndùb, a nku'ni ndù bo fà ghamte yi; ntùm ngô Nsi yag. Mbal i ze nelàn,

Yobkwi 48:8

Nevètte lo tshùb yub bwe mba fetmbaṅ z'a be mfe bag ntumnyam mbe'te nsitima mi a fe Tarsis là.

Yobkwi 75:10

Me nsi soṅ tshen tshu là njoṅ ndù fa; me nsi yob kwi ghù nku'ni yi Nsi Yakob.

Yobkwi 92:10

O Tshùaben, tshù ghakeban tsho, tshù ghakeban tsho li bo tshwèt mbite là. Njoṅ benntùn fa tse bo be ngù nukebwô là, bo sate yube.

Tànkùt 16:12

Nukebwô be mbag fenfen neshu nummbe nunetsin bèn nke ngù kà diaṅkwa ngum nsi.

Tànkùt 20:26

Nzenu mfen num nké'te ghatshùagntù ngù nku masin tshùa num bo.

Tànkùt 20:8

Mfen be ntswe num diaṅkwa nunetsine; ndo' nda' miag mi mbiag nukebwô yi.

Yérémia 21:12

Tunndà David, tshù ju ze Tshùaben tshob li: Bin ghù nunetsin fe nkebnjù, nkwé mèn ze bo tshwèt mfétt'é là bu ngafétt'é. Yen nà b'a netshètte ndù kà yantù kam, ntù' ta' nka' ze mèn ke' ku'ni nebiagte là. A be ndùlal'a num nu tshùagntù zin ntùm nzin mine.

ṄWA'NI OSÉ 9:3

Bo ke nsi bèn tswe ntùm ngô Tshùaben. Efraim nsi bèn njam mà Egipto; bo nsi jù jujù ts'a sagte là Asiria.

Mika 3:9

Fenfen tunndà mba bon mfen kamkam tunndà Israél, bin ju' yen nu li: Nunetsin be mbag zine, bin be ṅu'te nu ndaṅndaṅ.

Apokalipse 21:27

Sàm ju nesagte, sàm ngaghù nu ṅu' mba sàm ngatatte ke nsi tsho bwe, nda' ben tse bo kite yub ntùm ṅwa'ni yôg mén njùmbwe là nsi bèn tsho bwe.