Yobkwi 101:3 - NTSHOB NSI

³ Me ke nsi yab sàm ju kebwô mbwe miag màm. Me be mban nzin ben kebwô. Be nzin mub ke zi ndat num àm.

Yobkwi 101:3 Iomraidhean Croise

ṄWA'NI YOB 31:1

Me lo wat kàn bag miag màm, mbe ndù be me ke lôte ménngon bo ke' yoṅ ntabt'é là miag mbàa.

Yobkwi 119:113

Me be mban ben tse bo be mbe ghù nu nke'te là, nke nkô ntshù' o.

Yobkwi 119:37

Tsho' miag màm num tshu banban, ngù me ke njôg num yu manze.

Yobkwi 125:5

Là, a bwô Tshùaben yoṅ ben tse bo tam num manze ts'a lamte là boa ben tse bo be ngù nukebwô là. A bwô ndù fite be num Israél.

Yobkwi 139:22

Nkembàn ze me ghù num bo là b'a ze ndùb, bo b'a ghakeban mbwe àm.

Yobkwi 14:3

Njoṅ yub fa fàn manze, bo ke' bèn njwimte sàm ju. Ngaghù numebwô ke bwe, mba nda' ta' i ntshù'.

Yobkwi 36:3

Nummb'a be mbatte wul i ze tu, ndù a zwiagte nukebwô i ngakeban i.

Yobkwi 39:1

Ntshagte yobkwi. Se bo yob Yédutun nà. Yobkwi David.

Yobkwi 40:4

A lo yab mo' yobkwi nswe ntshu àm, ghamte be Nsi yag. Ben yàm nsi yen i, bwôg tshùb njoṅ yub fa. Njoṅ yub fa nsi yab ntù num Tshùaben.

Yobkwi 41:9

Nke ntshob ndù: A ṅab i kua' kebwô. Tshù i là, a nô nsi là, a ke nsi bèn lo.

Yobkwi 78:41

Bo ke tsin nelaṅte Nsi. Mba neke nkamte Israél Nsi Israél z'a be Nelàn nà.

Yobkwi 78:57

Bo nèn ngùanesà mbaṅ i, ngù be mba tà tshob là, ke be ben nenùne. Bo kaṅ mba ngoṅkét fùte là.

Yobkwi 97:10

Ben tse bo be nkô Tshùaben nà be mban nukebwô. A be mbéb ntù ben tse tse nelàne, nke ntshu' yub bu ghatshùagntù.

Netume 20:17

Kà ghù miag lànghe' num tunndà mfèl o, ke ghù miag ghe'te num nzwi i, ke num ngafa' i ze mandum, ke ze mènnzwi, ke nyàmna' i ke kekwèn i lo, ke ghù miag lànghe' mba num ke lo z'a b'a ze mfèl o là.

Netume 32:8

Bo nànte nkag manze ze me na' ntswite bo là. Bo nabte mfô tùne, ngwù nsi mbwe i, mfà tshule'te yi nke ntshob ndù: Israél, tshù nsi o z'a sô o mà Egipto li.

Tànkùt 6:12

Mèn z'a be nzin bo fùte ntshu i là b'a ju banban, mbe ngafànnu.

Tànkùt 6:13

A be nyu' miag, nke ndo' ku i ntshob nu yi, ndo' ntu mbu mi ntshob nu yi.

Tànkùt 6:25

Kà te lag ghe'te num i, num bwô i, kà bam ndù nkub miag mi lo' ntù o.

Tànkùt 8:13

Nebwôg Tshùaben b'a ngakeban nukebwô. Ka'te bo ko'tewut b'a manze nukebwô, ntshu kebwô b'a tshu tse me num mbàn i neshu là.

Nzenu 6:9

A bwô neyen miag ntshùa netsho nkuan ghe'te, nummbe mba tshen nà fa b'a banban, mbèn mb'a neta' mfùag.

Esaya 30:11

Bin lo manze, bin tsho' wut tsin num ntshagnze, bin yi wut tsin num miag Mèn Nelàn Israél!

Esaya 33:15

Mèn z'a be nzin à ntùm nunetsine, nu ndaṅndaṅ, nke ngwag bin lamte, ke be kwé nda' fùte, nke mem ntoṅ mi ndù k'a ju' nkwate nefètte lem, nke mem miag mi ndù k'a yen nukebwô là,

Yérémia 22:17

Là, o ghù miag bo ntù à nda' nelo' nzwiagte ghe't'o yi, mfètte lem mbu' yi, nelo' mfétte yi bo nelo' mfètte lem yi.

Mika 2:2

Bo be nge'te nà, ndo' njoṅ i fa, nge'te mba' nkab mbu bwe, bo be mfètte lem ta' mèn mba tunndà i nsi, bo be nge'te ta' mèn mba ntsi' mi.

Sakaria 8:17

Kà sàm mèn kwate kebwô num mfèl i mum ntù i; kà bin kô nekàn mfe tatte, nummbe me be mbàn njoṅ tshen tshu là fafa, Tshùaben bèn ntshobe.

Matio 5:28

Là, tu wul àm, me tshob bin ndù: Mèn z'a lôte mènnzwi, nge't'é là, mb'a ghù màndà bo yi ntùm ntù i.

Roma 12:9

Kà nkùnkù be ntùm nkôni. Bin bémte nukebwô, ndat num numebwô.

Galatia 4:9

Là ndonni ze bin lèn Nsi là, a bwô netshob à ndù, bin tse Nsi lèn zin nà, bin ghù nebèn mbèn njam tshen tshu nebot mba tse nebwoṅ nà, nebèn mfa' bo à ndùke?

Nebwôgte 13:17

O nsi kùmte ntsha' fa netèt ngô ton tusô fafa boa ntsha' ntsho num miag Tshùaben Nsi o. Sen tusô là nsi tù' z'a ta' fèt se ndùlala, mèn be ke bèn nkul i.

Nebwôgte 15:9

Zete ndù kà men nkwate kebwô li se' ntù o, o tshob ndù: Ngu'njù nefaṅ njo ghebte! Zete nebe ke ko ndèn mfèl o z'a be mbwoṅ nà, nga ju yi. A be z'a kua' ntsiaṅ Tshùaben nà, mba kebwô nsi tsho o num bwe.

Héber 10:39

Là, mba be là, be ke' b'a ghatum ntsin njam num nebi, là be b'a ghabamntù num nekwé yôg.

Yoshua 23:6

A bwô ndù bin yab ntù zin neke nze mba ke lo ze bo kite ntùm ṅwa'ni ntshù' Mosé là, ke faṅ nze nèn bu zwim ke bu kwéb lo.

2 Pétro 2:21

A lo bwô bo ndù kà bo lèn manze nunetsine, ntshùa nelène, mbèn ntam ntshù' nelàn ze bo fà bo là mvèn yub.

1 Yohané 2:19

Bo tum à netèt be, là bo lo ke b'a tse be ben, nummbe bo na' mb'a tse be ben mba bo lo ghô bag à bin bo; là bo tum ndù be lèn ndù sàm mèn netèt bo ke b'a ze be mèn.

1 Samuél 15:11

Me fém mba me na' nte Saulo num fen nà, nummb'a num nsô wut num àm, ke be ze ju ze me tshob yi là. Nu tse bag Samuél, a ma' mbu Tshùaben njoṅ yen tèttswe' là fa.