Yobkwi 101:2 - NTSHOB NSI

² Me nsi zete num manze ndaṅndaṅ. O nsi se' m'à ndùke? Me nsi zin ntùm nenùn ntù àm, ntùm ndà àm.

Yobkwi 101:2 Iomraidhean Croise

Neto'te 18:19

Nummbe me lo tsho' i, ndù a tshob bon tse tse bandum boa njoṅ tunndà i fa ndù bo tù' nke nzin num manz'àm, nke ngù nunetsin bo ze ndaṅndaṅ. A nsi tshùa ndùlala ju ze me Tshùaben na' mbù Abraham nà bumte.

2 Samuél 8:15

David tô Israél, ngù nu ndaṅndaṅ bo nunetsin njoṅ ze ngô fa.

1 Fenfen 11:4

Ngelaṅ ze Salomon ywèn nà, zwi tse kaṅ ntù i nso num tsemo' nsi ghua; ntù i ke bèn mbe num Tshùaben Nsi i fafa, mba ntù tàab David na' mbe num Nsi là.

1 Fenfen 9:4

Tu wul o, a be z'o ke nzin mbwe àm à mba tàan David na' nke nzine, ntùm nenùne, bo ntù ndaṅndaṅ, nke ngù ju ze me tshob là, a be z'o ze ntshù' màm bo ntag màm nà,

2 Kronika 15:17

Là, ba mbwe' ke mi Israél fa, mba mba Asa yab ntù i fa num Nsi njoṅ ngelaṅ fa z'a ke njôg là.

2 Kronika 30:12

Bu Nsi lo nsi, ba Yuda, mfà be ntù ntshù', ngù bo zwiagte ntshob mi mfen boa fenfen tse tshobe, mb'a be ntùm ntshob Tshùaben nà.

Yobkwi 101:6

Me nsi te miag num ben nenùn tse bo ntùm ngô là. Ndù bo tswe mbaṅ àm. Mèn z'a zin num manze nenùn nà nsi be yàm ngafa'.

Yobkwi 119:106

Me lo ghù nka'ni nke' mbu' bwe, a nsi ghô be ndùlala. Yen nà b'a ndù me nsi ze ntshù' mu mi netsine.

Yobkwi 119:115

Ghatshùagntù nèn ngùanesà mbaṅ àm, ndù me ze nkàn Nsi àm.

Yobkwi 26:11

Tu wul àm, me ke nzin ntùm nzin mebwô. Tshu' àm, mbèn nko ndèn màm!

Yobkwi 40:17

A bwô ndù njoṅ benntùn fa tse bo be ndiag o là be ntùm ṅwate, mbèn nke ntsiaṅte num o! A bwô ndù ben tse bo be nkô so yôg là ke ntshob ke tsin ndù: Ghamte be Tshùaben!

Netume 20:24

Bin nsi bom ta' tômbwôg tsha' me, ke ton tsin nyàm boa tsin tshule'te num nu fite bwe; bin nsi ton zin nyàm nke' ke ze ndùb lo bwe. Mba yà lo ze me nsi kwimte lén sàm bwe là, me nsi se' yab kàn ntù bin.

Esaya 38:3

Tshùaben, a bwô o lène, nkwimte ndù me lo zin mbwe o ntùm nenùne, mba ntùm nefà wut nsi ntùm ntù, mba ndù me lo ghù numebwô num miag mu! Ezékia fètte ntsenyà yàme.

Nebwôgte 6:7

O nsi zi'te bon tsho yi, ke tshob nu bwe ndùs'o be ntùm ndà o là, ndùs'o tshwèt nkatte là, ndùs'o nô nsi là mba ndùs'o lo tù là.

Yoshua 24:15

Là, sènni a bwô bin tsho' mèn ze bin kô neke mfa' yi là, a be ze neke mfa' Tshùaben bag zin nà: K'a b'a nsi tse tà tsin ke mfa' bo yoṅ ta'ntse, k'a b'a nsi ba Amor tse bin tshwèt ntswe ntùm ngô yub lo. Bin yôg ndèn ndù me bag tunndà àm nsi ke fa' yag à Tshùaben.

1 Samuél 22:14

Akimélék bùnte mfen ndù: Be bo lo' zit mèn netèt ghafa' tsho fa a fute David ntùm nenùn à? A b'a ntse mfen, nke nju' ntshob mi kua' mebwô; dù' i b'a ze neghamte ntùm ndà o.