Yobkwi 100:3 - NTSHOB NSI

³ Bin lèn ndù Tshùaben b'a Nsi. A b'a yi na' nabte be, be b'a ben tse. Be b'a ze nzwit mèn, bwoṅ nyàm ntùm se kin.

Yobkwi 100:3 Iomraidhean Croise

2 Fenfen 19:19

Tshùaben Nsi yag, tshu' yag mum mbu Senakérib ndonni, njoṅ nufen fa num nsitsha' lèn ndù o bèn mbe nkwi Nsi ntshù', mb'a wù Tshùaben.

1 Kronika 16:14

Tshùaben b'a Nsi be, tse netsho'te ntsha fa be ntôg num njoṅ nsitsha' fa.

ṄWA'NI YOB 10:3

A tù' bwô o ndonni à neghùtni, nema'ni fa' se mbu mu fa' là ké? Ndù o nsi tù' ké' yu nelàn à num ntàmtenu ghatshùagntù ké?

Yobkwi 119:73

Mbu mu lo nabt'àm, a lo bomt'àm; fà zenu me, ndù me zi'te nkàn mu.

Yobkwi 12:4

A bwô ndù Tshùaben biagte nkub ntshu mi a be ntatte là, mba lém s'a be mfùag wut netshob ka'te là.

Yobkwi 149:2

A bwô ndù Israél ke ntsiaṅte num Mbom i, bon Sion ke ṅwate num mfen yub.

Yobkwi 46:10

A ghù ntsho tsin tà nèn nkum num ntôgnjù. A be' ngoṅkét, mbe' kô. A ton nkalig ntsho ntùm mbwôge.

Yobkwi 78:52

A lo ghù ben tse nèn mba njùmbwe là. A lo tshagte yub mba bwoṅ nyàm nà num kônkwa.

Yobkwi 79:13

Mbe se' mba yu nzwit mèn nà, bwoṅ nyàm z'a ntùm so kin nà, bag nsi ke ghamt'o matmat. Bag nsi soṅ nkuni mu ngu'ngu'.

Yobkwi 95:3

Nummbe Tshùaben b'a Nsi ndùb, a b'a mfen ndùb num njoṅ nsi fa.

Netume 6:7

Me nsi lo' zin ghù yàm nzwit mèn yi, be zin Nsi, a tshùa ndùlala bin lèn ndù a b'a me Tshùaben. Nsi zin bèn ntshu' zin num mfa' mi ba Egipto tshwèt ma'ni zin bwe là.

Nzenu 12:1

Ke nkwimte Mbom o ngelaṅ z'o ke' nguanmèn nà, kà ntswe'njù kebwô mba ngu'njù kebwô z'o nsi tshob bwe mbe: “Me ke' bèn ngù sàm tsiaṅte bwe,” là ku'u.

Esaya 63:11

Ndùlala ze nzwit mèn kwimte mi njwèn lé'njù Mosé, nke ntshob ndù: Mèn z'a lo' yub nko' yi mà dibantse, bo ngabéb ze bwoṅ nyàm nà yà? Mèn z'a na' nke njab ywèt tse tse nelàn netèt bo là yà?

Esaya 63:19

A tswe neshu mb'o ke tshwèt mbèn mbèn ntô yag là. Bo tshwèt mbèn ndo' a lén so ntsiaṅ yag yi. A lo mbe be ndù o fagte kamànyam, a lo mbe be ndù o swe' nse'e, mb'a be ba mbat nyi'te mbwe o.

Esaya 64:7

Tshùaben, mba tà ndùlala o b'a tà yag; bag b'a tsha' ts'o bèn mbe ngate là. A b'a mbu mu bèn mbomte yage.

Yérémia 10:10

Là, Tshùaben b'a Nsi kua' nenùne. A b'a Nsi z'a tswe ntùn nà, mbe mfen z'a tswe matmat là. Yantù i be ngù tsha' nyi'te. Ngôngô ke' be fènte tshùagntù i.

Ezékia 34:11

Tshù ju ze Tshùaben Nsi tshob li: Tu wul àm nsi kwé bwoṅ mbwe, ke tsha' yub yàm tu.

Yohané 17:3

Là yen ni b'a yôg matmat ndù bo lèn o, wù z'o be nda' ta' Nsi ntshù' ze nenùn nà, mba mèn z'o tum i là, Yésu Kristô.

2 Korintô 4:6

Nummbe Nsi z'a tshob ndù: Nka' ké' ntùm njam nà, lo ké' ntùm ntù tshage, ndù nelèn nkuni Nsi z'a be num se Kristô là tswite wul i.

Efésô 2:10

nummbe bag à bin b'a ju ze Nsi nabte là, ndù a lo nabte be à num Kristô Yésu num mfa' mebwô mi a nabte tà fe mbwe, ndù bag à bin ke nzin ntùm bwe là.

Nebwôgte 32:15

Israél tshote nto' tatu; o tshote, ngu'u, ndunte! A ghua' Nsi z'a be mbom i là, a wag gholoṅ se yôg be mfe yi bwe là.

Nebwôgte 32:6

Bin ke ndo' à Tshùaben mba mfànnu là ké? Nzwit mèn z'a ke' ghù siaṅte ke ghù zenu? A ke b'a tàan, mbe mbom o ké? A ke yi bèn nabt'o mbèn ntswe'te ntù o ké?

Nebwôgte 4:35

Wù Israél, bo lo lo' o ngù nkwénta tshen tshu là yi, ndùlala ndù o lèn mbe Tshùaben b'a Nsi, ndù mo' ke' bèn mbe bwe.

Nebwôgte 4:39

Ndùlala lèn sènni mbèn ntshùb ntù o ndù Tshùaben b'a Nsi mfe kamànyam mba num nsitsha'a, ndù mo' ke' bèn mbe bwe.

Nebwôgte 7:9

Lèn kua' mebwô ndù Tshùaben Nsi o bèn mbe Nsi nenùn z'a be ngakondèn nà num ntshùb kàn se num zwiaṅ ntsha' mbùm, num ben tse bo be nkô i, mbèn nke nze nkàn mi là.

1 Pétro 2:25

Nummbe bin lo be mba njùmbwe tse bo fàn manze là, là ndonni bin bèn njam mbaṅ ngabéb mbwe mba ngalôte ntù tsine.

1 Pétro 2:9

Là bin b'a nzwit ze Nsi tsho' là, ntshufa' le'te Nsi mfen, ngô nelàne, nzwit ben tse Nsi tse'te là, ndù bin tshob mfa' mebwô mèn z'a tsiaṅ zin ntùm njame, num nka'ni i ze neghamte là.

1 Pétro 4:19

Ndùlala, a bwô ndù ben tse bo tshwèt njen nge' mba Nsi kô là fà ntù tshob Mbom mèn ze nenùne, ntùm neghù numebwô.

1 Yohané 5:20

Là bag à bin lèn ndù Mén Nsi se'e, a fà zenu be ndù be lèn mèn nenùne; bag à bin b'a num mèn nenùne, num Mén i Yésu Kristô, a yi bèn mbe Nsi nenùne, mba yôg matmat.