Yobkwi 100:2 - NTSHOB NSI

² Bin fa' Tshùaben mum tsiaṅte. Bin se' mbwe i à mum ṅwate.

Yobkwi 100:2 Iomraidhean Croise

1 Fenfen 8:66

A lé'te benntùn num mbatte lé'njù fome. Bo be nèn ntùm ndà tshob nke nyàmte mfen, ntù tshob nke ntsiaṅte num njoṅ mebwô fa ze Tshùaben na' ngù num ngafa' i David bo Israél ze nzwit mèn nà.

2 Kronika 29:30

Yen nà be tôg mfen Ezékia boa fenfen tshob ben Lévi ndù bo lo' ntshob David bo ngatshob ntshob Nsi Asaf ngamte Tshùaben yi; bo ghamt'é ntùm ntù tsiaṅte, mben wut tshob nsi, ngwù nsi.

2 Kronika 31:2

Ezékia bèn nte ghafà tshule'te boa ben Lévi ndaṅ ndaṅe, mba bo be ngabte yub là, mba we lo num mi mfa', ghafà tshule'te boa ben Lévi num neke nton ba nyàm, num tshule'te tse nenyàmte, num fa', num nkwi boa neke ngamte num nzendà ts'a tshwèt ntsho mbàn Tshùaben nà.

Yobkwi 42:4

Ntsenyà màm b'a yàm jujù; mbwôgtshù mba tèttswe'. Ngelaṅ bo be ntshob me njoṅ ndù fa ndù: Nsi o b'a yà là.

Yobkwi 71:23

Me nsi be ghamt'o ghù tsiaṅte num nkub ntshu màm, tsiaṅte be ntùm ntù àm z'o na' ntshu' i là.

Yobkwi 95:2

Bag bin nèn mbwe i ntùm ghamte. Bag bin fà nze njobkwi be tù ndo' nku'ni i yi.

Nebwôgte 12:12

A bwe là ze bin nsi tsiaṅte mbwe Tshùaben Nsi zin, bin, tsin nshum mba tsin ngon, ghafa' tsin tse bandum mba tse bènnzwi, mba mén Lévi z'a be la' bin nà; nummbe bin à bo ke bèn ngù ju ke ntsi' lo.

Nebwôgte 16:11

O nsi tsiaṅte ntùm dù' ze Tshùaben Nsi o tsho' nete lén se bwe là, mbwe tu wul i, wù bin nshum o, ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.

Nebwôgte 16:14

A bwô ndù o tsiaṅte num sen jùa li, wù bin nshum o mba ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.

Nebwôgte 28:47

Mb'o na' mbe ke fa' Tshùaben Nsi o ntùm mfu' mi o be netèt bwe, ntùm tsiaṅte bo ntù mebwô là,

Filipi 4:4

Bin tsiaṅte num Tshùaben njoṅ ngelaṅ fa, me tshob bin mo' yoṅ i ndù bin tsiaṅte!