Yobkwi 10:9 - NTSHOB NSI

⁹ A tshwèt nya' dù' z'a lem nà, ndaṅndaṅ mba ngwayit ntùm ntô i là. A tshwèt nya' ngayennge'. A be ngom i, nsoṅ i, ma' i ntùm nkù i.

Yobkwi 10:9 Iomraidhean Croise

ṄWA'NI YOB 38:40

ndùse bo nô ntùm ntô tshobe, ndùse bo kab ntùm ngab yub nke nya' ju là ké?

Yobkwi 109:31

Nummb'a be ntsin num bag bu ngayennge' ze zwim, num neyôg ntù i bu tse ghatsho'te ntsha.

Yobkwi 12:5

Ben tse bo num ntshob ndù: Bag ke ndo' à lém sag nta yi, bag ghù nkub ntshu mage. We z'a nsi be ngatswite yag à?

Yobkwi 140:5

Tshùaben, béb àm mum mbu tshùagkèt mèn, tshètt'àm num ngafètte lem, ben tse bo be nkwate neghù me tiag là,

Yobkwi 17:12

Mba ngwayit ze nziku' ya i, a nke ndiag ju nefèt là, mba mén ngwayit z'a tshwèt nya' ju ntùm dù'ntswe i là.

Yobkwi 35:10

Njoṅ nkam wut màm fa nsi tshob ndù: Tshùaben! We z'a ku'ni netshu' ngayennge' mba mbwoṅ, mbu mèn z'a tshwèt mfétt'é mba wù à?

Yobkwi 37:14

Ghatshùagntù be tsho' ṅwi, ndù' ngoṅkét yub, neghù ndù ngayennge' mba mbwoṅ vù, mba nezwi ben tse manze yub tsin nà.

Yobkwi 59:3

Tshu' àm mbu ghatshùagntù, njôg àm mbwe gha mbu lem!

Tànkùt 14:31

Nefétte mbwoṅ b'a netute mèn z'a nabt'é là, là, o ko ndèn njennge' mb'o so nku'ni yi.

Tànkùt 22:16

Mèn ke mfétte mbwoṅ mb'a ke mfà à fen yi; mèn ke mfà ngankàb mb'a ke nekôg i.

Tànkùt 28:15

Ngatshùagntù z'a be ntô ta' ngô bwoṅ nà, b'a mba ta' ngwayit z'a tshwèt ntshu' là, mb'a mba mbù tshwèt ze nziku' ya i là.

Esaya 3:15

Tshùaben Nsi tàndà ntsho tshob ndù: Bin ke njé't'a yà kà nke nyiaṅte yàm nzwit mèn nku, kà nke nyiaṅte se njennge' à?

Esaya 32:7

Ngafùte ghù a tshuntshùag ts'a num mbatte mèn nà. A be njo'te mi ntàmtenu, num netshùa njam ntshob tatte nsoṅ ghayennge'. A be ngù ndùlala mba ndùse ze nu mbwoṅ tsin nà.

Yérémia 5:26

Nummbe ghatshùagntù num netèt yàm nzwit mèn. Bo nya' à mba ngaghom saṅ z'a tshwèt mbùn nkù là. Bo num mbùn ba nkù, nke ngom benntùn ntùm bwe.

Nsindàvù 3:10

A na' mbe m'a mba mbù tshwèt mba ngwayit z'a be ntùm dù' nelemte là.

Ezékia 22:29

Ba ntùm ngô te njam nefètte lem, nke nj'é, nke ngùtni njennge' bo mbwoṅ, nke ma'ni ngùn ke kwimte ntshù'; bo ke ngù ndùlal'a ke ntun mi.

Amos 3:4

Be ngwayit tshu' mà fèn ke be ndù a ghù ze jujù ké? Be mén ngwayit tsin tô ntshag nz'é tù ke be ndù a ghom ju ké?

Mika 7:2

Mèn mebwô ke' bèn mbe mum ngô, mèn netsin ke bèn mbe netèt benntùn; njoṅ yub fa tamte ndem num nefètte lem, mba we lo nke mbùn mfèl i nkù.

Habakuk 1:15

Yen nzwit mèn nà be ndo' lub nsô yub yi tun ntse, ndo' mbunjà nsoṅ yub yi, ntse'te njoṅ i fa naṅ ntùm dua': Ndùlala mbe ntùm tsiaṅte, nke ṅwate.

Habakuk 3:14

O be ndo' nkét mu nto tu kamkam tse yi, kamkam tse bo be ntèn mba fetmbaṅ nse' sat'àm nà. Bo be ntshag nze yub tù ntùm tsiaṅte mba bo a' biagte ghayennge' ntùm ngab yub là.

Sakaria 11:3

Ghabéb mbwe tshwèt ntshu'te kua' kebwô, nummbe bo sate ju z'a ke ngù bo nka'te là; bon ngwayit tshwèt nkua'a, nummbe bo sate ju z'a ke ngù Yordan nkuni là.

Yohané 10:12

Ngafa' z'a ke' b'a ngabéb mbwe, ze njùmbwe ke' b'a ko' tse là, num njen mba nzwimàntô se' là, mfaṅ ba njùmbwe, nkù tse, nzwimàntô ghom tsemo'o, nsate tsemo'o.

Mfa' Ghantum 23:21

Là bam nà neju' ntshu yube! Ben ṅam nkuà kà ntôg netèt bo bùn i ywi', bo kàn mfe num tu wut tshob ndù ndon tsho tu bo, a be ze bo jù mbèn nu ke be ndù bo zwi Paulo là; bo à nabte njoṅ nu fa, bo ke ntù' béb, a be z'o bam nà.