Yobkwi 10:3 - NTSHOB NSI

³ Nummbe tshùagkèt mèn num nyàmte wul i num ju z'a num nge'te là. Nke ntshob ndù: Nsi ke bwe, tshù mi nkwate là.

Yobkwi 10:3 Iomraidhean Croise

1 Fenfen 20:25

Bèn ntse'te mo' ntshu ntsho be njoṅ z'o na' ngù k'a mbi là, ngù nyàmdiaṅ boa nkalig be njoṅ ts'a be là. Nummbe be nsi ma' yub ntsho tômbo'o, yen mbe ze be ke' ta ntshùa yub là. A ju' ntshu yub ngù ndùlala.

ṄWA'NI YOB 31:24

Me lo ke yab ntù num gol, ke tshob gol ntùn ndù: O b'a yàm ndàlem.

Yobkwi 35:21

Bo be nga' ntshu yub nte nge num àm, ntshob ndù: Ah! Ah! Miag mag tshwèt njene.

Yobkwi 49:18

Nummb'a be mbe kwù ke lo' sàm ju nèn yi. Tshunkàb tse ke' be tam njam i.

Yobkwi 49:6

A be me bwôg mum lé'njù nge'; ngelaṅ mfànnu ghamaṅt'àm lam àm mbum n'a numke?

Yobkwi 5:6

nga, kagni ke' ghù netsin mbwe o; o num mban ghatshùagntù,

Yobkwi 52:1

Ntshagte yobkwi. Yobkwi David.

Yobkwi 94:4

Bo tshwèt ntshobe, bo be ndo' ka'te ntshob yi. Njoṅ benntùn fa bo be ngù nukebwô là tshwèt nyàmte wut yub.

Netume 15:9

Ngakeban lo ke ntshob ndù: M'a' yab njam bo, m'a' kote yube, m'a' ghabte ntsha' ntsho. M'a' ghù tshu yàme, m'a' tsho' ṅwi, bu àm nsi sate njoṅ i fa.

Tànkùt 28:4

Ben tse bo ghua' ntshù' là nke nyàmt'a ngatshùagntù, là ben tse bo num nze ntshù' là num nja ntù num i.

Nzenu 7:15

Ngelaṅ me na' mi nke njôg yàm nà, me yen tshu yàme: Me na' yen mèn nenùn bi yôg se num nunenùne, mbèn njen tshùagkèt mèn lo' nezete njôg yi.

Esaya 37:23

We z'o tut'é, ntshabt'é à? O tshag nz'o tù à num we? O bù' miag mu tù num Mèn Nelàn Israél.

Esaya 57:17

Me lo tshùa njam nukebwô yàm nzwit mèn nja ntù mo' mén ngelaṅ. Me lo lab i, mféme, ntsho' lag num i. Me lo ya ntù: Ndùlala ngatatu nke nta tu nèn be mbwe num ze manze.

Yérémia 22:17

Là, o ghù miag bo ntù à nda' nelo' nzwiagte ghe't'o yi, mfètte lem mbu' yi, nelo' mfétte yi bo nelo' mfètte lem yi.

Lévitiko 26:30

Me nsi sate tsin mbwe', tsham neto tse bin te tù num lén lagnyam nà, yab fe tsin num fe nka neto tsine, ntù àm tsho' num bin, nu tsin bag àm.

Habakuk 2:9

Nge' tu mèn z'a be ntse'te nkàbfa' kebwô num tunndà i, ndù a te ze nkàn, dù'ntswe dù' ṅaṅa, ndù kà nge' kab mbu num i là!

Lukas 12:15

A bèn ntshob bo ndù: Bin bamnà, nzete num ze'te, nummbe yôg mènntùn ke' yé't'a num tshu tse, a be z'a ghù a yàm mba neyàm nà.

Lukas 12:19

ntshob ntù àm ndù: Ntù àm! O ghù tshu ts'o lé' num ngu'njù yàm nà yàme, fite wul o, njù, nu, mbèn ntsiaṅte tsho.

Roma 1:29

Bo dun njoṅ nuketsin fa, nukebwô, ze'te, tshùag, ndun ghe'te, nezwi mèn, ntsha, nkùnkù, tatte, ndàm,

Roma 1:32

bo tse bo lèn ntshù' Nsi mi a tshob ndù ghaghù lèn tshen tshu là ku'ni nekwù là, bo tshwèt ngù tshen tshu là, ke b'a nda' ndùlala, là bo tshwèt nyàmte ben tse bo tshwèt ngù tshen tshu là là.

1 Korintô 6:10

ke ba tshô, ke ghaghe'te, ke ghabum ndu', ke ghaso ndon, ke fimntshu lo ke nsi ghù yub bag i ntùm nufen Nsi.

Efésô 5:5

Bin lèn mebwô ndù njoṅ kattù fa, njoṅ yôg ṅu' fa, ke njoṅ ghaze'te fa lo, bo b'a ghaghamte nsi neto; ke ghù yub bag i ntùm nufen Kristô mba Nsi.

Nebwôgte 29:19

Tshùaben ke nsi lagte tse lèn yen mèn nà. Là yantù bo lànghe' Tshùaben nsi kam num yen mèn nà, njoṅ ndon fa bo kite ntùm yen ṅwa'ni li là tsho tu i, Tshùaben be bèn mbwete lén se tun bam kamànyam.

Nebwôgte 32:19

Tshùaben lo yene, nja ntù, là ngua' tse nshum mba tse ngon.

Kolosé 3:5

Ndùlala bin ghù nkam wut kwù num tshu ts'a be tse nsitsha' là: Nekale, yôg ṅu'u, ghe'te mbàb wut, ghe'te kebwô, ze'te z'a b'a neghamte nsi neto là;

Yakobo 4:13

Ndonni, tshù, bin num ntshob ndù: Sènni ke ndamnjù lo, bag nsi nèn ntùm yen ngô li ke yen nà lo, bag nsi tswe bwe ta' ngu'njù, bag nsi ta ntàn bwe, ghù nkàb yàme,

Yakobo 4:16

Là ndonni, bin num nta'nsoṅ ntùm ko'tewut zine; njoṅ lèn men nta'nsoṅ ni fa b'a mi kebwô.

1 Yohané 2:15

Kà bin kô njù, ke kô tshu ts'a be ntùm njù là. A be ze mèn kô njù là, mba nkôni Tà ke' be num i.

Ghasa'kame 17:2

A tshob màab mo' lé'njù ndù: Ndô nkàb ntshob nkù ntsha' mbùm tse bo na' ndo' wù, o fi njom num nu tse kua' num ntoṅ màm nà, me na' mbèn njé. Màab bùnte ndù: A bwô ndù Tshùaben tam ntse mén àm.

1 Samuél 23:21

Saulo bùnte ndù: A bwô Tshùaben naṅ mbotni num bin, mba bin ko ndèn màm nà!