Yobkwi 10:17 - NTSHOB NSI

¹⁷ Tshùaben, o be nju' ju ze ben nebétni be nkô là, o be ntswe'te ntù yube; o be nkù' ntoṅ,

Yobkwi 10:17 Iomraidhean Croise

1 Kronika 29:18

Tshùaben, Nsi Abraham, Isak mba Israél, tà tshag, kà bam ntù yu nzwit mèn tsho' num o, ghù lèn men nkwate ntùn nà be ntù i.

2 Kronika 29:36

Ezékia bo ngô fa tsiaṅte mba Nsi na' mfà nelànte ntù ngô là, nummbe mba zit ju lo lo tôg à be kua' ndende.

2 Kronika 30:12

Bu Nsi lo nsi, ba Yuda, mfà be ntù ntshù', ngù bo zwiagte ntshob mi mfen boa fenfen tse tshobe, mb'a be ntùm ntshob Tshùaben nà.

2 Kronika 34:27

Mba yen nu là kwag ntù o, o fà wul o nsi mbwe Tshùaben, nju' ju me tshob num yen dù' li boa ba la' tse, naṅ ntsha tu bo, nso ndon nelo' nyi'te yub yi là, me Tshùaben ju'. Nummb'o fagte nzwe tsho, nkua' num miag màm.

Yobkwi 102:17

ngelaṅ Tshùaben a' bèn kut Sion nà, a nsi ṅwag bwe mum nkuni mi.

Yobkwi 145:19

A be ngù ju ze ghabwôg i kô là, a be nju' mba bo tsiaṅ i là, njôg yube.

Yobkwi 34:15

Kù nukebwô, ngù numebwô. Diage, mbèn ntam njam fite.

Yobkwi 37:4

Yab yu tsiaṅte num Tshùaben, a nsi fà ju ze ntù o tshwèt nkô là wù.

Yobkwi 9:12

Yob kwi mfà Tshùaben z'a be ntswe Sion nà, soṅ mbwô mbwô tshu ts'a be ngù là netèt ngôngô.

Yobkwi 9:18

A bwô ndù ghatshùagntù bèn njam ntùm ngô fe ben, njoṅ tshen ghakelèn Nsi là tse bo be ndagte Nsi là.

Tànkùt 10:24

Ngatshùagntù be mbwôg nu a tsho i; ben netsin be nkô mba kelo Nsi fà bo.

Tànkùt 15:8

Jule'te ghatshùagntù num mbag Tshùaben. Là, ze nele'te ben netsin be mbwô i neshu.

Tànkùt 16:1

Ntàmtenu mi ntù ke ngù là ke ndôt'a mènntùn; là mbùn ntshob mi ntshu ke mfà là nke mfe Tshùaben.

Esaya 65:24

Me nsi bùnte bo ke be ndù bo yoṅ ntsiaṅ àm. Me nsi ju' le'te yub ke be ndù bo yoṅ ntsin ntshob nu me.

Matio 5:3

Ghafen b'a ben bo bwoṅ ywèt là, nummbe nufen kamànyam b'a yube.

Roma 8:26

Be ndaṅndaṅ mba Ywèt num njwimte ze ben nebole. Ju z'a bwô ndù be bètte, nde'te Nsi mb'a bwô là, be ke' lèn, là tu wut Ywèt num mbu' mbu num ze be tu ntùm z'a ke' be tum tù là.

Efésô 2:18

nummbe a lo ghù ntù ben bàa tshùa num ta' Ywèt ntshù' nèn mbaṅ Tà.

Efésô 3:12

ze be ghù fènntù num i, mba nenywinte nenèn mbaṅ Nsi njam bamntù ze be ghù num i là,

Yakobo 4:10

Bin fà wut tsin nsi mbwe Tshùaben, a nsi bù'te zine.

Yakobo 4:6

A num mfà kondèn z'a be ze ndùb ntshùate là; a ndùlala a tshob ndù: Nsi be ntshètte ghako'tewut, là, a num mfà kondèn ghafà wut nsi.

1 Pétro 3:12

nummbe Tshùaben te miag mi num ben netsine, nkù' ntoṅ num le'te Nsi mube, là Tshùaben nyamte se i mbwe ghaghù nukebwô.

1 Pétro 5:5

Be ndaṅndaṅ, benkristô, bin fà wut nsi mbwe ghakwé mbwe. Njoṅ zin fa ke mfà wut nsi bin bin, nummbe Nsi be ntshètte ghako'tewut, là, a num mfà kondèn ghafà wut nsi.