Yobkwi 10:16 - NTSHOB NSI

¹⁶ Tshùaben b'a mfen z'a tswe yoṅ ntshù' là, z'a tswe matmat là. Bo nsi biagte ghakelèn Nsi ntùm ze ngô.

Yobkwi 10:16 Iomraidhean Croise

1 Kronika 29:11

Tshùaben a bwô ndù nezi, neta bo nku'ni, neghô matmat bo ghamte be wù, nummbe ju z'a mfe kamànyam, num nsitsha' là o bèn ngù fa; Tshùaben, a bwô netô be wù nummb'o num ndo tù ntùm fen, nke ntô mba ke lo.

Yobkwi 145:13

Nufen so b'a s'a tswe ngu'ngu' là. Yu neta netô bèn ntswe matmat. Tshùaben num ndo' bwôntù i, ngù njoṅ nka'ni mi fa bumte.

Yobkwi 146:10

Tshùaben be nsa' ngu'ngu'. Sion, Nsi o be nsa' matmat. Aléluya!

Yobkwi 29:10

Tshùaben lo be num ko'fen se ngelaṅ dibambaṅ. Tshùaben be ntswe num ko'fen se nsa' njù matmat.

Yobkwi 78:55

A lo ta' ntumntum mbwe bo, ngabte ngô bo mba ntsi' là. Ngù nzwit Israél tswe ntùm ntàb tshobe.

Yobkwi 9:15

ndùlala ndù me soṅ njoṅ nkuni mu fa nsém Sion, mbèn ntsiaṅte num yôg s'a fe wù là.

Yobkwi 9:5

O be ntshètte njam àm mbèn nke ntomt'àm, ntswe num ko'fen mba ngatsho'te ntsha ze netsin nà.

Yobkwi 9:8

Tshùaben tswe matmat, a te ko'fen se num nu tsho'te ntsha.

Yobkwi 93:1

Tshùaben be nsa' njù, ndù a ma' nkuni num i, Tshùaben ma' ngù' num i, ntaṅ i tun i. Ndùlala njù féb nsi, ke bèn nke nyi'te.

Netume 15:18

Tshùaben b'a mfen njoṅ ndù fa!

Esaya 33:22

Ṅ, Tshùaben b'a ze be ngasa'kame, Tshùaben b'a ze be ngafà ntshù', mbe ze be mfen; a kua' yi nsi bèn yôg be.

Yérémia 10:10

Là, Tshùaben b'a Nsi kua' nenùne. A b'a Nsi z'a tswe ntùn nà, mbe mfen z'a tswe matmat là. Yantù i be ngù tsha' nyi'te. Ngôngô ke' be fènte tshùagntù i.

Nsindàvù 5:19

Wù Tshùaben, o ke ntô à matmat. Diaṅkwa so ke ntswe à ngu'ngu'.

Daniel 4:34

Ngelaṅ ze Nsi yab là lo ku'u, me Nébukanetsar me bù' miag màm mfe kamànyam, nkwate bèn nse' me. Me nyàmte Nsi z'a tà mfe tù là, me le'te, ngamte mèn z'a tswe matmat, mèn ze ze netô tswe matmat, mèn ze ze nufen tswe ngu'ngu' là.

Daniel 6:26

Yen nà lo be tshùa mfen Darius kite njoṅ nzwit benntùn fa, njoṅ ngôngô fa mba njoṅ ntshob fa, tse bo be ntswe num njoṅ nsitsha' fa là, ntshob ndù: A bwô ndù mà fite ndùb be bin!

Nebwôgte 8:20

Tshùaben nsi biagte zin mba ngôngô ts'a na' mbiagte yub mbwe bin nà, a be ze bin ke' ju' nze Tshùaben Nsi zin nà.

1 Timôtio 1:17

Ghamte mba nkuni ngu'ngu' be mfen njoṅ njù fa, Nsi z'a ke' be kwù, ze bo ke' be yen i, z'a be nda' tù' i là. Amén.