Yobkwi 10:14 - NTSHOB NSI

¹⁴ Là, mba ndùlala, o be ndôte, nummb'o be njen ntobni yub mba nge' yub, Ngayennge' ke njèn wul i à wù. O be njwimte ménntse.

Yobkwi 10:14 Iomraidhean Croise

Neto'te 21:17

Nsi ju' nze mén; Angél Nsi tsin mfe kamànyam ntsiaṅ Agar, ntshob yi ndù: A ke Agar? Kà bwôg nummbe Nsi ju' nze mén mum dù' z'a be bwe là.

Neto'te 31:12

A tshob ndù: Bù' miag mu ndôte njene, njoṅ nkomnjù fa mi bo tshwèt nko' njùmbwe là b'a ntshobntshob, nto'nto'o, mbàbmbàbe; nummbe me yen ju ze Laban ghù wù là.

2 Samuél 16:12

Be mo' ndù Tshùaben tam lag num yàm nsobni, ntshàm ndèn màm num ndon ze bo tshwèt nso tu àm sènni là.

2 Fenfen 9:26

Me Tshùaben yen lem Nabot boa tse bon tse, tu wul àm, me nsi yagte yen nu là wù be nsen ni ntùm yen nà li. Ndùlala lo' i ma' ntùm nà Nabot mba Tshùaben na' ntshob là.

2 Kronika 24:22

Mfen Yoas ke bèn nkwimte mebwô ze Yéhoyada tà Sakaria na' ngù yi là, nzwi nshum i. Sakaria be kwù ntshob ndù: Tshùaben yene, ngù nunetsine.

2 Kronika 6:23

mb'a bwô ndù o tsin mfe kamànyam nju' nz'é, ngù num i mb'a bètte là. Tsho'te ghafa' tsho; naṅ ntsha tu ngafànnu, ngù ndù nzin mi vù à be tu i; ghù nunetsin mbu'u, ngù num i à mb'a b'a mbu' là.

Yobkwi 146:9

Tshùaben be ntshètte ghùn, Tshùaben be ntomte ménntse mba mfôg mènnzwi, là, a be nkaṅ manze ghatshùagntù.

Yobkwi 22:11

Me lo ke ghù mo' mèn fe bam màa k'a ke nda' wù. O lo be Nsi àm fe bam màa.

Yobkwi 31:8

Me nsi tshùa njam kondèn o be ntùm tsiaṅte mba ntùm ṅwate, nummb'o yen ngùtni àm, o lèn nge' tse ntù àm be ntùm bwe là.

Yobkwi 35:22

Tshùaben, o be njene, kà tswe ntshu mi'i. Tshùaben, kà nèn ngùanesà mbaṅ àm.

Yobkwi 55:22

Ntshu i dùmte ntshùa ṅwa'a, là ntsho be ntùm ntù i; ntshob mi be mbotte ntshùa mfèt, là njôg mba mbi netshùag mi mo' ju ke' bomt'é là.

Yobkwi 68:5

Bin yob kwi mfà Nsi, bin ghamte lén se. Bin fag manze mèn z'a tshwèt ntshùa num ndot là! Lén se b'a Tshùaben. Bin tsiaṅte mbwe i.

Yobkwi 68:6

Tà bontse, ngakabte fôg bènnzwi, b'a Nsi z'a tswe ntùm dù'ntswe i ze nelàn nà.

Netume 2:25

A lôte bon Israél, mbèn ndèn yube.

Netume 22:22

A be ze bin fim ntshu yube, bo kua' nsoṅ àm nà, mba me nsi ju' nkua' mube.

Netume 22:26

nummb'a b'a nda' ze nzwe là. A nda' yi z'a num nkabte wul i yi là. A yôg mbe ke be yi, mb'a' kabte wul i à ke? A ne nkua' ntsiaṅ àm, mba me nsi ju' kua' mi, nummbe me b'a Nsi kondèn.

Tànkùt 15:25

Tshùaben num ntèn ba' ghako'tewut ma' nsi, là nke ngù ndoṅ ndùnsi mfôg mènnzwi ta nsi.

Tànkùt 15:3

Miag Mbom be mbe njoṅ dù' fa, nke ndôte ghatshùagntù boa ben kebwô.

Esaya 10:3

Bin nsi ghù à ndùke lé'njù se nenaṅ ntsha nsi se' à? Bin nsi ghù à ndùke nevù z'a fe à ngùanesà nsi kab mbu num bin nà? Bin nsi nèn bètte ywimt'a we? Bin nsi lem zin nkàb à yà?

Yérémia 16:17

Nummbe miag màm te num njoṅ mfa' mub fa. Sàm ta' i ke' lemte num miag màm; be mfànnu mub ke lem num miag màm.

Yérémia 23:24

Tshùaben tshob ndù: Be mènntùn lem ntùm ndàlem, kà me ke yen i ké? Yàm neke mbe be nsi ke' dun mfe kamànyam mba num nsitsha' ké? Tshùaben bèn ntshobe.

Yérémia 49:11

Ndùse bin nsi be ke bèn mbe là, me nsi ghù bontse tsin yôge, tsin fôg bènnzwi nsi nywinte num àm.

Yérémia 51:56

Ṅ, ngasate dù' tsho' ngwù num i, num Babilon; bo kab mbu num tse soyé Babilon, ngoṅkét tshob be'te. Nummbe Tshùaben b'a ta' Nsi z'a be mba' mba we lo à ndaṅndaṅ mba mfa' mi be yi là. A be mfà ze nkàbfa' mba we lo bu i.

Nsindàvù 3:59

Tshùaben, o yen mba bo na' ngù me yen nge' là. Ghù nunetsin me.

Nsindàvù 3:60

O lo yen njoṅ yagte mba' yub fa, njen njoṅ ntsham mub fa mi bo na' ntsin num àm nà.

ṄWA'NI OSÉ 14:3

Lo' nda' ntshob ntshu nse' yi, mbèn njam ntèt Tshùaben. Tshob yi ndù: Lagte njoṅ mfànnu mag fa, ndo' yag mebwô. Nummbe bag a' faṅ nefà ba nyàm wù, ndo' a nenyàmt'o nkub ntshu mag nse' yi.

ṄWA'NI OSÉ 14:4

Ze Asiria ke nsi yôg yage, bag ke nsi ko' num ba nyàmdiaṅe, ke bèn netshob mfa' mbu mag ndù, Nsi yag! Nummbe ménntse ke njen kondèn à mbaṅ o.

Yoél 3:4

Lagnyam nsi kaṅ tù' njame, maṅwù tù' lem, kà lé'njù Tshùaben se ndùb mba se nekuni i se'e.

Habakuk 1:13

Miag mu làn neshu neyen nukebwô, o ke' be lôte mfànnu benntùn. B'o lôte ghatatte mi ntswe ke ntshob nu, ndùse ngatshùagntù tshwèt mi mèn z'a tsin ntshùa i l'à ndùke?

Nebwôgte 10:18

a be ngù nu ndaṅndaṅ ménntse bo mfôg mènnzwi, nke mfà jujù boa nzwe ngùn, nke nkô i.

2 Timôtio 1:12

A num ndùlala ze me tshwèt njen nge' là, là tuswe ke' ko àm, nummbe me lèn mèn ze me bam i là, ndèn kua' mebwô ndù a b'a mèn neta z'a ku'ni nelem bu' sàm num sen lé'njù là là.

Héber 4:13

Sàm mèn ke' lemte mbwe i, njoṅ tshu fa b'a tunntôg mba nge num miag mi, yi ze be nsi siaṅte mbwe i là.

1 Pétro 4:19

Ndùlala, a bwô ndù ben tse bo tshwèt njen nge' mba Nsi kô là fà ntù tshob Mbom mèn ze nenùne, ntùm neghù numebwô.

1 Pétro 5:7

bin yab njoṅ tsin nelab wut fa num i, nummbe a num nywin num bin.

Ghasa'kame 1:7

Adonibézék tshob ndù: Tshù fenfen ntu ṅam sammbàa là màdu' mbu mub boa nku mub kebte, bo nke ntswitte tshu bam téblé sàm nà. Nsi ke mba' à ju ze me ghù là me. Bo lo' i nèn yi Yérusalém, a tsho bwe nkwù.