Yobkwi 1:1 - NTSHOB NSI

¹ Mènfen b'a mèn z'a ke' be zin à num ntag ghatshùagntù là ke be tsin num manze ben kebwô, ke be tam bwoṅ boa ghatshabte là,

Yobkwi 1:1 Iomraidhean Croise

Neto'te 49:6

Me ke nsi tsin nsi tsham bag à bo. Me ke nsi te ku ntùm mbumte yub. Nummbe bo be nzwite benntùn ndùse bo ya ntù là. Bo be nkù ntù nekag mfaṅ njam nku mfotmfô.

Neto'te 5:24

Hénok lo ke nzin bo Nsi, ke bèn nebe, nummbe Nsi lo lo' i nèn yi.

1 Fenfen 16:31

Neso wut num nukebwô Yéroboam nshum Nebat lo kag num ze tu, k'a so Yézabél ngon Etbaal, mfen Sidon. A tù' ngafa' Baal, kà nke ngwù mbwe i.

2 Kronika 22:3

A zin num tse nze tunndà Akab, nummbe màab lo ke mfà ntag kebwô yi.

ṄWA'NI YOB 10:3

A tù' bwô o ndonni à neghùtni, nema'ni fa' se mbu mu fa' là ké? Ndù o nsi tù' ké' yu nelàn à num ntàmtenu ghatshùagntù ké?

ṄWA'NI YOB 21:16

A b'a ndùke! Bo ke' b'a ntùm fu' ké? A bwô ghatshùagntù nèn mub ntag ngùanesà num miag màm.

ṄWA'NI YOB 31:5

A be ze bag tatte tam nze nzine, a be ze ku àm fùag nsi num fùte là,

Yobkwi 1:6

Nummbe Tshùaben lèn manze ben netsine. Là manze ghatshùagntù ke nkum à ntùm nebi.

Yobkwi 106:3

Ghafen b'a ghaze ntshù', ben tse bo be ngù nunetsin njoṅ ngelaṅ fa là!

Yobkwi 112:1

Aléluya! Ghamte be Tshùaben. Mènfen b'a mèn z'a be mbwôg Tshùaben nà, ze ntshù' mi be mbwô i neshu là!

Yobkwi 119:115

Ghatshùagntù nèn ngùanesà mbaṅ àm, ndù me ze nkàn Nsi àm.

Yobkwi 144:15

Mènfen b'a ngô z'a be ntùm bwe ndùlili là, mènfen b'a ngô ze Tshùaben bèn mbe Nsi bwe là.

Yobkwi 146:5

Mènfen b'a mèn ze ngaywimt'é b'a Nsi Yakob, ze ze nenywinte b'a num Tshùaben Nsi i là,

Yobkwi 146:9

Tshùaben be ntshètte ghùn, Tshùaben be ntomte ménntse mba mfôg mènnzwi, là, a be nkaṅ manze ghatshùagntù.

Yobkwi 2:12

bin tate nku mi, mbwôg ndù k'a ya ntù, ndù kà bin bi num zin manze. nummb'a tù' mén nda'nda' yantù i kame. Mènfen b'a mèn z'a be njab ntù i num i là.

Yobkwi 26:12

Ku àm ta nsi num tsha' njum. Me be nyàmte Tshùaben ntùm mbumte.

Yobkwi 34:8

Angél Tshùaben be ntswe ben bo be mbwôg Tshùaben nà, nkwé yub bu nge'.

Yobkwi 36:4

Ntshob mi a be ntum ntshu i là ke' tsin, mbe mi tatte. A be nga nelo' zenu kà ngù yi, nga neghù numebwô

Yobkwi 64:2

O Nsi, ju' nz'àm, ngelaṅ me kua' wù là. Tshètte yôg sàm num ngakeban ze me be mbwôg i là.

Yobkwi 81:12

Là, ben tshàm lo ke to' ju' nz'àm. Israél lo ke to' ju' ntshu àm.

Yobkwi 84:12

Nummbe Tshùaben Nsi b'a lagnyam mba tshètntsho. Tshùaben be mfà kondèn mba ghamte. A ke' be gha sàm numebwô ben tse bo be nzin ntùm nenùn nà.

Tànkùt 1:15

Nshum àm, kà bam ndù bin à bo tam manze nzine bémte bon manze bo tsin bwe là;

Tànkùt 1:22

Ghafemni, bin nsi kô femni tà nkum à ndùke? Ghatshab ntshu nsi tshab ntshu tà nkum à ndùke?

Tànkùt 13:15

Nkwate mebwô be mfà nku'ni, là ze manze ghamfùm ta neshu.

Tànkùt 13:20

Mèn ke njôg boa ghazenu mb'a nsi tù' nzenu, là mèn z'a be nzin boa kagni là be njen kebwô.

Tànkùt 19:29

Nevù ntsha b'a num ze tu ghatshabte, shua' bèn nke mbéb à mvèn kagni.

Tànkùt 2:12

Nkwate tshu'u num manze nukebwô, ze mènntùn z'a tshwèt ntshob tshô kebwô là,

Tànkùt 3:34

A be ntshabte ghatshabte, Là, nke nko ndèn ghafà wut nsi.

Tànkùt 4:19

Ze manze ghatshùagntù b'a mba njam nà, bo ke' be yen ju z'a ghù bo vù nsi là.

Tànkùt 9:12

A be z'o b'a ngatshabte là, mb'o nsi bèn ket nge' i yu tu.

Yérémia 15:17

Me ke' be tswe netèt ghatshabte, nke ṅwate bag à bo. Bu o num ntshagt'àm, nte àm njam, nummb'o lo ghù zwe dun ntù àm.

Yérémia 17:7

Mènfen b'a mèn z'a num njab ntù i num Tshùaben nà, mèn z'a be nywinte z'a nda' num Tshùaben nà.

Ezékia 20:18

Me tshob bon tshob num kônkwa ndù: Kà bin bwe ntag tà tsin, ke ze nkàn mube, ke bèn nke nsagte wut tsin num ba neto tshobe!

Matio 16:17

Yésu bùnte, ntshob yi ndù: O b'a mènfen me Simon mén Yona, nummbe a ke b'a mbàb mba lem bèn nda'te yen nu là wù, là Tàa z'a be mfe kamànyam nà.

Lukas 11:28

Là Yésu tshob ndù: Là ghafen bèn mbe ben tse bo num nju' ntshob Nsi, mbèn nke nze là.

Lukas 23:51

Ndù a lo ke bam tse nu ze bo na' nkutte, ke nu ze bo na' ngù num Yésu là lo. A na' mb'a ze Arimatia ngô ba Yuda; mba tu wul i lo ke mbéb nufen Nsi.

Yohané 13:17

Bin nsi b'a ghafen, a be ze bin lèn tshen tshu li mbèn nke nze là.

Yohané 20:29

Yésu tshob yi ndù: Nummb'o yen àm nà, o bam! Ghafen b'a ben tse bo ke' yen mbam nà!

Roma 5:2

Njam bamntù be, a lo ghù be tsho ntùm yen kondèn nà ze be be ntsin bwe là; bag à bin num nta' nsoṅ ntùm nenywinte nkuni Nsi.

Efésô 6:13

Ndùlala, bin tshùb tshu ntsho Nsi, ndù bin ku'ni nesag ntù mum lé'njù kebwô, ngù njoṅ i fa, mbèn ntsin tù.

Nebwôgte 14:6

Bin nsi ke fèt mba zit nyàm no ze ndô mi ghabte, kib ku i ghù neta' i, a nke mfèt nenà ndé' ntshu i kà mbèn mfèt là. A ke nkam nenà njwe'e mbèn mfèt là.

Nebwôgte 33:29

Israél o be tsho a mènfen! We z'a be mba wù à? O b'a nzwit mèn ze Tshùaben tshu' i là. A b'a yu tshètntsho, mbe ṅwi nkuni mu. ghakeban tsho nsi se' ma' mbu wù, là o nsi nyiaṅte tshob dù' neṅate ntùm ngô nku mu.

1 Pétro 4:3

Nummbe, a lo be mbwe, bin nke ngù ze nekô ghakelèn Nsi, yen ngelaṅ nà ze bin na' nke nzin ntùm ngùa, ghe'te, nebum ndu', nejù yàme, nenu yàme, ṅu'u, neghamte nsi neto là, yen ngelaṅ nà ku'u!

Apokalipse 22:14

Ghafen b'a ben tse bo sôg nkum mub là, bo ghù ngù' num tù yôg, nku'ni netshùa num ba nzendà ntsho ntùm ngô.