Nsindàvù 5:1 - NTSHOB NSI

¹ Tshùaben, kwimte nu z'a tsho yag là! Lôte njen mba tuswe ko yag njene!

Nsindàvù 5:1 Iomraidhean Croise

Néhémi 1:3

Bo bùnte me ndù: Ben tse bo fe ndà kuan nà b'a ntùm ta' taṅ ngô, ntùm nge' ndùb mba ntùm tuswe; kàbngô ts'a Yérusalém nà vùte nsi fa, bo bèn nton nzendà tse fa.

Néhémi 1:8

Kwimte ntshob li mi o na' ntshob ngafa' o Mosé ndù a tshob là ndù: A be ze bin ghù nukebwô là, mba m'a' sate zin netèt ngôngô;

Néhémi 4:4

Néhémi le'te Nsi ntshob ndù: Nsi yag, ju' mba bo tshwèt ngwag yag nju'u! Ghù ndù tute yub vù kua' tu bo, o bèn nswèn yube, bo lagte ntsha' yub num ta' dù' tsha'a, dù' bo nsi tù' kuan bwe là.

ṄWA'NI YOB 10:9

Kwimte ndù o lo bom àm à mba tsha' nete kab yi là. O bèn nkô nelo' àm nkaṅ à mbab yi ké?

ṄWA'NI YOB 7:7

Nsi, kwimte ndù yôg sàm b'a ta' mfùag. Miag màm ke nsi bèn yen fu'.

Yobkwi 119:153

Yen nge' àm ntshu' àm, nummbe me ke' lagte ntshù' o.

Yobkwi 74:18

Kwimte ndù ngakeban be ntshabte Tshùaben, mba ndù nzwit kagni be ngwag lén so!

Yobkwi 79:12

Ba' tshabte ba ndùla' bag bo yoṅ sammbàa tà ntùm ntù tshobe. Me tshob à tshabte tse bo na' ntshabt'o yi là me Tshùaben!

Yobkwi 79:4

Bag tù' à ju tshabte mbwe ba ndùla' bag. Ntù' ju komzwi mba ju tuswe mbwe ben tse bo diaṅ yag mbum nà.

Esaya 62:6

Me yab ghabéb dù' num kàbngô tsho Yérusalém, bo ke nsi memte ntshu yube, ke mbwôgtshù ke tèttswe' lo. Bin tse bin be ngù Tshùaben nke nkwimt'é là ke nsi fite.

Yérémia 15:15

Tshùaben, o lène, kwimt'àm, lôt'àm. Yagte mba' àm num ghama'ni àm, kà sô yantù o; lèn mbe me ke mfènte yen tute li à num tu o.

Yérémia 51:51

Tuswe lo ko yag ndùse bag ke nju' tute là, tuswe lo ke mfim se tshag ndùse ba tum se' ntsho dù' nelàn ntùm ndà Tshùaben nà.

Nsindàvù 1:11

Njoṅ ze nzwit mèn fa tshwèt ntsham zwe, nke ndiag jujù. Bo fà tshu tanjoṅ tse bo ghù là num jujù, ndù a tshùa ndùlala neta bèn mbe bo. Tshùaben, lôte njen mba me tù' ju banban njene!

Nsindàvù 1:20

Tshùaben, lôte nge' àm njene! Nto màm tshwèt nkaṅte, ntù àm tum ntùm wul àm, nummbe me lo ta tu. Ṅwi yab nu njù, vùkob yab nu ndà.

Nsindàvù 1:9

Nesagte lo be num tun kun se, a ke ke nkwate mb'a nsi lo' miagte yi là. A vù kua' num mat netshàme, sàm mèn ke tum num nefite ntù i. Wù Tshùaben, yen nge' àm njene! A ke lèn ka'te li ze ngakeban ghù ntù i à?

Nsindàvù 2:15

Njoṅ ghatshùagntù fa tshwèt mbu'te mbu num o, nke ntôte fin, nke nyi'te tu num ngon Yérusalém, nke ntshob ndù: A kua' tusô se bo ke ntsiaṅ i bwônja' li ké? Z'a b'a tsiaṅte nsitsha' fa li là ké?

Nsindàvù 2:20

Tshùaben, lôte njen mèn z'o ghù yi ndùlili là! A lo bwô ndù bènnzwi fèt bon ts'a tum bam bo là ké? Tshen bon nà b'a ju ze bo num nkwe'te là. A lo bwô ndù bo zwite ghale'te boa ghatshob ntshob Nsi ntùm dù' Tshùaben ze nelàn ké?

Nsindàvù 3:19

A num mbe ndùse me kwimte nge' àm bo ngùtni àm nà, tsheb bo zwetshù'tshù' dun ntù àm.

Nsindàvù 3:50

A nsi b'a ndùlala tà nkum ndùse Tshùaben tsin mfe kamànyam ndôte njen nà.

Nsindàvù 3:61

Tshùaben, o lo ju' tshabte yub, njoṅ ntsham mub fa mi bo tsin num àm nà.

Habakuk 3:2

Tshùaben, me ju' ju z'o tshob là, wul àm fét num fa' so me Tshùaben. Ghù fa' so tswite wul i ntùm ngu'ngu'. Là mba ntùm yantù o, a bwô ndù o kwimte kondèn o.

Lukas 23:42

A bèn ntshob ndù: Yésu, kwimt'àm ngelaṅ z'o nsi tsho ntùm nufen so là.