Nsindàvù 4:8 - NTSHOB NSI

⁸ Ntshù mub sèn ntshùa njam njù. Bo ke' be lèn yub num manze. Ngub wut yub lat num mvôg mube, ndù a jum mba ntshwèn nà.

Nsindàvù 4:8 Iomraidhean Croise

ṄWA'NI YOB 19:20

Mvôg màm ṅab num ngub àm bo mbàb àm. Nda' mvôg màm bèn ntù' me.

ṄWA'NI YOB 2:12

Ndùse bo tsin ngùanesà ntam lag num i là, bo ke bèn nelèn i. Ndùlala bo tshag nze yub tù nkua'a. Bo fagte nkummbaṅ mube, ma' mbab tù mfe num tu bo.

ṄWA'NI YOB 30:30

Ngub àm be nsèn ntsho' ngwù nsi. Mvôg màm num nkù, njume.

ṄWA'NI YOB 33:21

Mbàb wul i bi, nsàmte, mvôg mi mi bo na' mbe ke ke njen nà tumte fa.

Yobkwi 102:11

mbwe yantù o mba tshùagntù o, nummb'o lo tsho' àm, ngua' àm.

Yobkwi 119:83

Mba mba me be mba ntu' ze bo yab nzembwôge, nzembwôg sèn i là, me ke' lagte ntshù' mu.

Yobkwi 32:4

Nummbe bu o be ndét num àm tèttswe' mba mbwôgtshù. Yàm neta jum ndaṅndaṅ mba dù' be njum dum nà.

Yobkwi 38:3

nkét mo tshote num àm, bu o lèt num àm.

Esaya 52:14

A be ze ze nebe na' nkag bwôg num benntùn yàme, num mba ntshù' mi na' nkaṅe, bo ke bèn ngù nelèn i, nummb'a lo ke bèn nefute benntùn nà,

Nsindàvù 5:10

Ngub wut yag ke nton à mba lagmbwôg neka tag yi là, mbe ndùlal'a num tonte nziku' z'a num bag là.

Yoél 2:6

Ntumntum tshwèt mvètte mbwe i, se njoṅ benntùn fa tshùaṅ.

Nahum 2:10

Bin lagte nkàb, bin lagte gol. Tshunkàb nsi ndù a yàm neshu, tshunkàb tse bo lo' njoṅ ju tanjoṅ fa nabte yi là.

Lukas 10:11

Bag bé'te mba mbab mi a ṅab num nku mag ntùm ngô zin nà, mfaṅ bin. Bin yôg nendèn ndù nufen Nsi à ghebte.