Nsindàvù 4:6 - NTSHOB NSI

⁶ Ze nevù ntsha ngon yàm nzwit mèn ghu' neshu, ntshùa ze Sodom ze bo na' nsat'é kua' num ngualag là. Sàm mèn lo ke nenjab bu num i.

Nsindàvù 4:6 Iomraidhean Croise

Neto'te 19:24

Ndùlala Tshùaben ghù mbwôg njôg swe' mfe kamànyam ngwù mum ngô Sodom bo Gomora mba mbaṅ nà.

Neto'te 19:25

Nsate tshen ngô là boa njoṅ tômbo' fa, njoṅ benntùn fa tse bo be ntswe mum ngô là, boa njoṅ tshu fa ts'a bit num tsha' là.

Esaya 24:2

Ngale'te bo ménla' b'a ju ntshù', tàfa' bo ngafa' b'a ju ntshù', màfa' bo ngafa' ze mènnzwi b'a ju ntshù', ngaswèn bo ngajun b'a ju ntshù', mèn z'a tshwèt nsô bàm i mfo mèn nà bo mèn z'a tshwèt nkwé là b'a ju ntshù', ngakùa bo mèn bo tshwèt nkùa yi là b'a ju ntshù'.

Yérémia 20:16

A bwô ndù yen mèn nà tù' à mba ntusô mi Tshùaben na' nsate, ke ghù kondèn nà. A bwô ndù a ju' nekua' nkebnjù, nju' nkua' ntsho mbwôgtshù.

Yérémia 23:14

Là, mbe se' mba ba ghatshob ntshob Nsi tse bo Yérusalém nà, me yen tshu ts'a bag ntshùate là; màndà bo tatte. Bo be mfà tànntù ghatshùagntù, ndùlala mba ze ntshù' ke bèn nkag tshùagntù nsi. Njoṅ yub fa be num miag màm à mba ben kebwô tse bo be Sodom nà. Ben tse bo be Yérusalém nà b'a mba ben kebwô tse bo be Gomora là.

Nsindàvù 4:9

Ben tse bo kwù ṅwi là b'a ghafen, ntshùa tse nziku' nsi bèn zwi yub là. Bo mit'a be nda'nda' num tsha' ke fà ntàme.

Daniel 8:25

A tshùa num mb'a ke nzi, nke nèn mbwe ntùm njoṅ mi mfù là, ka'te nke nko' ntù i. A nsi biagte benntùn yàm tse bo ke njôg ntùm fite là, lo nsi num mfen fenfen; là bo nsi be't'é ke be ndù sàm bu fà ywimte.

Daniel 9:12

A ghù ntshob mi a na' ntshob num bag mba num fenfen tse bo ke ntô yag là bumte. A ghù mo' mà nge' ndùb se' num bag, nge' ze lèn i ke' yoṅ nto' fut'é tun bam kamànyam nà. Lèn yen nge' là se' num Yérusalém.

Matio 24:21

Nummbe nge' ndùb nsi be, nge' ze mèn ke' yoṅ nto' yen lèn i fe ngelaṅ Nsi nabte njù tà nkum ndonni, mbe ndù lèn i ke nsi bèn be là.

Lukas 10:12

Me tshob bin ndù num sen lé'njù là, nu ngô Sodom nsi bwô tshùa ze yen ngô là.

Lukas 12:47

Yen ngafa' z'a lèn ju ze tàfa' kô, mbe tswe ke ke mbébe, ke bèn ngù ju z'a kô là, bo nsi tsham i nto' yàme.