Nsindàvù 4:2 - NTSHOB NSI

² Kamkam bon Sion tse bo ke ndo' yub mba gol mebwô là, tù' b'a mba nkab tsha' là, nkab mi a b'a mfa' mbu ntetsha' là.

Nsindàvù 4:2 Iomraidhean Croise

Esaya 30:14

A be mbe't'a mba kab tsha' be mbe'te, ndùse bo tsil i ke ghù kondèn nà. A be nkute ka ka i tù' ze nelo' mbwôg yi ke nelo' ndette ntse yi tôntse lo.

Esaya 51:18

Num njoṅ nshum fa ts'a ghù là, mba ta' i ntshù' ke' soṅte bu i, num njoṅ bon fa ts'a kwiagte là, mba ta' i ze ntshù' ke' tshùb bu i ntshagt'é.

Yérémia 19:1

Tshùaben tshob me ndù: Nèn ju ntetsha' njun ta' tshaṅ tsha'a. Lo' ywèn benntùn ntùm ngô mba netèt ghale'te.

Yérémia 19:11

O nsi tshob bo ndù: Tshù ju ze Tshùaben tàndà ntsho tshob li: A b'a mba me nsi tsit yen ngô li bo sen tusô li là, tsil i mba bo be ntsit tshaṅ ntetsha'a, kà bo ke ku'ni nebèn nabt'é là. Bo nsi tshoṅ fe tshob dù' bo num ngua' nenà là, nummbe dù' netshoṅ yub nsi bwoṅe.

Yérémia 22:28

Yérémia bètte ndù: Ndù yen Yékonia là b'a kab newage, z'a tsit là ké? Ndù a b'a ju ze njoṅ i ke bwe là ké? Numke bo ngua' yube, yi bo nzwil i, ma' yub ntùm ngô ze bo ke' lèn n'à?

Nsindàvù 2:21

Bônke' boa ywèn benntùn nôte nsi num manze. Ngonngon tshàm boa bonnshum vùte num ntshùag ṅwi. O lo zwi neshu num lé'njù yantù su, o lo watt'a ke ko ndèn.

Nsindàvù 5:12

Mbu mub lo taṅ kamkam tù. Bo ke ghù nku'ni ywèn benntùn.

ṄWA'NI OSÉ 8:8

Bo sate Israél. Bo be ndonni à netèt ntumntum, mbe ndaṅndaṅ mba kab z'a tsit là.

Sakaria 9:13

Me taṅ Yuda mba yàm ngoṅkét là, Efraim be mba sàm két là; Sion, tshù, me nsi ghù bon tsho lo nsi nèn num tse ba Grikia Me nsi lo' o mba ṅwi ngayob ngu' là.

2 Korintô 4:7

Là bag ghù yen junkàb l'a ntùm nkab tsha'a, ndùlala ndù yen neta là z'a gha' mbu là b'a ze Nsi, ke fe à bag.

2 Timôtio 2:20

Nda' nkab gol ke silba lo ke bèn nke mbe ntùm ndà ndùb, là mba mi ntù ke tsha' lo; memo' b'a mi nku'ni, memo' be mi tuswe.